1 Samueli 3:4 - Amazwi Yakwe Leza 2013

⁴ Lyene Yawe aama Samueli nga Samueli aasuka ati, “Anene mukwai!”

1 Samueli 3:4 交叉參考

Ezaya 6:8

Alino nuvwa Mwene uuzya ati, “Uzye aweni wino namatuma? Aweni amaya inkombe itu?” Nani imwasuka inti, “Mukwai namayako! Ntumini nene!”

Masamu 99:6

Mose na Aaloni yali a yasimapepo yakwe Leza. Samueli nawe wali umuntu uwamupepanga. Ali yano yalaizyanga kuli Yawe nga nawe wayasukanga.

Kufuma 3:4

Lino Yawe walola ukuti Mose akupalamila pipi, alaizya kunoli mukasi ka cimpuza ati, “Mose! Mose!” Nga Mose aasuka ati, “Mukwai.”

Utandiko 22:1

Insita imwi Leza wezizye Abulaamu avwanga kunoli, ati, “Abulaamu!” Nawe aasuka ati, “Mukwai, nkutezya!”

1 Kolinto 12:28

Mwi uvi Leza wika antu yaa, nkolelo atumwa, yakwe ciili akasema, nga yakwe citatu akasambilizya. Alino wika na yao akacita vinjelengwe, nga palondelela yao apelwa maka akupozya nanti kwazwa yauze nanti kuyatungulula nanti kulandila mu ndimi zyuze zitamanyika.

Milimo 9:4

Lyene apona pansi auvwa izwi likuti, “Saulo, Saulo! Pacani ukunzunya?”

1 Samueli 3:5

Nga akatuka asimula aya kuli Eli nga avwanga ati, “Anene mukwai, nemuno mwatimwama.” Lelo Eli avwanga ati, “Ntakwamile awe. Swilila kalambalale.”

Utandiko 22:11

Lelo mungeli wakwe Yawe alaizya ukufuma umwiyulu ati, “Abulaamu, Abulaamu!” Nawe aasuka ati, “Anene mukwai.”