1 Samueli 17:52 - Amazwi Yakwe Leza 2013

⁵² Lyene Aina Izlaeli na ina Yuda aonsi iyakatuka iyapunda nga iyacocovya aina Filisti nzila yonsi ukufika nu ku Gati mpaka nu ku mpongolo yaku Ekiloni. Ivyala vyao vyasansantike mu museo wa Syaalaimu monsi mpaka ku Gati nu ku Ekiloni. Ivyala vyao vyasansantike ukutandikila ku museo uwafuma ku Syalaimu mpaka uku Gati nu ku Ekiloni.

1 Samueli 17:52 交叉參考

Yoswa 15:11

Umupaka ulya iuya lwaku mutentemuko wakwe Ekiloni, nupya iusenukila ku Syikeloni, iulambila ku Mwamba wa Baala nga iufika ku Yabuneele. Umupaka uwa iupelela muli yemba.

2 Samueli 23:10

Lelo wene azyansya nga alwisya aina Filisti mpaka ikasa lyakwe ilitonta nga ilikoma ilifumbatisya ulupanga cakuti lutangapona. Uwanda uwa Yawe acimvya apakalamba. Ivita pali pakuswilila ukwali Eleaza, lelo ku kutoola ivyanzo vyonsi pyu ku afwe.

Yakapingula 7:23

Lyene aonsi amu mutundu wakwe Nafutali, na wakwe Asyeli, nga ni mbali zyoili zyakwe Manase iyayama, nga nayo iyacocovya aina Midyani.

1 Samueli 17:53

Lino aina Izlaeli yaweluluka ku kusimuzya aina Filisti, iyasampa ivyali umu nkambi zyao.

1 Samueli 5:8

Acino iyakonganika intunguluzi zyonsi zya ina Filisti nga iyayuzya iyati, “Uzye tumacita cani ku Mbokosi ii iya Upangano yakwe Leza wa ina Izlaeli?” Nayo iyaasuka iyati, “Tumini akuti yaitwale ku Gati.” Acino iyatwala Mbokosi ilya ku Gati.

1 Samueli 5:10

Acino iyatuma Mbokosi ilya iya Upangano yakwe Leza ku Ekiloni. Lino yakwingizya Mbokosi ilya mu musumba wa Ekiloni, aikazi ya mwenemo iyapunda iyati, “Yatuletela Mbokosi ya Upangano yakwe Leza wa ina Izlaeli kuno pakuti yatukome kumwi na antu itu!”

1 Yamwene 20:21

Umwene Aabu asyala atoola vimwi vimwi pali vino ati yapuuka iyasya, ivili wa mfwalasi na maceleta. Alivino Aabu wacimvizye aina Asilya wakwe cimwi.