1 Samueli 20:3 - Amazwi Yakwe Leza 2013

³ Lelo Davidi pali pakumunena nu mulapo ati, “So wamanya ningo sana ukuti wemo wantemwa, acili cino fwandi atangatemwa ukuti wewe we Yonatani umanye umulandu uo. Pasi pano ndi wamanya umwenzo wako ungakuwaya sana. Acili cino fwandi nkulapa kunuli umwi zina lyakwe Yawe uwa umi nupya lino wemo ucili nu umi, ukuti kwasyala panono sile kuti nemo imfwe.”

1 Samueli 20:3 交叉參考

2 Yamwene 2:6

Lyene Eliya amunena ati, “We Elisya, cazipa wikale pano, pasi pano Yawe watantuma kuti mpite ku Yodani.” Lelo Elisya avwanga ati, “Nalapa umwi zina lyakwe Yawe waumi, nga na pali wewe ukuti ntalakusya.” Acino yoili kwene iyatwalilila nu ulendo wao.

1 Samueli 27:1

Alino Davidi aelenganya ati, “Uwanda umwi ndafwila mu minwe yakwe Saulo. Icampomvu sile cino ningacita, nkande mpuukile sile ku mpanga ya ina Filisti. Lyene Saulo alasuka atonte sile muno akunsapika ukuli konsi mu mpanga ya ina Izlaeli, nga nani ndapusuka kunoli.”

1 Samueli 25:26

“Ali cino fwandi musambazi nemo nalapa ukuti Yawe aliwe uwali wakulesya ukukoma antu yaa pa kukanacita icilanduzi. Ali cino nemo nkuti anisi yako na yayo yonsi akulonda ku kukoma yakawe nalyo wakwe Nabali kwene.

Malango 6:13

“Mwaoopa Yawe Leza winu. Mwamupepa aliwe wenga sile nu kucita ivilayo umwi zina lyakwe mpo.

2 Yamwene 2:4

Alino Eliya amunena ati, “We Elisya, cazipa wikale pano, pasi pano Yawe watantuma kuti mpite ku Yeliko.” Lelo Elisya aasuka ati, “Nalapa umwi zina lyakwe Yawe waumi, nga na pali wewe ukuti ntalakusya.” Acino yoili kwene iyatwalilila nu ulendo wao wakuya ku Yeliko.

2 Yamwene 2:2

Eliya anena Elisya ati, “We Elisya, cazipa wikale pano, pasi pano Yawe watantuma kuti mpite ku Betele.” Lelo Elisya avwanga ati, “Nalapa umwi zina lyakwe Yawe waumi, nga na pali wewe ukuti ntalakusya.” Acino yoili kwene iyatentemukila ku Betele.

1 Samueli 1:26

Alino Hana anena Eli ati, “Musambazi, uzye unganjiusya? Anene umwanaci wilya uwimilile muno apipi nawe ala akupepa kuli Yawe.

Ayebulai 6:16

Lino umuntu akalaya nu mulapo, wene akaomvya zina lyakwe umwi mukulu kuluta aliwe, nu mulapo ukamala vikanza vyonsi.

Yelemiya 38:16

Lelo umwene Zedekiya alapa mu umfisolo kuli Yelemiya ati, “Cumi cumi Leza andye, intakukukoma foo. Ntalakusumba mu makasa ya antu yaa yano yakulonda kukukoma.”

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Masamu 116:3

Uzanzo wa mfwa wanzingulwike. Isakamiko lya mfwa wamvimbilikizye, icakuti nemo pasi pantete nu kusakamala sana.

2 Samueli 15:21

Lelo Itai aasuka umwene ati, “Nalapa umwi zina lyakwe Yawe waumi ukuti namapitanga nawe konsi kuno waya. Indi nu kukulondela konsi kuno ulaya, nanti umu mfwa kwene.”

1 Samueli 17:55

Lino Saulo walola kuno Davidi akuya ku kukomenkanya umwina Filisti wiya, anena Abineli, musika mukalamba uwa vita vyakwe, ati, “We Abineli, uzye umulumendo wilya amwana weni?” Abineli nawe aasuka ati, “Mwene wakwisaci, vino uli pano umumi, nkulapa ukuti ntamanyile.”

Malango 28:66

Ponsi pano mwikala palaya pa kutwisika. Musanya nu usiku mulaikala ntete ntete, insunsu mputi pamulandu wakuya ni ntete zya kufwa.

1 Samueli 20:2

Yonatani nawe aasuka ati, “Awe, utasakamala nanti acimwi, utalafwa. Tata pasi nanti acimwi cino akacita ukwaula kuti ntale imanye. Pasi nanti acimwi icingalenga tata amfise umulandu uu, ukwaula ukunena. Awe nce, cene cakana sana!”

1 Samueli 20:4

Alino Yonatani anena Davidi ati, “Namakucitila consi cino ukasi inkucitile.”