1 Samueli 8:7 - Amazwi Yakwe Leza 2013

⁷ Nawe Yawe amunena ati, “Uvwikisye ningo vyonsi vino antu yakukunena. Asi awewe yakanyile ukuya umwene wao, lelo anene nemuno yatiyakana ukuya umwene wao.

1 Samueli 8:7 交叉參考

1 Samueli 10:19

Lelo mwemo mwatimukana Leza winu, wino akamutuula ku ntazi zinu zyonsi na kuli vyonsi vino vikamusakamika. Mwemo mwavwanga mwati, ‘Awe! Tupele sile umwene uwakuti atuteeka.’ Acino fwandi yangini mutantame pa manso yakwe Yawe umu mitundu inu ni miiko inu.”

Luka 19:27

Lelo anisi yane yano atalondanga kuti inje mwene wao yaletini kuno nu kuyakoma pa manso yane.’”

Luka 10:16

Yesu anena alondezi yakwe makumi cinimbali na yaili ati, “Wino akamuvwila, akauvwila nene. Lelo wino uwamukana, ala wakana nene. Caleka wino uwankana, ala wakana uwantuma.”

Kufuma 16:8

Lyene Mose atwalilila kuvwanga ati, “Yawe ali wino alamupeela inyama zyakulya cila manguzi nu kumupeela umukate uvule cila katondo pano Yawe atauvwa kuilizyanya kwinu kunoli. Nga naswe sweswe yaweni? Lino mukuilizyanya kuli sweswe ala mutakucita cico kunotuli, lelo akuli Yawe.”

Luka 19:14

Lelo, aikazi ya mpanga ino walimo yamupasile. Caleka yatuma inkombe pacisila cakwe kuti zikalande ziti, ‘Tusikulonda umuntu wii, kuti aye mwene witu.’

Mateo 10:40

“Wino wensi uwamuzengela, ala wanzengela. Na wino wensi uwanzengela, ala wazengela wino uwantuma.

Yoane 13:16

Cumi namunena vino kusi muomvi alusile mwene wakwe, nanti nkombe yaluta wino waituma.

Ezaya 66:4

Ali cino fwandi ndayasolwela amacuzi, nu kuyaletela vino yakaoopesya ukuluta. Pano lino nayamile kusi wino wanjaswike. Lino nalanda kusi wakuti auvwe. Yene yakacita iviipe mu manso yane nu kusansamukila muli vino nemo nasoka.”

Mpendwa 22:20

Usiku uwo, Leza aya kuli Balamu nu kumunena ati, “Fwandi vino antu yaa yizile ku kukwama, katuka upite nayo. Lelo ulinzile wacita sile vino nakunena.”

Yakapingula 8:23

Gidyoni ayanena ati, “Nemo ntalaya umwene winu, nanti umwana wane kwene. Yawe alinzile kuya umwene winu.”

1 Samueli 8:8

Ukutandikila sile pa wanda uno nayafumizye umu mpanga ya Eguputo, yene yantaluka nu kusenukila ku kupepa tuleza tuze. Na pilelo kwene avili vino yacita kuli wewe.

1 Samueli 8:22

nga Yawe nawe avwanga ati, “Ule utezye sile kuli vino yakulanda nu kuyapeela umwene.” Alino Samueli anena aina Izlaeli antu, “Cila muntu aswilile ku musumba wa kumwao.”

1 Samueli 12:1

Alino Samueli anena aina Izlaeli yonsi ati, “Nuvwile ku mazwi inu muli vyonsi vino mwanenyile nga nani imupeela umwene uwa kumuteeka.

1 Samueli 12:12

“Lelo lino mwemo mwaweni ukuti Naasyi umwene wa ina Amoni wamukatukila, mwanenyile imuti, ‘Awe! Tukulonda umwene uwa kututeeka,’ nanti angala umwene winu wali a Yawe Leza winu.

Yelemiya 34:14

Cila myaka cinimbali ndi yapita, cila wenga ali nu kulekelamo umuzya wino wiza waikazya kuno muli, apakuti nawe aikalile wenga. Ukuya kwene alinzile waya umuzya apa myaka mutanda kuno muli. Nga alinzile walekwamo apakuya umuntungwa. Lelo ivikolwe vinu vitanguvwile foo, nanti panono.

Ezekelo 2:3

anena ati, “We mwana wa muntu, nkukutuma ku ina Izlaeli, yacisanguka ansangukila. Yansangukila ukufika na pilelo, alio kwene kumwi ni vikolwe vyao.

Ezekelo 3:7

Lelo aina Izlaeli yene awe, yasikuya yakakuvwe foo. Pano nani kwene yakana ukunguvwa. Yonsi pano yapela yaya atalame nupya aumalale.