1 Petulo 3:21 - Amazwi Yakwe Leza 2013

²¹ Manzi yaya yali icilangililo casontelelanga ku luwatizyo luno lukumutuula ndakai. Lwene lusi wa kufulwa kwa mwili, lelo kupapatila Leza kuti yakampingu itu yaswefiwe kupitila mu kuzyukuka kwakwe Yesu Klistu kufuma ku afwe.

1 Petulo 3:21 交叉參考

Mako 16:16

Wino wensi alataila nu kuwatiziwa, wene alatuulwa. Lelo wino wensi atalataila alavunukwa ku mfwa.

Milimo 2:38

Petulo ayanena ati, “Zenzukini, cila muntu, muwatiziwe mwi zina lyakwe Yesu, pakuti maifyo inu yelelwe. Alino mulapokelela uwila uno Leza walaya.

Galatiya 3:27

Na lino mwawatiziwe apa kutaila muli Klistu mwazwite Klistu mu musango uli onga ndi vino mukazwala vizwalo vipya.

Milimo 22:16

Uzye lyene, ndakai ukulengela uli? Katuka uwatiziwe uswefiwe ku maifyo yako apakwama pi zina lyakwe.’

Efeso 5:26

Wene wacisile iuvi kuya ilyamuzilo kupitila mu kuliswefya na manzi nga na mazwi yakwe.

1 Petulo 1:3

Lekini tutaizye Leza Isi wa Mwene witu Yesu Klistu! Wene watupeela umi upya pamulandu wa mizu yakwe akulu cuze. Wene wacisile cii lino walenzile kuti Yesu azyukuke kufuma ku afwe. Wene watupeela umi upya nga nu upaalilo uno usyasila.

1 Kolinto 12:13

Mu musango uli onga kwene, swensi kwene, Ayuda nanti Akulukuwa, azya nanti antungwa, twawatiziwe na Mupasi Wamuzilo ali umwi kwene kuti tuye mwili onga. Nupya swensi twapokelela Mupasi Wamuzilo wenga kwene.

Kolose 2:12

Pano lino mwawatiziwe, mwazisilwe pamwi na Klistu, nga nu mu luwatizyo mwazyukwike pamwi na Klistu pamulandu wakutaila mu maka yakwe Leza, wino uwalenzile kuti Klistu azyukuke kufuma ku afwe.

Mateo 28:19

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo,

Ayebulai 9:24

Pano Klistu atingile mu Ncende Yamuzilo ino iyapangwa nu muntu, nupya ino iyali ukukolanya kwakwe iyo ya cumi. Wene wingile mwiyulu kwene muno ndakai ali pamwi na Leza kuti atwazwa.

1 Timoti 6:12

Lwisya ulwi usuma wa kusunga utailo, kuti uilonkele umi wape. Pano ku umi uu akuno Leza wakwamile lilyo lino wemo kwaula kutwisika waizumilile utailo wako pa manso yakwe yakambone aingi.

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

1 Kolinto 4:6

Inane, naomvya Apolo nga na nemwisikulu kuya cilangililo ca kumulangilila vino mazwi yakasenula, yano akati, “Mwalondela ivya tantikwa mu malembelo.” Kutaya nanti wenga uwa munomuli kutasya umuntu umwi nu kusuula muze.

Milimo 16:33

Lino ucili usiku, kalinda wa ng'anda yaminyololo ayasenda nu kuyafulila ivilonda. Alino wene pamwi na amu ng'anda yakwe yawatiziwa lilyo kwene.

Milimo 8:36

Lino yacili yakupita mu museo, yafika pa cifula apali manzi, nga mutungwi amunena ati, “Amanzi aeya pa. Uzye icani cingandesya kuti mbatiziwe?” [

Zakaliya 13:1

Yawe Wamaka yonsi wavwanga wati, “Lino insita iya ilafika, intulo yonga ilapongwela amanzi, yano ana yakwe Davidi na ina Yelusalemu yalafulala ku ukowezi wao.

Loma 5:14

Lelo kufuma pa nsita yakwe Adamu kufika na pa nsita yakwe Mose, imfwa yateekanga antu onsi, pamwi na yao atifizyeko wakwe vino Adamu wifizye pa kuntayela ilamulo lyakwe Leza. Adamu wali ali unkolanya wakwe wiyo uwali nu kwiza.

Ayebulai 11:19

Abulaamu welenginye ukuti Leza ali na maka akuleka kuti afwe yaye nu umi. Endi, tumalanda mukukolanya ukuti wene wapokelile Isaki kwati nalimwi wazyukuka kufuma ku afwe.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

1 Timoti 1:5

Pano twimilila pa kunena antu kukwata kutemwa kuno kukafuma mu mwenzo uswepe, nu kwelenganya kusuma nu utailo uwa mpomvu.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

Ayebulai 13:18

Mutwalilile kutupepela. Swemo twasininkizya ukuti myenzo itu ili ningo pano tukalondesya kucita cisuma nsita zyonsi.

1 Petulo 3:16

Lelo mwacita cii na mazwi amutembo nu mucinzi. Lekini myenzo inu iye isuma. Ndi mwacita cii ale lyene mulalenga antu insonyi, yao yano yakalanda viipe pa milimo inu isuma ya alondezi yakwe Klistu.

Yoane 13:9

Simoni Petulo amunena ati, “Mwene fwandi utafula sile ingazo zyane, lelo umfule minwe nu mutwe kwene!”

Milimo 8:37

Filipo nawe aasuka ati, “Ndi wataila nu mwenzo wako onsi ungawatiziwa. Alino nawe aasuka ati nataila vino Yesu Klistu Umwana wakwe Leza.”]