1 Samueli 13:14 - Amazwi Yakwe Leza 2013

¹⁴ Lelo ndakai uwene wako utamalengela. Yawe watailondela umuntu muze wino akasi nu kumulasika utesi pa antu yakwe, pamulandu wakuti wemo wakana ukusunga isunde lyakwe.”

1 Samueli 13:14 交叉參考

Milimo 13:22

“Pacisila lino wamusisya, Leza acita Davidi kuya mwene wao. Vii avino Leza wavwanzile pamulandu na aliwe, ati, ‘Nati nzana vino Davidi mwana wakwe Yese, ali muntu wino umwenzo wane watemwa, wino alacita vyonsi vino nemo nkalonda kuti acite.’

1 Samueli 15:28

Samueli avwanga ati, “Yawe watapoka uwene wa ina Izlaeli kuli wewe ilelo kwene nu kuupela ku muzo umuntu wampomvu ukuluta wewe.

Masamu 78:70

Nga alino wasolola Davidi umuomvi wakwe, wamufumya uku mulimo wakwe uwakucema imfwele,

1 Samueli 16:1

Yawe anena Samueli ati, “Uzye fwandi wemo ulata lilaci ukutezela Saulo? Nemo namukana mpiti ukuti atangaya umwene wa ina Izlaeli. Wemo zuzya sile amafuta umu musazi wako nga ukatuke uwapita. Namakutuma kwakwe Yese umwina Betelemu. Natinsolola wenga uwamu ana yakwe aonsi kuti aye umwene.”

Milimo 7:46

Davidi wakunzilwe na Leza nga auzya Leza kuti amuzumilizye kukuula ng'anda yakwe Leza wakwe Yakobo.

1 Samueli 16:12

Fwandi vili vino Yese watumile akuyamuleta, nawe aya amuleta. Walolekanga umuyenzulukile na manso yakwe asuma, nga ni cinso cakwe cali icisuma. Alino Yawe avwanga ati, “Katuka umupake amafuta. Umuntu wi aliwe kwene.”

2 Yamwene 20:5

“Swilila ukamunene Hezekiya umwene wa antu yane uti, ‘Yawe, Leza wa cikolwe cako Davidi wavwanga ukuti natinuvwa ukupapata kwako, na minsozi yako natinjalola. Fwandi nemo namakupozya nu wanda uwalenga yatatu, ale wakwela kunondi, uku Ng'anda ikulu yakwe ne Yawe.

2 Samueli 5:2

Ku mpiti, lino Saulo wali umwene awewe kwene watungululanga aina Izlaeli umu nkondo. Yawe nawe wakulavile ukuti ulatungulula antu yakwe nu kuya umwene wao.”

1 Samueli 9:16

“Mutondo pa kasita kwene ndi kaka kwene ndakutumila umuntu umwi uwamu mpanga yakwe Benjamini. Ali wino wemo ukasonte ukuya umwene wa antu yane aina Izlaeli. Wene alakulula antu yane ku makasa ya ina Filisti. Nemo natindola ukucula kwa antu yane, pano nuvwa mpiti inkuta yao.”

1 Samueli 2:30

Nene kwene ne Yawe, Leza wa ina Izlaeli nalavile ku mpiti ukuti ang'anda yako na aluko lwako yalizile kuntumikila wakwe yasimapepo amanda pe. Lelo ndakai inkuti citangaya vivyo! Indi nu kucindamika yao akancindika. Nu kusuula yao akansuula.

Ayebulai 2:10

Cali icisuma ukuti Leza, wino uwaumba vintu vyonsi nu kuvisunga ningo, acite Yesu aye umufumaluke mu kupita mu macuzi kuti atungulule ana yakwe aingi kukumako ku lulumbi lwakwe. Pano Yesu ali ntunguluzi ya kuyatungulula ku ufyusi.

1 Samueli 15:23

Pano ukutalama kukoline ni iifyo lya ulozi, nga ukuitutumika nako kukoline nu kupepa utuluwi. Pamulandu wakuti wemo watukana ukuyela amazwi yakwe Yawe, nawe kwene watakukana ukuya umwene.”

1 Samueli 15:26

Lelo Samueli avwanga ati, “Awe, nemo nsikupita nawe. Wemo watukana ukuyela amazwi yakwe Yawe, nga acino nawe kwene watakukana ukuya umwene pa ina Izlaeli!”

1 Samueli 24:20

Manyile ukuti icumi kwene wemo ulaya umwene nu kuti uwene wa Izlaeli ulatwalilila lino wemo uli pa cilimba.

1 Samueli 25:30

Fwandi lino Yawe alafikilizya ivintu vino wakulaya, nu kukucita umwene uwa ina Izlaeli,

2 Samueli 6:21

Davidi anena Mikala ati, “Nemo nacinanga kuti incindike Yawe, uwasiile so na aluko lwakwe lonsi, lelo ansolola kuti inje intunguluzi ya antu yakwe aina Izlaeli. Nga nani namatwalilila ukucina kuti incindike Yawe,

1 Milandu 10:13

Saulo wafwile pamulandu wakuti atali uwacumi kuli Yawe. Wene atayelanga amasunde yakwe Yawe. Walondanga utunguluzi ukupitila mu kusapola ku mipasi ya afwe

Ezaya 39:5

Ezaya ali pakunena Hezekiya ati, “Uuvwe kuno vino Yawe Wamaka yonsi akukunena.

Mapinda 27:24

Pano ivyuma visiyelelela pe, nu wene usiikalilila mpaka umu nkulo zyonsi.