1 Petulo 3:15 - Amazwi Yakwe Leza 2013

¹⁵ Lelo mukwatile Klistu coopo mu myenzo inu, nupya mwamucindika wa Mwene. Muye aiteyanya lyonsi pa kwasuka umuntu umwi uwamuzya pali vino mukapaalila.

1 Petulo 3:15 交叉參考

Kolose 4:6

Mvwango zinu zilinzile kuya zisuma nupya zyakuzanzya antu, nupya mulinzile kumanya musango uno mungaasukilamo umuntu ali wensi.

1 Petulo 3:2

pano yalalola vino micitile inu yaya isuma nupya iya mucinzi.

1 Samueli 12:7

Acino fwandi lyene imililini pano, nga nani namamusinila pa manso yakwe Yawe, pamulandu ni vizungusyo vyonsi vino Yawe wacitile mwemwe ni vikolwe vinu.

Tito 1:2

Utailo uwo nga nu kumanya vikafuma mu upaalilo witu uwa kuya nu umi wape. Leza wino asitumpoka uwatulaya umi kwene uu, kufuma lino kutandika kwa nsita kutali kuyeko.

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

Ayebulai 6:1

Lyene katutale tuye pa nkolelo mu usambilizyo, tusye cisila masambilizyo yankolelo amwi landwe lyakwe Klistu. Tutaswilila mu kwimika mufula wa kuzenzuka ku milimo iipe nu kutaila Leza.

Masamu 119:46

Indataka amasunde yako kuli yamwene, ni nsonyi ntaluvwa foo.

Kolose 1:5

Utailo nu kutemwa vyoili vimikwa pali cino mukapaalila cino Leza wamusungila kwiyulu. Muvwile pa upaalilo lino Ilandwe lya cumi, Ilandwe Lisuma lyakosozilwe nkolelo kuno muli.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Ayebulai 3:6

Lelo Klistu u Mwana uwakutailwa wino akaangalila ng'anda yakwe Leza. Sweswe tuli ng'anda yakwe, ndi twalemasya kuposya nu kutaila muli vino tukapaalila.

1 Petulo 3:4

Lelo kuyemba kwinu kulinzile kuya ukwa mukasi kinu, ukwa kukwata myenzo ifuke nupya itekele manda pe. Pa manso yakwe Leza cii icili campomvu kuluta.

Ezaya 41:21

Yawe Leza wa ina Izlaeli akuti, “Mwe tuleza twa mitundu, aleni letini imilandu inu uku cilye. Izini muilondolwele mwenga pano mutemilwe!

Ezaya 1:18

Yawe akuti, “Lekini tuvwane lyene. Amaifyo inu nanti yangayenzya cee, nemo namayafula nga nayo yamaswepa mpe wakwe kungwi wa katondotondo. Nanti angala yangayenza cee wa wazi, awe cumi namayaswefya mpee, wakwe pamba.

Ezaya 29:23

Pano mulalola ana yano lyene ndamupeela. Mulasininkizya nu kuti nene Leza Wamuzilo wakwe Izlaeli. Mulancindika nu kunkwatila icoopo.

1 Petulo 1:17

Lino mukupepa mukaama Leza muti, “Tata.” Wene ataya na kasoozi. Lelo akapingula antu yonsi kulingana na vino cila muntu wacita. Acino lyene mwacindika Leza lino mucikweti umi muno nsi.

Ezaya 5:16

Yawe Wamaka yonsi akalanga ucindami wakwe umu vintu ivilungame vino akacita. Leza wamuzilo alalanga usuma wakwe umu kucita ulungami ku antu yakwe.

Milimo 24:25

Lelo lino Paulo watandika kulondolola vya musango wakuya mu wololoke nu kuikanya nga nu kwiza kwa Wanda wa upinguzi, Felikisi auvwa intete nga anena Paulo ati, “Ungapita ndakai. Ndakwama lino ndakwata insita.”

Milimo 21:39

Paulo amwaasuka ati, “Nene mu Yuda, uwavyalilwe ku Taliso, mu mpanga ya Kilikya nupya nene mwina musumba umumanyike. Napapata leka ndande ku antu.”

Mpendwa 20:12

Nga alino Yawe anena Mose na Aaloni ati, “Pano mwali mwakana ukuzumila ukuti indi na maka akulanga ucindami wane pa manso ya ina Izlaeli, mutalingizya iuvi lii mu mpanga ya ulayo ino nayapeela.”

Mpendwa 27:14

pamulandu wakuti mweili kwene mutayezile ilamulo lyane mu Lwanga lwa Zini. Lino iuvi lyonsi lyailizyanyizye ku Meliba, mwemo mwakanyile ukutaka amaka yane amuzilo pa manso yao.” (Meliba a kafukoka ka manzi ku Kadesyi mu Lwanga lwa Zini.)

Mapinda 15:28

Yawe akafuntuka uku antu aipe, lelo akauvwa ukulenga kwa asuma.

Mapinda 22:21

Nupya zilakwazwa ukulondololola imilandu iyampomvu, nga nu kwasuka antu ivyacumi ndi yakuuzya.

Ezaya 8:12

“Cisi cakwezya wemo ukulondela vino antu yayo yakucita nanti vino yene yakaoopa.