8 Kuluta pali vyonsi, mutemwane nu mwenzo onsi, pano kutemwa kukalenga kwelelana maifyo aingi.
Ulupato lukakatusya ivikanza, lelo ulukundo lukaleta ukwelelwa kwa maifyo yonsi.
Na pa vintu vii vyonsi mulundepo ukutemwa kukakundanya vintu vyonsi pamwi mukulemana kumalilike.
Akasuula uku viipe ala wakomya icitemwiko. Lelo wiyo akaiusya pamulandu, ala watanya yacuza.
Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.
Iusyini ukuti wino wensi uwawezya kaifya kufuma ku viponge vyakwe ala wene alamutuula kufuma ku mfwa nga nu kuleka kuti aelelwe maifyo yakwe aingi.
Ningakwata maka akulandila mu ndimi zya antu nga ni zya angeli kwene. Lelo ndi ntakweti kutemwa, ale kulanda kwane kuli wa kulila kwa cela nanti wa nsawa.
Lekini Mwene avuzye kutemwa kuno mwatemwana, nga nu kutemwa antu yauze, ndi vino wavuzya kutemwa kwitu kunomuli.
Mwatwalilila kutemwana wa ina Klistu.
Pano twimilila pa kunena antu kukwata kutemwa kuno kukafuma mu mwenzo uswepe, nu kwelenganya kusuma nu utailo uwa mpomvu.
Mwe ina itu, tulinzile kutaizya Leza nsita zyonsi. Catuzipila kucita cii, pamulandu wakuti utailo winu ukukula cuze nga nu kutemwana pakasi kinu kukukulilako.
Umuntu wino akatolelela zuwa lino atatala uvwa, akalangizya sile uwelewele wakwe nu kuiletela insonyi.
Ukusoka kwa ciwelewele kukamanyika zuwa, lelo uwa mano wene akasuula nanti yamutuke uli.
We mukundwe, nkupepa kuti vintu vyonsi vikuzipile nga na kuti uye nu umi wa mpomvu ku mwili ndi vino uli ningo ku mupasi.
Kuluta pali vyonsi, inane mutaomvya mulapo lino mukulaya. Mutalumbula iyulu nanti insi nanti cintu cili consi mu milapo. Lelo lino mukuzumila muvwange muti, “Ee” na lino mukukana muvwange muti, “Awe.” Ndi mwacita vii, lyene Leza atalamupingula.
Kutemwa kukateeka mwenzo nupya ukwa luse. Kutemwa kutakwata uzuwa nupya kusyaitutumula nanti kuituumika.
