1 Samueli 1:19 - Amazwi Yakwe Leza 2013

¹⁹ Katondotondo pa wanda uwalondelilepo iyakatuka nga iyapepa kuli Yawe, nga lyene iyaswilila kumwao ku Lama. Elikana pali pakumanya umuci wakwe, nga Yawe aasuka ipepo lyakwe Hana.

1 Samueli 1:19 交叉參考

Utandiko 21:1

Yawe apolelela Sala wakwe vino walavile

1 Samueli 1:11

Hana alapa nu mulapo, ala akuti, “Iye we Yawe Wamaka yonsi, ndi cakuti walolekesya pa ulanda wane ne muzya wako, wanguvwila inkumbu, utanjilile ne muomvi wako lelo wampeela sile umwana umonsi, nani ala ndamupeela sile kunuli we Yawe pa manda yonsi yano alikala pano nsi, nu ku mutwe wakwe kutalatala kupelwe inyele.”

Utandiko 30:22

Lyene Leza atilile Lakeli, acino azumila ipepo lyakwe, aleka kuti lyene angavyala ana.

Utandiko 4:1

Lyene Adamu amanya Eva umuci wakwe, nga nawe asenda indilwa avyala umwana umonsi. Eva avwanga ati, “Ku wazwilizyo wakwe Yawe navyala umwana umonsi.” Acino amutemela izina ati Kaini.

Luka 23:42

Lyene civwanga citi, “We Yesu ukanjiusye lino uliza na maka mu Wene wako.”

Mako 1:35

Lyene katondo tondo pa macaca, Yesu akatuka afuma mu ng'anda. Alino afuma mu musumba aya ku cifulo ukwali cele, ku kupepa.

Masamu 119:147

Lino ilanzi litali litunke, nkalaizya kunuli ala nkulonda uwazwilizyo. Nemo nkapaalila umu ulayo wako.

Masamu 55:17

Ukuilizyanya nu kuteta kwane kukauvwika kunoli katondotondo, umusanya nu usiku. Nu kuvwa wene akauvwa izwi lyane.

Masamu 25:7

Utaiusya amaifyo yane yano nacisile umu wance wane. Uwanjiusya luse luse, ukulingana nu usuma wako.

1 Samueli 9:26

Iyakatuka pa macaca nga Samueli aama Saulo api paala lili ilipapatane, amunena ati, “Zyuka uiteyanye. Nkulonda inkupakasye uwapita.” Awe mukwai Saulo nawe akatuka, nga aliwe na Samueli iyakolezyanya iyafumila ukunzi.

Utandiko 8:1

Lelo Leza atilile Nowa ni nyama zyonsi zyamu mpanga, nga ni viteekwa vino wali navyo mu cange. Caleka Leza akatusya cipunga mu nsi, na mulamba atandika ukupwa.

Masamu 136:23

Watwiwisye lino twazanzilwe, pano luse lwakwe ulwa pe na pee.

Masamu 5:3

We Yawe ukauvwa izwi lyane akatondo. Lini ilanzi lyatunka, inkakulenga nga indolela kuti ungasuke.

1 Samueli 2:11

Lyene Elikana aswilila ku Lama, lelo umwana wilya asyala akutumikila Yawe ala akwangalilwa na simapepo Eli.

1 Samueli 1:1

Kwali umuntu umwi uwamu mutundu wakwe Efulemu, izina lyakwe wali a Elikana. Wikalanga mu musumba uwamwangwa Lamataimu. Wene wali umwina Zufi uwafumile ku mpanga yakwe Efulemu, impanga iya myamba. Wene wali umwana wakwe Yeloamu, umwana wakwe Eliu, umwana wakwe Tou, umwana wakwe Zufi, umwina Efulemu.

1 Samueli 7:17

Alino lyene aswilila ukwakwe ku Lama, kuno nako kwene watumikilanga wakwe kapingula. Ku Lama kwene akuli kuno Samueli wakuulile Yawe kavuwa.

Yoswa 18:25

Pali nu musumba wa Gibyoni, Lama, Beeloti,

1 Samueli 8:4

Icalenzile intunguluzi zya ina Izlaeli ukukomenkana pakuyalola Samueli ku Lama.

1 Samueli 15:34

Lyene Samueli afuma ku Lama, lelo Saulo atumbela ukwakwe ku musumba waku Gibeya.

1 Samueli 16:13

Samueli atoola umusazi wa mafuta amupaka pa manso ya ina yakwe yonsi. Ukutandika pa wanda kwene uwo Mupasi wakwe Yawe wikila pali Davidi nga utamusile. Lyene Samueli akatuka aswilila ku Lama.

1 Samueli 19:18

Davidi utwike, aya kuli Samueli ku Lama nga amunena vyonsi vino Saulo wacisile kunoli. Lyene Davidi na Samueli iyaya ku Nayoti akuno yikala.

1 Samueli 25:1

Samueli afwa, nga aina Izlaeli yonsi iyakongana ku kumulosya. Yamuzisile apakwe kwene ku Lama. Alino Davidi atentemukila ku lwanga lwa Maoni. Pacisila cakwe vii, Davidi atentemukila ku Lwanga lwa Palani.

2 Yamwene 4:17

Lelo umwanaci wilya asenda indilwa, nga pa nsita kwene ilya, alela umwana umonsi, wakwe muno Elisya wamunenile.