1 Petulo 2:19 - Amazwi Yakwe Leza 2013

¹⁹ Leza alamuvwangila visuma ndi mwacita cii, cikulu muposye kucula konsi kwa lufyengo pano mumanyile kulonda kwakwe.

1 Petulo 2:19 交叉參考

1 Petulo 2:20

Uzye cilambu cii cino mungalonka ndi mwaposya kuumwa pamulandu wa kwifya? Lelo ndi mwaposya ucuzi na lino mwati mucita visuma, Leza alamupolelela pa kucita cico.

1 Kolinto 15:10

Lelo ku cikuku cakwe, Leza wancita kuya vino ndi, ni cikuku cakwe citali caula milimo kunondi kuluta atumwa yauze, nanti angala asi anene naombanga, lelo maka yakwe Leza akankomelezya.

Luka 6:32

“Ndi mwatemwa sile antu yano amutemwa, uzye icilambu cii cino mungapokelela? Nga vino na yakaifya kwene yakatemwa yano ayatemwa!

Loma 13:5

Acino mulinzile kuyela yakateeka, asi pamulandu wa ukali wakwe Leza utupu lelo pamulandu wakuti myenzo inu ikamunena kucita cisuma.

Yoane 15:21

Lelo yalacita vintu vii vyonsi kunomuli pamulandu wakuti mwemwe yakwane, pano yatamanya uwantuma.

2 Timoti 1:12

Acino pamulandu kwene uu, nemo nkucula. Lelo nsi na nsonyi pano indi nu upaalilo cuze, pano manyile wiyo wino nataila. Nupya nkusininkizya ukuti wene akweti maka akucingilila cico cino wandasika, kufika na pa Wanda wa mpelelekezyo.

2 Kolinto 8:1

Inane tukulonda kuti mumanye vino Leza walanga cikuku ku mauvi amu Makedoniya.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

Masamu 119:86

Amalamulo yako yonsi kwene akutailwa. Antu yaya yatiyanzunya umu kunsombezya, ntuule!

Masamu 69:4

Antu akantandika uku mpata, yati yaya anyanya. Yavulisya nu kuluta inyele zyakumutwe. Yakasomba yaufi, akansombezye ukwaula umulandu uno nacita, yakalonda sile umwakuti mfwile. Nkapatikiziwa ukulipa vino ntiya.

Masamu 38:19

Antu akamfyenga ukwaula umulandu yakulu kuvulila kweneko. Yao ampata sile uku mufulo, yene yasi yakupenda.

Masamu 35:19

Utaleka anisi yane akapepa ufi yazange apamulandu wa kucimviwa kwane! Utaleka yao ampata ukwaula umulandu yansyenteka pamulandu nu landa wane!

Yobo 21:27

“Fwandi mwe yayame nemo natimanya mpiti ivili umu myenzo inu. Natimanya iviipe vino mwatimupanga ukuncitila.

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Ayebulai 10:2

Ndi cakuti antu apepanga Leza mu cumi yaswefiwe ku maifyo yao, lyene yene yatange yasakamikwe pa maifyo yao nupya, nga nu kupeela kwa mpolelwa kungasila.

1 Petulo 4:15

Umwi uwa munomuli ndi wacula, lekini citaya pamulandu wakuti wene inkomi nanti umwivi nanti cipondo nanti wino akaitumpa mu vintu vitamupazi.