1 Samueli 5:10 - Amazwi Yakwe Leza 2013

¹⁰ Acino iyatuma Mbokosi ilya iya Upangano yakwe Leza ku Ekiloni. Lino yakwingizya Mbokosi ilya mu musumba wa Ekiloni, aikazi ya mwenemo iyapunda iyati, “Yatuletela Mbokosi ya Upangano yakwe Leza wa ina Izlaeli kuno pakuti yatukome kumwi na antu itu!”

1 Samueli 5:10 交叉參考

Amosi 1:8

Ndalovya umwene wino akateeka umusumba wa Asyidodi, kumwi na wiyo alemile intuwa ya wene waku Asyikeloni. Indasyunola umusumba wa Ekiloni ni kasa lyane mpo, na ina Filisti yonsi asyala ndayakomola kumwi.” Avino Yawe Simwandalali wavwanga.

2 Yamwene 1:2

Uwanda umwi umwene Aaziya waponyile apipaala lipapatale li sano lyakwe, mu musumba wa Samaliya. Wene waicisile sana. Aaziya ali pakutuma inkombe zimwi kuli Baali Zebubi, kaleza ka antu aku Ekiloni, kuti yakasapole pakumanya ndi cakuti amapola nanti foo.

Yakapingula 1:18

Aina Yuda iyapoka ni misumba ya Gaza, Asyikeloni na Ekiloni, cila musumba ni mpanga yakweo.

Yoswa 15:45

Na Ekiloni, kumwi ni misumba ni mizi yakweo.

Yoswa 13:3

ukufuma ku Luzi lwa Syioli lwaku ufumondaka wa Eguputo ukufika nu ku mpanga ya Ekiloni ku katutu, yonsi kwene ino ikapendwa wa mpanga ya ina Kenani (ili mpanga yakwe yamwene yasano ya ina Filisti ateekanga mu Gaza, mu Asyidodi, mu Asyikeloni, mu Gati nu mu Ekiloni, impanga ya ina Avimu.)

1 Samueli 5:9

Lelo pacisila lino yaitwala kuku, Yawe nawe avunuka aikazi amu musumba ulya, ance na ikolo kwene, ayaponyezya ivipute.

1 Samueli 5:11

Acino nupya kwene iyakonganika intunguluzi zyonsi izya ina Filisti nga yavwanga iyati, “Fumini Mbokosi ii iya Upangano yakwe Leza wa ina Izlaeli nga muiswilizye kuno mwaifumizye, pakuti itatukoma pamwi na antu itu.” Pasi pano lyene calesile intete izikalamba sana pamulandu ni imfwa izyacitikanga mu musumba ulya.

2 Samueli 7:9

Nayanga nawe konsi sile kuno wapitanga. Nacimvyanga na anisi yako yonsi. Ndakucindamika ukulingana na antu acindamisye apano nsi.

Yoswa 15:11

Umupaka ulya iuya lwaku mutentemuko wakwe Ekiloni, nupya iusenukila ku Syikeloni, iulambila ku Mwamba wa Baala nga iufika ku Yabuneele. Umupaka uwa iupelela muli yemba.

1 Samueli 6:1

Lino Mbokosi ya Upangano yakwe Yawe yatenzi mu mpanga ya ina Filisti pa myezi cinimbali,

1 Samueli 17:52

Lyene Aina Izlaeli na ina Yuda aonsi iyakatuka iyapunda nga iyacocovya aina Filisti nzila yonsi ukufika nu ku Gati mpaka nu ku mpongolo yaku Ekiloni. Ivyala vyao vyasansantike mu museo wa Syaalaimu monsi mpaka ku Gati nu ku Ekiloni. Ivyala vyao vyasansantike ukutandikila ku museo uwafuma ku Syalaimu mpaka uku Gati nu ku Ekiloni.

1 Milandu 7:21

Zabadi umwana umonsi wakwe Taati, na Syutela umwana umonsi wakwe Zabadi. Ezeli na Eleadi yakomilwe na akaya aku Gati, lino yaileko ku kupoka iviteekwa vyao

Amosi 6:2

Yangini ku musumba wa Kaline mukailolele. Alino muye ku musumba ukulu ulya uwa Hamati, nga lyene mutentemukile ku Gati ku ina Filisti. Uzye antu amu mawene yaa yalusile amu Yuda nu mu Izlaeli? Uzye impanga yao ikulu kuluta impanga inu?