1 Samueli 3:2 - Amazwi Yakwe Leza 2013

² Uwanda umwi usiku Eli, wino amanso yakwe walanga yatandika ukuya na kanda cakuti aposiwa ukulola, walambalile pansi mu muputule wakwe kwene.

1 Samueli 3:2 交叉參考

1 Samueli 4:15

Lilyo ale Eli ali ni myaka yakuvyalwa ukulingana na makumi fundimbali na cinani na manso yakwe yapafwile cakuti yalolanga akanda.

Masamu 90:10

Imyaka ya umi witu yapelela sile apa myaka amakumi cinimbali. Antu ya maka ayano yakafika uku myaka amakumi cinani. Nga lelo imyaka ya umi witu yonsi pano yapela ikatuletela sile amasakamiko na malanda. Ikapita sile zuwazuwa, naswe kwene ala ali mikukile.

Utandiko 48:10

Manso yakwe Yakobo yatalolekesyanga pamulandu wa ukote. Caleka walolanga cizyuzye. Lyene Yosefu atwala alumendo kunoli, acino Yakobo ayakumbatila, nga ayatonsola.

Utandiko 27:1

Isaki wakosile apafula. Lyene aama Esau iyeli lyakwe amunena ati, “Mwanane!” Nawe Esau azumila ati, “Anene pano!”

Utandiko 48:19

Yakobo akana ati, “Awe! Manyile mwanane. Na amu mupanda wakwe Manase kwene yalaya luko lukulu. Lelo Efulemu alaya mukulu ukuluta Manase nga na amu mupanda wakwe yalaya inko zikulu.”

Kasambilizya 12:3

Lyene amakasa yako yano waipokololangako yalazakaza, nga na maulu yako yano ndakai yacikomile, lilyo lyene yalaya atonte. Amino yako yalaya akupenda yano utange usyetele ivyakulya, na manso yako yalaya akafinzi cakuti ulafindamila pa kulola.

1 Samueli 2:22

Lyene Eli, mu ukote wakwe, atwalilila ukuuvwa vyonsi vino ana yakwe aonsi yacitanga ku ina Izlaeli na vino yacitanga uzelele na anaci yano yatumikilanga pa mpongolo yi Taalu lya Ukongano.

1 Yamwene 14:4

Acino umuci wakwe Yeloboamu acita vino watamunena, nga aya ku ng'anda yakwe Aiya ku Syilo. Lyene Aiya wiyo atalolanga ningo, walolanga ciyeye pamulandu wakuti walanga watakota.