1 Petulo 2:2 - Amazwi Yakwe Leza 2013

² Mukolane nu tunya twacivyalwa tuno twaya nu lusala lwi ziya. Ndi mwakwata lusala lwi ziya lya mpomvu, lyene myenzo inu ilalisiwa nga mulakula suka mukatuulwe.

1 Petulo 2:2 交叉參考

Efeso 4:15

Kulanda cumi lyonsi kungalenga ukutemwa, kutemwa kulinzile kwatwazwa kukula mu misango yonsi nu kulolana na Klistu, wino ali umutwe

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.

Mako 10:15

Cumi namunena nati, wino wensi atalapokelela Uwene wakwe Leza wa mwana munono, wene atalingilamo”

1 Kolinto 14:20

Mwe inane, mute kwelenganya wa ance. Mu viipe muye akaele wa tunya. Lelo mukwelenganya muye wa antu aikolo.

Mapinda 4:18

Inzila ya antu asuma, yaya wa luswepo lwa pamacaca, lulo ulukakulilako mpaka ilanzi ilisanzama.

Yobo 17:9

Antu akailola kwati alio yakacita vyaololoke, yene caluta! Lyene yaya akailola kwati akayele, nayo kwene yatiyacila sile mwenemo.

2 Tesalonika 1:3

Mwe ina itu, tulinzile kutaizya Leza nsita zyonsi. Catuzipila kucita cii, pamulandu wakuti utailo winu ukukula cuze nga nu kutemwana pakasi kinu kukukulilako.

Mateo 18:3

Ayanena ati, “Cumi namunena, ndi mutasenwike nu kuicefya wa ana anono, mutalingila mu Wene wa mwiyulu.

Efeso 2:21

Klistu awino walundinkanya cikulwa nga nu kuleka kuti cikule nu kuya Ng'anda ikulu yakwe Leza yamuzilo, nupya iyapeelwa ku Mwene.

Loma 6:4

Caleka lino twawatiziwe, cali ungati twafwa nu kuzikwa pamwi na Klistu, pakuti, ndi vino Klistu wazyukwilwe kufuma ku afwe mu maka yalulumbi yakwe Isi, avino naswe kwene tulinzile kuya nu umi upya.

Oseya 6:3

Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”

1 Petulo 1:23

Citini cii pano Leza ali So uwamupeela umi upya pa kuyela ilandwe lyakwe lya umi upya lya manda pee.

2 Samueli 23:5

Avino Leza wane alapolelela amu mupanda wane, pamulandu wakuti wene watacita upangano uwa manda pe nani uno utalavunwa ulayo uno utalasenulwa. Icili cintu cino nkulonda. Cico cilaya ucimvyo wane, icumi kwene Leza alafikilizya cico.

Oseya 14:7

Nupya kwene aina Izlaeli yalazina munondi. Yene yalakula ningo wa mbezu zya ngano, Yalawalula nu kuseeka wa mutingi. Yalalumbuka wakwe waini waku Lebanoni.

Oseya 14:5

Ndaya wa mutonsi ku antu yane aina Izlaeli. Yene yalawalula wa maluwa. Yene yaliika imisisi apa zike wa mukelide waku Lebanoni.

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

Mateo 19:14

Lyene Yesu ayanena ati, “Lekini ana anono iize kunondi, mutayalesya, pano Uwene wa mwiyulu uwakwe yao ali ndi yaa.”

Luka 18:17

Cumi namunena nati, wino wensi atalapokelela Uwene wakwe Leza wa mwana munono, wene atalingilamo.”