1 Samueli 22:16 - Amazwi Yakwe Leza 2013

¹⁶ Lelo umwene nawe avwanga ati, “Cumi kwene umafwa, we Aimeleki kumwi na akazi kakwe so yonsi pyu.”

1 Samueli 22:16 交叉參考

Mapinda 28:15

Umwene mwipe wino akateeka alanda, akoline na cisama aakung'anza, nupya wa cilyanyi icili ni nzala, icakolana ni cuuli.

Milimo 12:19

Helodi wapile ilamulo kuti yakamulonde, lelo yatamuweni. Caleka apeela mulandu kuli yakalinda yaya kuti yakomwe. Pacisila cakwe cii Helodi wene afuma mu Yudeya aya ku Kesaliya.

Mateo 2:16

Lyene Helodi lino wamanya vino antu yamano yamutumpoka asoka cuze, atuma asilika yamwi ku kukoma ana yonsi aonsi ali ni myaka iili ya kuvyalwa nu kwiza pansi, ali mu Betelemu nu mu ncende izyapalime. Cii cali kulingana na vino antu yamano yamunenyile pamulandu na kasita, lino yaweni lutanda.

Danieli 2:12

Apa kwasuka vivyo, cii calenzile umwene ukusoka wakwe cimwi cakuti apeela ni lamulo lya kukoma antu yonsi amano umu Babiloni.

Danieli 2:5

Umwene nawe pali pakuyanena ati, “Nemo natimpingula ukuti mulinzile munene iciloto nga na muno ciile. Ndi cakuti mutangacita cico, ale lyene namamuputola mu vimpilinsya nu kusenula amang'anda inu yaye amatongwa.

Esita 3:6

Lelo walanga calunda nu kuvwa ukuti Modekai Umuyuda, Hamani aelenganya ukumulovya kumwi na Ayuda yonsi, akazi kakwe Modekai aikalanga umu mpanga ino umwene Aasuwelo wateekanga.

1 Yamwene 19:2

Fwandi Yezebele muka Aabu nawe pali pakutuma inkombe kuli Eliya kuti zikamunene ziti, “Icumi nalapa yakatai yandepule! Mutondo pa nsita ndi ikwene, indi nu kucita kuli wewe umusango uli umwi kwene nga uno wacitile yakasema.”

1 Yamwene 18:4

Lino Yezebele wakomanga yakasema yakwe Yawe, Obadiya watozile yakasema yamwi ukulingana nu mwanda onga nga ayafisa mu macele yaili. Wene wafisile yakasema amakumi yasano mwi cele lyonga, nayauze amakumi yasano ayafisa mwi cele lyuze, nga ayapeela ivyakulya na manzi.)

1 Samueli 20:31

Uzye utamanyile ukuti lino umwana wakwe Yese acili nu umi pa mpanga ya pano pansi, wemo utalatala uye umwene wa mpanga ii? Acino pita ukamulete kunondi, pano wene alinzile ukufwa.”

1 Samueli 14:44

Saulo alaya nu mulapo ati, “Leza andye nanti ancitile iciipe icili consi, ndi cakuti usikufwa wewe Yonatani!”

Malango 24:16

“Akwasi yatalinzile ukukomwa pamulandu wa nkota zya ana yao, na ana nayo yatalinzile ukukomwa pamulandu wa nkota zya akwasi yao. Cila muntu alinzile ukukomwa pa nkota zyakwe.

1 Samueli 22:15

Uzye ilelo alino natandika ukumuzizya kuli Leza ivyakuti acite? Awe cisi vivyo! Cipelele ukutali kuti umwene ampeele umulandu nanti ukupeela ali wensi uwa kazi kakwe tata. Pano ne muomvi wako ntamanyile icintu nanti cimwi pali cii!”

1 Samueli 22:17

Lyene umwene apeela ilamulo kuli yakalinda yaya amutumikilanga, ati, “Senukini nu kukoma yasimapepo yakwe Yawe, pamulandu wakuti nayo kwene yatiyawila ku mbali yakwe Davidi. Yene yamanyile vino akuutuka, lelo yatanenyile.” Lelo aomvi ya mwene yatakasi ku katusya nanti ikasa kuti yakome yasimapepo yakwe Yawe.