1 Samueli 17:51 - Amazwi Yakwe Leza 2013

⁵¹ Davidi asimwilila kunoli, amutangalila. Alino asomola ulupanga lwakwe Golyati umu cituwo caluko, nga aputula umutwe wakwe pacisila ca kumukoma. Lino aina Filisti yalola ukuti icipombolo cao yakwecoma, yene iyasenuka iyutuka.

1 Samueli 17:51 交叉參考

Ayebulai 11:34

yazimizye moto uwipisye nu kutuulwa ku kukomwa ku lupanga. Nanti angala yali atonte yene yapilwe maka nga yaya akome. Mu nkondo yali na maka cuze, nupya yacimvizye vita vya inamasi.

1 Samueli 21:9

Simapepo wilya nawe aasuka ati, “Pali ulupanga lwakwe Golyati umwina Filisti, wino wemo wakomile mu Cifoloma ca Elaa. Lwene lupomvilwe umu nsalu ukwi tundu ya cakuzwala ca efodi. Ndi cakuti ukululonda, lusende. Pasi ulupanga naluze pano, suka sile lulo kwene.” Davidi nawe avwanga ati, “Pasi ulupanga naluze ulungacila pali lulo. Mpeko lulo kwene.”

2 Samueli 23:21

Wakomile nu mwina Eguputo, uwali ilamba ilyali ni sumo mu minwe. Lelo wene ala ali sile ni ntuwa mu minwe. Benaya aya amulwisya amupokolola ni sumo, alino amukomela kweneko.

Ayebulai 2:14

Twazana ukuti yano akwamwa ana, antu akwata munyefu nu wazi. Acino Yesu umwisikulu wizile akolana nayo ku mwili wa untu. Wene wacisile cii kuti mu mfwa yakwe amuno aonone Ciwa, wino uwakwata maka pa mfwa.

Esita 7:10

Fwandi ali vino yakulike Hamani uku cimuti cino wateinye ukukulikila Modekai. Lyene umwene Aasuwelo umwenzo iwikala.

1 Samueli 17:50

Avili vino Davidi wacimvizye nu kukoma umwina Filisti wilya ukwi legeni ni iwe.

1 Samueli 21:10

Uwanda kwene ulya Davidi autuka Saulo nga aya kwakwe Akisyi umwene waku Gati.

1 Samueli 31:9

Iyaputula umutwe wakwe Saulo nu kumuzula ivyanzo vyakwe. Alino lyene iyatuma inkombe umu mpanga yao yonsi ku kusalanganya ilyasi lisuma kuli tuleza twao utuluwi nu ku antu yao yonsi.

2 Samueli 4:7

Lino yingila, iyaya ku muputule ukwaizi Isyibosyeti pa musanzi wakwe, nga iyamukoma. Alino iyaputula umutwe nga iyausenda, iyapita usiku onsi umu Cifoloma ca Yodani.