1 Samueli 26:10 - Amazwi Yakwe Leza 2013

¹⁰ Nalapa umwi zina lyakwe Yawe waumi ukuti Yawe umwisikulu alakoma Saulo lino insita yakwe ilafika, nanti alaya ku nkondo akuno imfwa ikamuzane.

1 Samueli 26:10 交叉參考

Malango 31:14

Lyene Yawe anena Mose ati, “Utakweti lyene amanda avule pano pansi. Wasya ufwe. Aama Yoswa mulete kuno mwi Taalu lya Ukongano pakuti imupele amazwi ya utunguluzi akusyalikizya.” Acino Mose na Yoswa iyaya kwi Taalu lya Ukongano.

Utandiko 47:29

Lino Yakobo walola insita ya mfwa yakwe yapalama atuma uwakuya ama Yosefu umwana wakwe umonsi. Nga lino Yosefu wafika kunoli, Yakobo amunena ati, “Ndi wantemwa, pisya makasa yako mu mpamba zyane alino ulape mulapo ukuti ndi naca nafwa utalanzika muno mu Eguputo.

Loma 12:19

Mutalandula, mwe yacuza yane, lelo lekini Leza aliwe acite cilanduzi. Pano calembwa mu malembelo vino Leza wati, “Ndalandula, nupya ndayawezezya vicitwa vyao.”

Masamu 37:13

Lelo Umwene wene akamuseka pamulandu wakuti akamanya ukuti wasya ace aononeke.

1 Samueli 31:6

Fwandi vivyo vili vino Saulo na ana yakwe yatatu nu musenda mpamba wakwe nga na antu yakwe yafwile uwanda uli umwi kwene.

1 Samueli 25:38

Lino papita manye amanda ikumi, Yawe afulula Nabali nga afwa.

1 Samueli 25:26

“Ali cino fwandi musambazi nemo nalapa ukuti Yawe aliwe uwali wakulesya ukukoma antu yaa pa kukanacita icilanduzi. Ali cino nemo nkuti anisi yako na yayo yonsi akulonda ku kukoma yakawe nalyo wakwe Nabali kwene.

Malango 32:35

Yawe alalandula pa vicitwa vyao nu kuyavunuka. Insita ilafika lino yalasyelemuka yapone. Uwanda wa kuzanzwa kwao wapalama.

Umbwilo 18:8

Pamulandu wakwe cii, vilumbelo, ndwala, ndosya, ni cipowe vilamuponela pa wanda onga. Nga yalamoca ku moto, pano Mwene Leza akumupingula, Leza uwa maka.”

Ayebulai 9:27

Muntu wensi alinzile ukufwa lyonga nga pacisila apingulwe na Leza.

Luka 18:7

Uzye Leza atangaputwila asololwe yakwe milandu ningo, yano akamulilila umusanya nu usiku? Uzye wene alayatazyela?

Kasambilizya 3:2

Kwaya insita ya kuvyalwa ni nsita ya kufwa, kwaya insita ya kulema ni nsita ya kwipula vilemwa vivyo,

Masamu 94:23

Aliwe akayaswilizizya ulufyengo lwao, akayalovya pamulandu nu uyi wao. Aliwe kwene alayalovya.

Masamu 37:10

Kwasyala sile akasita kanono, umwipe atalaya penepo. Nga wacelecensya apa ncende yakwe, utalamuzana foo.

Yobo 14:14

Uzye umuntu ndi wafwa, angaya nu umi nupya? Ndi cakuti ali vino cingaya nemo fwandi apa manda yonsi yano ningakuombela ningalolela ukufika napa nsita ino amalanda yane yangansilila.

Yobo 14:5

Amanda ya muntu pano nsi yapendwa mpiti. Nupya wewe umanyile impendwa ya myezi yakwe. Pano awewe kwene wamupimila insita. Uzye lyene wene angacila penepo?

Yobo 7:1

“Ala umi wa muntu pano nsi waya wa mulimo wakupatikizya sile. Na manda yakwe yaya wa manda ya muntu uwalembwa incito ya cibaluwa.

1 Samueli 24:15

Si Yawe aye kapingula witu nga atupingwile umulandu. Si ale apituluke mu mulandu wane, ampokolole nu kuntuula kuli wewe.”

Ayebulai 10:30

Pano twamanya wino uwavwanzile ati, “Ndalandula nu kumuswilizizya” nu wavwanzile ati, “Mwene alapingula antu yakwe.”

1 Samueli 24:12

Si Yawe ale apingule pakasi kakwe wewe nani. Lelo nanti angala wene amandandwila, ntalatala nkucitile iciipe icili consi.

1 Samueli 25:39

Lino Davidi uvwa ukuti Nabali watafwa, avwanga ati, “Lumbanyini Yawe, wiyo uwandwila kuli Nabali pa musausya uno wancitile. Ala Yawe umwisikulu uwandesizye ukucita iciipe nupya aliwe kwene uwalenga kuti uyi wakwe Nabali umwisikulu umulye.” Alino Davidi atuma intumi izyakuya mulanzizya kweneko Abigelo, pakuti angamusaka.

1 Samueli 31:4

Alino Saulo anena umusenda mpamba wakwe ati, “Somola ulupanga lwako untote sile imfwe ukuluta kuti iviyantu vii ivitamanya Leza vize mu kunseka nga vinkome.” Umusenda mpamba nawe pali pakukana sana, pano wali ni ntete izya kucita cico. Acino Saulo pali pakutoola ulupanga lwakwe apona penepo aitota nga afwa.