1 Samueli 3:20 - Amazwi Yakwe Leza 2013

²⁰ Ukutandikila sile ku mpanga iya ina Dani ukufika nu ku Belisyeba, aina Izlaeli yonsi yamanya ukuti umucumi Samueli a kasema wakwe Yawe.

1 Samueli 3:20 交叉參考

Yakapingula 20:1

Lyene aina Izlaeli yonsi pali pakukatuka ukufuma ku Dani ukufika ku Belisyeba nu ku mpanga ya Gileadi, iyasya uwikalo wao yiiza iyakongana wa muntu wenga pa manso yakwe Yawe ku Mizipa.

2 Samueli 3:10

Namapokolola uwene kuli Saulo na amu mupanda wakwe nu kuleka Davidi aye umwene wa Izlaeli na Yuda kwene ukutandikila sile ku Dani mpaka ukufika nu ku Belisyeba kwene.”

1 Timoti 1:12

Nkataizya Klistu Yesu Mwene witu, wino uwampile maka akuomba mulimo uu. Nkumutaizya apa kumpenda kuya uwa kutailwa nu kunsolola kuti namutumikila.

2 Samueli 17:11

“Umpandamano wane uwakuti wewe wemwisikulu ule ukonganike aina Izlaeli yonsi pali pamwi, ukufuma sile ku mpanga yakwe Dani ukufika nu ku Belisyeba kwene, yano yavula wa musensenga uwamu nkumba yakwe yemba. Alino lyene wewe kwene uyatungulule ku ulwi.

Milimo 13:20

Casenzile namanye imyaka myanda ini na makumi yasano lino vii vyonsi vyacitike. Pacisila, ayapeela yakapingula ya milandu, kufika na pa nsita yakwe kasema Samueli.

1 Samueli 12:11

Alino Yawe atuma Yelubaali, na Balaki, na Yefuta, na Samueli, nga amutuula ku makasa ya anisi inu, nga namwe imwikala mu mutende.

1 Yamwene 4:25

Mu manda yonsi yano Solomoni wali umumi, Ayuda na ina Izlaeli yatenzi mu mutende, kutandikila ku Dani ukufika nu ku Belisyeba, cila muntu atulizye amatingi nanti amasamvu yakwe.

Malango 18:21

“Manye mungayuzya mweisikulu muti, ‘Uzye lyene tungamanya uli ndi cakuti ilandwe lilyo litalandwa na Yawe?’

Ezekelo 33:33

Lino vivyo viliza, nupya vili mupipi vyasya vize, lyene alino yalamanya ukuti pakasi kao pali kasema.”

Amosi 2:11

Nupya nene nasolwile yamwi mu ana inu kuti yaye yakasema, nu kusolola yamwi mu alumendo inu kuti yaye Anazili. Uzye asi avivyo, mwe ina Izlaeli? Avino Yawe wavwanga.