1 Samueli 7:10 - Amazwi Yakwe Leza 2013

¹⁰ Lino Samueli wapeelanga uwila wakocela Yawe, aina Filisti nayo iyaya pa nkolelo ku kuzanza aina Izlaeli. Lelo pa kasita kaka kwene alino Yawe atuma ukupangalansya ku kalamba sana, cakuti aina Filisti iyavulungana, iyatandika nu kusimula cisimule simule.

1 Samueli 7:10 交叉參考

1 Samueli 2:10

Anisi yakwe Yawe yalaloviwa lilyo lino alayafokela nu ukali wakwe, ukufuma kwiyulu ungati ukupangalansya. Yawe aliwe alapingula antu yonsi. Wene alapeela amaka ku mwene nu kulenga kuti wino wasolola aye kacimvya.”

1 Samueli 12:17

Uzye ndakai asi insita iyakuzombola ingano? Fwandi lyene namalaizya kuli Yawe pakuti atume ukupangalansya ni mvula. Namwe alino mumamanya ukuti mwifya sana kuli Yawe apakuilengela umwene.”

Yakapingula 5:20

Intanda izyalwa ukufuma umwiyulu, intanda izyalwisya Sisela, lino zikupita ukucilinganya iyulu.

Yoswa 10:10

Yawe nawe ayalenga ukupamviwa nu kuzakantika pa manso ya ina Izlaeli, yao ayacimvizye apa kuyakomola cipezya amano ku Gibyoni. Aina Izlaeli nayo iyayacocovya mu museo uwaya ku Beti Holoni nga iyayakomola nzila yonsi ukufika ku Azeka nu ku Makeda.

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Yakapingula 5:8

Alino kwali inkondo mu mpanga ilya lino aina Izlaeli yasolwile tuleza utupya. Pa onsi amazimbi amakumi yani mu Izlaeli, uzye pali uwasenzile icisyangu nanti isumo?

Yakapingula 4:15

Lino Balaki ni vita vyakwe yatandika kuzanza, Yawe avulunganya Sisela kumwi na maceleta ni vita vyakwe kwene. Sisela aika mwi celeta lyakwe nga atandika nu lwilo pansi.

1 Samueli 7:11

Aina Izlaeli nayo pali pakuyazinga kufika nu ku Beti Kali.

1 Samueli 14:15

Fwandi lyene intete izilema ivita vyonsi ivya ina Filisti ivyali mu nkambi kumwi na vivyo ivyali mu mpanga, na yayo alwisyanga. Umusili nao iwatenta. Cali icakoofya icakuzunguka ukufuma kuli Leza.

Masamu 29:3

Izwi lyakwe Yawe likuvwika pali yayemba. Leza wa lulumbi, umucindami akupangalansya, Yawe akuuvwika wa kupanta kwa mvula pali yemba mukulu.

Masamu 29:4

Izwi lyakwe Yawe ilya maka, izwi lyakwe Yawe ilya lulumbi.

Malango 28:7

“Yawe alamucimvizya anisi inu lino yalamuzanza. Yene yalamuzanza ukufuma mu ntunga zyonsi, lelo yalutuka ku ntunga zyonsi.

Masamu 18:15

Apansi yakwe yemba paloleka, ni mifula ya nsi nayo yasyala apambiliwili, lilyo lino Yawe wavwanga ivyakoofya, wafumya nu mupu mu mpuno zyakwe.

Masamu 78:66

Wazinganya anisi yao yaswilila mwenemo. Ali pakucimba vivyo kwene, ni nsonyi zyayalema.