1 Samueli 24:11 - Amazwi Yakwe Leza 2013

¹¹ Tata, silola akapimfya ka mwingila wako kano ndemile mu minwe! Ninalepula isempele lya mwingila wako, lelo ntakukomile. Acino lyene manya vino nemo ntakweti umulandu umwi nupya ntakusangukila awe. Nemo ntifya kunuli, lelo wemo ukundunga kuti unkome.

1 Samueli 24:11 交叉參考

1 Samueli 26:20

Fwandi utakaleke inkakomwe umu mpanga ya inamasi, ukutali na Yawe. Uzye icani icingaleka ukuti wewe, we mwene wize wandunga nemuno nacepa wa kalupantila, wakwe vino umuntu akalunga inkwale umu myamba?”

1 Samueli 23:23

Londelezini incende zyonsi zino akafisama mwenemo nga muweluluke kunondi mwize munene. Lyene ndapita kweneko pamwi namwe, nga ndi cakuti acili mu ncende iyo, indamuzana, nanti angala indalondalonda umu mwiko wakwe Yuda onsi.”

1 Samueli 23:14

Davidi watwalilile ukufisama mu mpanga iya myamba, umu lwanga pipi nu ku Zifu. Saulo wezyanga lyonsi ku mulondalonda, lelo Yawe atapiile Davidi umu makasa yakwe.

Yoane 15:25

Lelo cii cayako kuti icalembwa mu masunde yao cifikiliziwe, cino cikati, ‘Yampata pasi nanti mulandu.’

2 Yamwene 5:13

Aomvi yakwe nayo ali pakumupapata yati, “We musambazi we, kasema akunena ukucita icintu cimwi icicindame, ngano watucicita. Uzye icani cino utange uye ukowe sile wakwe muno avwangile, nu kupola upole?”

1 Samueli 26:18

Atwalilila ukulanda ati, “Uzye pacani cino umusambazi wane akalukundunga ne muomvi wako? Uzye icani cino nacita, nga nupya umulandu ci uno natala?

Mika 7:2

Antu acumi yatacilipo pa mpanga ya pano pansi, kusi nanti wenga akacita ivilungame. Yonsi kwene yakateyamila auze kuti yayakome. Cila muntu akateya ulukose lwakulemyamo umwina.

Ezekelo 13:18

Yanene ndi vino Yawe Simwandalali wavwanga wati, ‘Yasyama yamangu yano yasumilila incilizi apa mpingu zya makasa yao monsi, yano yakasumila na antu ya musinku uli onsi ivitambala vyaku mitwe, apakwika imyenzo yao umu citeyo. Ala mukalema imyenzo ya antu yane, lelo mukapanya umwenzo winu mwe yeneco.

Nyimbo zya ndosya 4:18

Anisi itu yatucevyanga, cakuti twaposiwe nu kutampula intampulo mu miseo. Amanda itu yalanga yasila ni mpela yitu yatiyiza.

Mapinda 15:1

Ukwasuka luse luse kukamala icipyu, lelo akasa kakakatusya ukali.

Masamu 140:11

Leka ukuti kavwanga wa viipe atakafikilizye amapange yakwe, leka ukuti amulomo yatakalengele muno nsi.

Masamu 35:7

Nemo yakansonka sile lino yakunteya isumbo, na pakunjimbila polowe.

Yobo 10:16

Nanti ningati nkanjitwale apankolelo, wemo ale umandunga kwati avino cisama akalunga. Nupya apakuncuzya ukaswilizyapo ukucita ivipezyamano.

1 Samueli 18:27

Davidi na antu yakwe iyapita iyaya yakoma aina Filisti imyanda iili. Alino Davidi aletela umwene inkanda zizi umwanda onga pakuti aye umukwi wa mwene. Lyene Saulo amupeela Mikala umwana wakwe umwanaci kuti aye umuci.

1 Samueli 25:28

Napapata unjelele ne muomvi wako pamulandu uli onsi uno nakutala. Pasi pano Yawe nawe alakulasika utesi uwa manda pe, pamulandu wakuti ukulwilila Yawe inkondo zyakwe. Nupya kusi icilumbelo nanti cimwi icilakuponela lino ucili umumi.

Masamu 59:3

Silola! Ayayo yatiyanteyamila. Antu ya lukang'ansi yatiyantenga. Asi mulandu wakuti nani natinifya, nanti ukuluvyanya penepo cimwi, awe.

Masamu 119:161

Intunguluzi zya maka zikanzunya apaula umulandu, lelo umwenzo wane ukacindika amasunde yako.

1 Samueli 12:3

Anene apanondi, munsinile pa manso yakwe Yawe na pa manso ya muntu wino watansonta ukuya umwene winu. Uzye aweni wino natazile intolela masaye wakwe nanti punda wakwe? Nanti wino natolile ivintu mu ucenjezi? Uzye aweni wino nacuzizye? Akuli weni kuno natoozile amafukakanwa? Ndi cakuti akunoli wino nacitile cimwi pali vii, mukwai namamuwezezya.”

1 Samueli 26:23

Yawe akalambula cila muntu wino akacita ivya wololoke nupya uwacumi. Wemo ilelo kwene Yawe alile watakumpalamikila. Lelo nemo ntali nkulonda ku kukoma, wewe wemuno Yawe umwisikulu wasolola ukuya umwene.

2 Samueli 1:14

Nupya Davidi aswilizya ukumuzya ati, “Uzye pacani cino utuvwile intete zya kukatusya ikasa lyako nu kukoma umusololwe wakwe Yawe?”

Masamu 7:5

lyene nkuti kayanzinganye yandeme, yamfwante nu kundyatola pansi yankome, yavumvunye na mala yane umu masenga.