7 Ikini masakamiko inu pali Leza, pano wene akamusakamala.
Uwatuula masakamiko yako kuli Yawe, nawe amakuwakanga. Wene asitazyela umuntu musuma ukuti yamutonsye foo.
Mutasakamikwa pa cintu cili consi, lelo pepini pamulandu wa vintu vyonsi, mule mukulenga Leza nu kutaizya mu myenzo.
Sekezya amikalo yako kuli Yawe, umutaile nawe alakwazwa.
Yawe aliwe ali kalinda wa ana asuma, nupya wene akauvwa ni nkuta zyao.
Lyene Yesu anena alondezi yakwe ati, “Caleka namunena ukuti mutasakamala pali vino mumalya pakuti muye nu umi, nanti pa vizwalo vyakuzwika imili inu.
Davidi wali umu ntazi ikulu sana, pamulandu wakuti antu yakwe yonsi imyenzo yali iwaye pa kuponzya ana na aci yao. Iyatandika nu kupanga kuti yakomole Davidi na mawe. Lelo Yawe Leza wakwe amupa ukuposya.
Yesu wali ku mpinda ya wato, ala watakasula asamile musamilo. Alondezi yakwe yamuzyula yati, “Kasambilizya, uzye utasakamile ndi vino tuli pipi nu kuundwa?”
Wino uwalembwa sile incito wene akautuka pano wene walembwa sile incito nupya asyasakamala mfwele.
We Yawe, nemo nene mupina nu mulanda, lelo uwalukunjiiusya. Wewe kazwa wane na katuula wane. Sungala ucincile ukwiza ntuula.
Peela umulimo wako kuli Yawe, alino lyene na mapange yako yalafikiliziwa.
Uzye aweni uwa munomuli, pa kusakamikwa kwakwe, angalundako wanda ku umi wakwe?
“Pacani cino mungasakamikwa pali vino mumazwala? Lolini vino maluwa yakakula. Yene yasyaomba nanti kupikula vizwalo.
“Caleka mutasakamala muti, ‘Tumalya cani? Nanti tumamwa cani? Nanti tumazwala cani?’
Ndi mutangacita nanti akantu kanono wakwe kako, pacani cino mungasakamikwa pa vintu vyuze?
