12 Umonsi umwi uwikalanga kuku aasuka ati, “Uzye fwandi yakasema kwene yaa ana yakwe weni?” Fwandi vili vino umuvwango iusuka uya kweneko uwakuti, “Uzye kuli kuti na Saulo kwene aumwi uwamuli yakasema?”
Yakasema yalemvile yati, ‘Onsi yalasambiliziwa na Leza.’ Wino wensi akauvwa nu kusambilila kuli Tata wene akaiza kunondi.
Ana yako yonsi yalasambilila kuli ne Yawe, isyuko lyao lilakula wakwe cimwi.
Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.
Yesu ayanena ati, “Vino nkasambilizya visi vyakwane, lelo vikafuma kuli Tata wino uwantuma.
Lino Saulo wamala ukusema, atumbela aya ku kavuwa.
Acino Saulo pali pakulungama ku Nayoti ku Lama. Lelo Mupasi wakwe Leza wikila na pali Saulo kwene, nga acina nu kupunda nzila yonsi mpaka afika ku Nayoti.
Saulo wiyo pali pakuzula ni nsalu zyakwe zino wazwite. Alino nawe kwene atandika ukusema pa manso yakwe Samueli. Wene alala pansi tupu uwanda ulya onsi nga nu usiku kwene. Ali kuno kwafumile nu muvwango uwakuti, “Uzye Saulo nawe wali akasema?”
