19 Lelo antu iyakana ukutezya vino Samueli walandanga. Yene yavwanga iyati, “Awe! Swemo tukulonda umwene uwakututeeka.
“Swemo vino watunena umwi zina lyakwe Yawe, twakana, tusikulondela izwi lilyo.
Antu yane yakaiza kunuli iumba likalamba, yiza yikala pa nkolelo yako apa kuvwa amazwi yako, lelo yakana ukuyalondela. Mu tunwa twao mwazula intumpu, nu mu myenzo yao mwaya ulwiswa lwa vyuma vino yakalonkela uku ukakasi.
Lino mwemo mwacitanga ivintu vii vyonsi, nemo namuvwanzizye lili lili, lelo mutatezizye awe. Namwamile, lelo imukana ukuvwa ulwamo lwane.
Ali cino fwandi ndayasolwela amacuzi, nu kuyaletela vino yakaoopesya ukuluta. Pano lino nayamile kusi wino wanjaswike. Lino nalanda kusi wakuti auvwe. Yene yakacita iviipe mu manso yane nu kusansamukila muli vino nemo nasoka.”
Lelo antu yane yakana ukunguvwa. Aina Izlaeli yakana ukunjela.
“Pacisila lino mwapoka impanga ino Yawe Leza winu akumupeela, nu kwikala mwikala mwenemo, lyene mulalonda ku kwata umwene wakwe vino inko zyonsi izyamuzinguluka zyakwata.
“Lelo lino mwemo mwaweni ukuti Naasyi umwene wa ina Amoni wamukatukila, mwanenyile imuti, ‘Awe! Tukulonda umwene uwa kututeeka,’ nanti angala umwene winu wali a Yawe Leza winu.
Lelo aikazi amu Yuda yatatontelanga Yawe foo. Manase walenzile nu kuti yacita ivintu iviipe, ivilusile na pali vino inko zino Yawe wononyile zyacitanga, lino aina Izlaeli yayanga mwenemo.
Caleka nani njata vivyo kwene yasyala aumalale imyenzo, pakuti yaicitila vino aisikulu yakulonda.
