1 Samueli 2:15 - Amazwi Yakwe Leza 2013

¹⁵ Nupya lino amafuta yatacili yociwe, umuomvi wakwe simapepo alinzile ukwiza nu kunena umuntu wino akupeela impolelwa ati, “Mpeko inyama iyakuti simapepo aoce, pano asikwiza azumile inyama yeleke ukufuma kunuli, suka sile ino icili iisi.”

1 Samueli 2:15 交叉參考

Aina Levi 3:16

Alino simapepo aoce vyonsi vivyo pa kavuwa, kuti viye uwila wa usu wakoca pa moto, uwa mununko usuma ukazanzya Yawe. Mafuta yonsi akwe Yawe.

Filipi 3:19

ukuti antu yaa yalasumbwa kuzimo! Yene yakapepa inda zyao nu kuitumika pa vintu vino yalinzile ukuuvwa insonyi. Yene yakaelenganya sile pa vintu vya muno nsi.

Loma 16:18

Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii.

Yuda 1:12

Antu yaa, mu vicitwa vyao vyansonyi yakolana na maala akowele lino mu kulya nao vimulo vinu vya utandano. Yakaisakamala sile aisikulu. Yakolana na makumbi akaululwa nu muza, lelo yatangaleta imvula. Yakolana ni miti isyaseeka vizao pa nsita yakweyo, ino yuuma, yatukulwa kumwi na masinte.

Kufuma 12:9

Mutaca mulye inyama iisi nanti iyeleke, lelo muce mulye iyoce yonsi kumwi nu mutwe, amakulu nga na vyonsi vya munda.

1 Samueli 2:14

Alinzile watota muli pani mukasi nanti muli ketulo nanti mu mupika nanti mu mpoto, nga simapepo aitolele icili consi cino foloko watota. Vi avino yacitile aina Izlaeli yano yizile ku Syilo.

1 Samueli 2:16

Ndi umuntu wiyo wavwanga wati, “Si leka yatale yoce amafuta, nga pacisila utoole icili consi cino ukasi.” Umuomvi nawe avwanga ati, “Awe, mpeko likwene. Ndu tacisile vivyo, lyene namatola ku maka.”