11 Lino antu yonsi amumanyile mpiti vino waya yalola ukuti nawe kwene akusema wakwe yakasema, iyuzyanya iyati, “Mwe! Uzye icani cii cino cacitikila umwana wakwe Kisyi? Uzye kuli kuti Saulo nawe kwene aumwi pali yakasema?”
Ayuda yazunguka cuze, yavwanga yati, “Uzye umuntu wii wamanya uli malembelo, vino atasambilila?”
Saulo wiyo pali pakuzula ni nsalu zyakwe zino wazwite. Alino nawe kwene atandika ukusema pa manso yakwe Samueli. Wene alala pansi tupu uwanda ulya onsi nga nu usiku kwene. Ali kuno kwafumile nu muvwango uwakuti, “Uzye Saulo nawe wali akasema?”
Antu yonsi amuvwanga yazunguka yauzyanya yati, “Uzye wii asi muntu wino akakoma yano akataka izina lii mu Yelusalemu? Uzye atizile kuno pamulandu uli umwi kwene uwakulema antu yao nu kuyasenda kuli yasimapepo akalamba?”
Lyene ali mwi Tengo yazunguka pa kuposya kwakwe Petulo na Yoane, antu atali asambilile, nga yamanya vino yali alondezi apitanga na Yesu.
Lyene lino yamulooka vino aliwe wino wikalanga akulenga pa Mpongolo Iyembe ya Ng'anda ikulu yakwe Leza, nao yazunguka pali cino cacitike kunoli.
Amosi aasuka Amaziya ati, “Nemo insi kasema nanti panono, nanti umwi uwa mwi umba lyakwe yakasema. Lelo nemo nene kacema wa mfwele nupya nene mulimi wa matingi.”
Yawe uwizile antola, andesya ni milimo ya kucema imfwele, nga anena ati, “Pita ukaseme ku antu yane aina Izlaeli.”
