1 Samueli 20:8 - Amazwi Yakwe Leza 2013

⁸ Acili cino fwandi yame, unganguvwilako uluse, ne muomvi wako pakuzana ukuti twapangana nawe upangano pa manso yakwe Yawe. Ndi cakuti indi nu mulandu, lyene cazipa sile wewe kwene unkome! Uzye pacani cino ungantwalila kuli so?”

1 Samueli 20:8 交叉參考

2 Samueli 14:32

Abusalomu nawe aasuka ati, “Pamulandu wakuti utizile lino natumile uwa kwizakwama pakuti nkutume ku mwene ku kumuuzya uti, ‘Uzye pacani cino nemo nafumile ku Gesyuli nu kwiza kuno? Cange cizipe inikala kuku kwene.’” Abusalomu atwalilila ukuvwanga ati, “Acino lyene nkasi ukulolana nu mwene, nga ndi cakuti indi nu mulandu umwi, ale lyene cingazipa kuti ankome.”

1 Samueli 18:3

Yonatani nawe pali pakupangana na Davidi pamulandu wakuti wamutemilwe wakwe vino waitemwa umwisikulu.

1 Samueli 23:18

Yoili kwene iyacita icipangano pa manso yakwe Yawe ica kwandana ucuza. Alino Davidi asyala ku Holesyi, nga Yonatani aswilila ukwakwe.

1 Samueli 20:16

Caleka Yonatani acita upangano na Davidi, ala akuti, “Ndi cakuti wacawavuna upangano, lyene Yawe alakuvunuka.”

Milimo 25:11

Ndi cakuti nati mvuna isunde nu kucita icintu cimwi icilingine kuti nkomwe, lyene ntanguzya kuti ntakomwa. Lelo ndi cakuti mu milandu ino yakundongwela musi cimwi, lyene kusi umuntu angampeela kunoyali. Lelo nemo nkulenga kuti mulandu uye kuli Kesa.”

Mapinda 3:3

Utaleka ukuyela kwako nu kutaila kwako vikusye. Vivyo uvinyepelele umu nsingo yako, uvilembe nu mu mwenzo wako.

Masamu 116:11

Walanga amano yatala yampela, navwanzile inti, “Awe cumi antu yonsi aufi.”

1 Milandu 12:17

Davidi nawe akatuka ku kuyakomenkanya, nga ayanena ati, “Ndi cakuti mwiza ni myenzo itambalale apakuti mungazwe, awe lyene tunguvwana sile ningo. Lelo ndi cakuti mwiza pakuti mundetelele ku vipondo vyane, nanti nemo iminwe yane itatazile icite ulufyengo, Yawe Leza wa vikolwe vyane aliwe alandandwila nu kumvwangila.”

Luti 1:8

Alino Naomi anena yanyinavyala yaya yoili ati, “Swililini, cila muntu aye kumwao kuli nyina. Si Yawe amucitile ivyaluse wakwe vino mwacitila asipwa yalya nga nani kwene.

Yoswa 22:22

“Uwamaka wilya ali Leza! Wene ali Yawe! Wene amanyile cino twacitile cii, nga naswe kwene tukasi kuti mumanye! Ndi cakuti twasangukile Yawe nu kuntaya acumi kunoli, lyene ilelo mutaleka tutwalilile ukuya nu umi.

Yoswa 2:14

Alino inengu zizi izimunena iziti, “Swemo twaifima ukufwa pa kupususya umi wako, cikulu sile utanena umwi pali vino tukucita kuno. Lyene lino Yawe alatupeela impanga ii, swemo tulaya acumi kunuli pa kukucitila icisuma.”

Utandiko 47:29

Lino Yakobo walola insita ya mfwa yakwe yapalama atuma uwakuya ama Yosefu umwana wakwe umonsi. Nga lino Yosefu wafika kunoli, Yakobo amunena ati, “Ndi wantemwa, pisya makasa yako mu mpamba zyane alino ulape mulapo ukuti ndi naca nafwa utalanzika muno mu Eguputo.

Utandiko 24:49

Acino ndakai mwemo munene ndi muli nu kulanga uluse nu utailo ku musambazi wane nanti foo, pakuti imanye vyakucita.”

1 Samueli 20:9

Yonatani nawe amunena ati, “Cipelele ukutali! Imanya ukuti tata akweti amapange aku kukoma, uzye ngano ntakunena?”

1 Samueli 18:1

Lino Davidi na Saulo yamala ukulanzyanya, alino umwenzo wakwe Yonatani umwana wakwe Saulo iuya sana kuli Davidi cakuti amutemwa wakwe vino waitemwa umwisikulu.