9 Ali cino fwandi wemo ule uyuvwe sile. Lelo kwene ulinzile ukuyasoka nu kuyanenela calimwi vino umwene wao alacita kunoyali.”
Alino lyene Samueli alondolwela antu insambu zyakwe kateeka ni milimo yakwe. Alemba umu lupapulo nu kulwika umu ncende yamuzilo pa manso yakwe Yawe. Alino lyene asalanganya na antu kuti lyene yangaswilila kumwao.
Intunguluzi ikuteeka itakwata insambu yakupokolola icuma ca antu yauze. Umu mpanga sile yakweyo ali muno ilinzile kupeela ana yakweyo aonsi utuvitungu tuno nayo yangaikwatila, ali pakukana pokolola antu yane yamwi impanga yao.”
Nemo ndi napingwila umuntu mwipe umwi ukufwa, nawe wakana ukumusokako kuti ate imicitile yakwe iipe, alole nu kwikala umu umi, ala umuntu wiyo umwipe alafwa pamulandu wa uyi wakwe. Lelo kwene nawe kwene ulakumpwilapo umulandu pa lwa mfwa yakwe.
Kwali kweneko inkondo ikakate sana iyakulwisya aina Filisti mu manda yonsi ya umi wakwe Saulo. Lyene lyonsi lino Saulo walola umonsi umwi uwalolekanga uwamaka nanti umusipe, ala amamutola nu kumucita icita cakwe.
Fwandi ulutambi lwakwe yasimapepo atumikilanga antu lwali ndi vii: lyonsi lino umuntu ali wensi akupeela impolelwa, lino inyama icili ikwelekwa, umuomvi wakwe simapepo wiyo aiza ala alemile foloko umwi kasa lyakwe.
Ukutandikila sile pa wanda uno nayafumizye umu mpanga ya Eguputo, yene yantaluka nu kusenukila ku kupepa tuleza tuze. Na pilelo kwene avili vino yacita kuli wewe.
Alino Samueli anena aina Izlaeli yonsi ati, “Nuvwile ku mazwi inu muli vyonsi vino mwanenyile nga nani imupeela umwene uwa kumuteeka.
Pano ukufuma sile lino nafumizye ivikolwe vyao mu Eguputo, nayasopesizye wakwe cimwi ukuyela amazwi yane. Ukufika sile na pilelo nemo natwalilila ukusopa antu yane.
