1 Petulo 5:8 - Amazwi Yakwe Leza 2013

⁸ Mwatekela nu kupempula! Ciwa, mwanisi winu akululumba nu kung'anza wakwe cisama wino akulunga umwi uwakuti alye.

1 Petulo 5:8 交叉參考

Efeso 6:11

Mwaipangasya ni vyanzo vyonsi vyakwe Leza vino akumupeela, kuti muye azyansye ku citeyo cakwe Ciwa.

Yakobo 4:7

Caleka, mwayela Leza. Mwakanya Ciwa, nawe aluutuka kufuma kunomuli.

Yobo 2:2

Alino Yawe auzya Satana ati, “Uzye aukwi kuno wafuma?” Satana nawe aasuka ati, “Naile nkutandala mu nsi, inda nkuzeuluka ku na ku.”

Efeso 4:27

Mutasila Ciwa umweko.

1 Petulo 1:13

Caleka, muye aiteyanye. Mwapempula nupya mwapaalila cuze mu kupolelelwa kuno mulapolelelwa lino Yesu Klistu alasokololwa.

1 Petulo 4:7

Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.

Luka 21:36

Acino pempulini nu kupepa nsita zyonsi pakuti muye na maka a kuutuka ku vintu vyonsi iviliza vicitike, nga nu kwimilila pa manso ya Mwana wa Muntu.”

Luka 22:31

“Simoni, Simoni! Lola Ciwa watazumiliziwa na Leza kuti amweele mwensi, wakwe vino antu yakaela ingano.

Tito 2:12

Cikuku kwene cii cikatutungulula kuti twakana uwikazi usi wa upefi ni vilondwa vyamu nsi. Na kuti lyene twaikanya, twacita visuma nu kwikala umi uwa upefi muno nsi,

Umbwilo 12:12

Acino zangini mwe mayulu na mwe muno mwikalamo! Lelo kalanda ku amu nsi na yemba! Pano Ciwa watasumbwa pa nsi kunomuli, nupya ali nu ukali cuze pano amanyile ukuti watasyala sile ni nsita inono.”

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Mateo 13:39

Mwanisi wino watile kalolo akwimilila Ciwa. Uzombozi ukwimilila wanda wampelelekezyo ya nsi. Yakasinza nayo yakwimilila angeli.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Mateo 24:42

“Caleka pempulini, pano mutamanyile wanda uno Mwene winu aliza.

Umbwilo 20:10

Lyene Ciwa wino uwayasomvile, wasumvilwe muli yemba wa moto na maluti, amuno alanga yati yasumbilamo cilyanyi pamwi na kasema waufi. Muu, amuno yalapya musanya nu usiku manda pe.

Luka 21:34

“Cenjelini pakuti imyenzo inu italaukilwa mu kupunuka, mu ukolesi na masakamiko amu umi uu, pano limwi uwanda uwa ungamupumikizya wa citeyo.

Zakaliya 3:1

Umu cilolwa cuze Umwene Leza wandanzile Simapepo Mukulu Yoswa, ala aimilile lwa pambali ya mungeli wakwe Yawe. Nupya wandanzile na Satana wiyo uwimilile ukwilunji lyakwe Yoswa apakuti angamuvwangila kweneko.

Tito 1:8

Wene alinzile kuya kacita wa milimo ya luse, kapokelela wa enyi, nupya uwatemwa kucita visuma. Wene alinzile kuikanya, nu kucita vilungame, alinzile kuya uwamuzilo nupya musundike.

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Amosi 3:8

Cisama ndi waluluma, uzye aweni atanguvwa intete? Yawe Simwandalali ndi wavwanga, uzye aweni angalesya ukukosola amazwi yakwe?

Tito 2:6

Mu musango uli onga kwene wakonkomezya alumendo kuti yaikanya.

Tito 2:2

Wakonkomezya aikolo ukuti yalinzile kutekela mu melenganyo. Yene yalinzile kuya a mpomvu mu utailo, mu kutemwa nga nu mu kuposya kwao.

Oseya 11:10

“Antu yane yalandondela lilyo lino ndang'anzila anisi yao wakwe cisama. Alino yalasimwilila kunondi ale yakuzakaza ukufuma ku uwondaka.

Ezaya 50:8

Ala nemo kavwangila wane ali mupipi, aweni fwandi angandololwesya? Katwimilile nawe apali ponga. Uzye similandu unji aweni? Kapalame kunondi tuvwe.

Mapinda 20:2

Icipyu ca mwene caya wa cilulumo cakwe cisama, acino na wiyo uwala wacivulumula, ala wailetelela sile umweneco.

Masamu 104:21

Utwana twakwe yacisama nato nga tutandika ukulila ala tukulonda icakulya cino Leza akatupeela.

1 Timoti 2:15

Lelo mwanaci wene alatuulwa kupitila mu kuvyala ana, cikulu atwalilile kuya uwakutailwa, akatemwa auze, uwamuzilo, nupya wino waicefya.

Umbwilo 20:2

Alino alema cizoka ca mpiti, kuli kuti Satana nanti Ciwa nu kumunyepa kulingana ni myaka izimbi lyonga.

Tito 2:4

pakuti yasambilizya akazyana kutemwa yaiya na ana yao,

1 Timoti 3:11

Aci yao nao kwene yalinzile kukwata mwata usuma nupya yatalinzile kuya akwakwa. Yene yatalinzile kukuma ku ukolesi nupya yalinzile kuya acumi muli vyonsi vino yakucita.

Yowelo 3:16

Yawe akululuma ku Zioni, ni zwi lyakwe likuvwika wa kupangalansya ukufuma mu Yelusalemu. Nga insi nu lwelele ivitenta. Lelo Yawe alaya cakuzinamo antu yakwe, ilinga lya kucingilila aina Izlaeli.

1 Timoti 2:9

Na anaci kwene nkulonda kuti yazwala vizwalo vya mucinzi, vya mano nupya vilingine kuzwala. Yene yatalinzile kuiyemvya ni misango yakuluka inyele nanti kuzwala tuyembelo tuno twapangwa kuli zaabu nanti mbela yamutengo, nanti vizwalo vyamutengo ukome.

Mateo 4:1

Lyene Mupasi Wamuzilo atungulula Yesu ku lwanga kuti akatunkwe na Ciwa.

Oseya 13:8

Ndamuzanza ndi vino iculi cikacita, cico icaticiponzya ana yakweco. Nupya ndamulepola. Ndamulya papo kwene, ndi vino cisama akacita, nu kumusantola mu tupimfya ndi vino cilyanyi camu mpanga cikacita.

1 Timoti 3:2

Intunguluzi yamwi uvi italinzile kutungwa kayi. Wene alinzile kukwata muci wenga sile, nu kuya mutekele, wa mano, wa mucinzi, akasunga aenyi ningo mu ng'anda yakwe. Wene alinzile kuya mukampuke ku kusambilizya.

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Mateo 4:11

Alino Ciwa amusya, na angeli iiza yamutumikila.

Amosi 3:4

Uzye cisama angaluluma mu mutengo ndi cakuti atazanyile cakuti aleme? Uzye mwana cisama angaluluma mu cimpinda ndi cakuti pasi cino alemile?

Danieli 6:24

Lyene umwene apeela ilamulo kuti yaleme antu yalya yonsi apile Danieli umulandu, nga aleka yayasumbila mu ninga yakwe yacisama, kumwi na aci yao na ana yao kwene. Lino yatatala yapona pansi umu ninga, yacisama yayanka nu kuyakokota amafupa yao yonsi.

Ezekelo 22:25

Intunguluzi zyao zili kwati a yacisama akung'anza pa nsita ino yakutakanya inyama ino yalemile. Intunguluzi zikakoma antu nu kuyapoka impiya, ni vyuma vyao vyonsi, zikalenga ukuti yamangu aingi yasyale yamukamfwilwa.

Mapinda 19:12

Icipyu ca mwene cakolana ni cilulumo cakwe cisama. Lelo uluse lwakwe lukoline nu lumi ukwi sote.

Esita 7:6

Esita nawe aasuka ati, “Umwanisi witu uwatuzunya a Hamani, umunkalwe wiyo!” Lyene Hamani auvwa intete cuze apa manso ya mwene na namwene.

Yakapingula 14:5

Acino Samusoni atentemukila ku Timinaa, ale yali na akwasi yakwe. Lino yapalama ku vyalo vya matingi ivyaku Timinaa, auvwa kacilume kakwe cisama kakumung'anzila kala kakwiza kunoli.

Zakaliya 11:3

Kulosya kwakwe yakacema kwatikuvwika, pasi pano muno yakacemelamo mwatimononeka! Kuvwika nu kung'anza kwa twana twakwe yacisama, pasi pano matesi aku Yodani yatiyononeka kuno twene tukaikala!

Ezekelo 19:7

Wene walwisizye amasano ya antu yalya nu konona imisumba yao. Impanga pamwi na ikazi ya mwenemo, pasi pakuvwa intete apa kuvwa kung'anza kwakwe.

Yelemiya 51:38

Aina Babiloni yalang'anza wakwe cisama nu kuuza wa twana twakwe cisama.

Yelemiya 2:15

Antu ya mitundu yuze yakumung'anzila wakwe cisama? Yatiyasangula impanga inu ungati ulwanga. Imisumba inu yationgoloka, nga musi na antu akwikala mwenemo.

Masamu 109:6

Sungala uleke umuntu umwi umwipisye awino apingwile umwanisi wane, leka nu mwanisi wakwe awino amusinile.

Amosi 1:2

Amosi wavwanzile ati, “Yawe akung'anza ku Zioni, amazwi yakwe yakuuvwika ungati ukupangalansya umu Yelusalemu. Uli mulandu uno amanyika yakwe yakacema yatiyuma, na kansonsi ka mwamba wa Kalimeli kakuuma.”

Mapinda 28:15

Umwene mwipe wino akateeka alanda, akoline na cisama aakung'anza, nupya wa cilyanyi icili ni nzala, icakolana ni cuuli.

Mako 4:15

Antu yamwi yakoline wa mbezu izyaponile umu mbali ya nzila, muno mazwi yatewa. Lilyo kwene lino yuvwa mazwi yakwe Leza, Ciwa nawe aiiza afumya mazwi munoyali.

2 Kolinto 2:11

Nemo nacita cii kuti ntaleka Satana aye na maka pano tuli. Pano twamanya mapange yakwe vino yaya.

Umbwilo 12:10

Nupya nuvwa izwi likulu mwiyulu likuti, “Ndakai Leza watatutuula! Leza watalanga maka yakwe nu wene wakwe! Ndakai Katuula wino wasolola watalanga maka yakwe! Pano wiyo akapeela aina itu milandu wene wasumbwa pano nsi, wino musanya nu usiku akayapeela milandu nkolelo yakwe Leza witu.