1 Petulo 2:1 - Amazwi Yakwe Leza 2013

¹ Lyene fumini viipe vyonsi munomuli. Mutatumpoka, mutacita usomvi, kuya nu uzuwa, nanti kutukana.

1 Petulo 2:1 交叉參考

Efeso 4:31

Acino tiini kupatana, kuya ni cipyu, nanti kusoka. Tiini kulemanila nanti kutukanana, nanti kwikilana kai mu musango uli onsi.

Yakobo 1:21

Acino lekini kucita vya winyi nu ukakasi onsi. Tontelini Leza nu kuzumila mazwi yano akaika mu myenzo inu, yano angamutuula.

Yakobo 4:11

Mutapelana milandu, inane. Wino wensi akapeela mwina Klistu muze mulandu nanti kumupingula, ala wene akusula masunde nu kwezya kuyapingula.

1 Petulo 3:10

Cili ndi vino calembwa mu malembelo cati, “Wino wensi akalonda kuilyokezya nu umi nga nu tusita twa nsansa, wene alinzile kufuma kukulanda viipe. Nupya alinzile ate kutumpoka.

1 Petulo 4:4

Ndakai atataila Leza yakuzunguka apakuzana ukuti musyakukumako mu kuzenzemba pamwi nao. Caleka yakumutuka.

1 Petulo 4:2

Kufuma ndakai lino mucili muno nsi mulinzile kuleka umi winu watungululwa nu kulonda kwakwe Leza. Mutaleka vilondwa vya untunze vyamutungulula.

Yakobo 5:9

Inane, mutailizyanya wenga pa muze pakuti Leza atace amupingule. Kapingula watapalama, nupya ali pipi nu kuloleka.

Ayebulai 12:1

Swemo tukweti iumba likulu lyakwe yakambone, lino litulizizye. Acino lekini tufume ku vintu vyonsi vino vikatuvulunganya, na maifyo yano akatupalama lili lili. Lekini tusimule nu mukozya mu lwilo lwa kucimvya luno lwikwa nkolelo itu.

1 Timoti 3:11

Aci yao nao kwene yalinzile kukwata mwata usuma nupya yatalinzile kuya akwakwa. Yene yatalinzile kukuma ku ukolesi nupya yalinzile kuya acumi muli vyonsi vino yakucita.

Masamu 34:13

Tiini fwandi ukulanda iviipe, mute nu kutumpoka intumpu.

1 Petulo 2:22

Klistu atatazile aifye nupya kusi umwi uwatazile auvwa akutumpoka.

Tito 2:3

Mu musango uli onga kwene wakonkomezya anaci aikolo kuti mwata wao waya ndi vino anaci amuzilo yalinzile kuya. Yene yatalinzile kuya nu ukwakwa nanti kutekwa uzya nu ukolesi. Yene yalinzile kusambilizya visuma,

Masamu 32:2

Wasyuka umuntu wino Yawe asizanamo uyi munoli, wiyo atakwata intumpu mu mwenzo wakwe.

1 Kolinto 14:20

Mwe inane, mute kwelenganya wa ance. Mu viipe muye akaele wa tunya. Lelo mukwelenganya muye wa antu aikolo.

Loma 1:29

Myenzo yao yazulamo uyi wa misango yonsi wakwe vii, ukakasi, kuitemwa, lupato, uzuwa, utazi wa katwe, lwete, ufi, lufyengo, lwambo,

Luka 6:42

Uzye ungavwanga uli ku munyonko uti, ‘Mwinane, leka nkusisizye kakona mwi linso lyako,’ lino wemwisikulu utaweni mulando uli mwi linso lyako? We musomvi we! Utale usisye mulando uli mwi linso lyako, alino umalola ningo pa kufumya akakona akali mwi linso lya munyonko.

Mateo 23:28

Mu musango uli onga, namwe kunzi mukaloleka ku antu kwati mwemwe ololoke, lelo mukasi ka myenzo inu mwazulamo usomvi ni nkota.

Mateo 7:5

We musomvi we! Utale usisye mulando uli mwi linso lyako, alino umalola ningo pa kufumya akakona akali mwi linso lya munyonko.

Masamu 37:1

Citakusakamika apa uyi wa antu aipe, utauvwa uzuwa kuli yakaluvyanya.

2 Kolinto 12:20

Nkoopa kuti lino ndiza limwi ndazana kuti miyele inu ipusane na vino ningatemwa kuti iye, nupya nkoopa kuti limwi namwe kwene mulazana kuti miyele yane ipusane na vino mungatemwa kuti iye. Nkoopa kuti limwi ndazana kulemanila, uzuwa, cipyu, kuitemwa, musaalula, lwambo, cilumba, cimvulunganya muno muli.

Mapinda 24:1

Utazuwila antu yano yakwifya, nupya utaezya ukutandana nayo icuza.

Mapinda 3:31

Utacitila uzuwa umuntu wa luzazwe, nupya utakolanya imiyele yakwe,

Umbwilo 14:5

Yatatazile yalande intumpu. Yene yatakweti mulandu.

1 Petulo 2:16

Mwaikala wa antu antungwa, nupya mutaomvya untungwa winu pa kuipeela insambu kuti mwaifya. Lelo mwaikala wa yaomvi yakwe Leza.

Yakobo 4:5

Mutatwisika cumi icaya mu malembelo yano yakati, “Leza akasakamala pamulandu wa mupasi uno wika munotuli.”

Yakobo 3:14

Lelo ndi cakuti mu mwenzo muli uzuwa, muvimbila, kuitemwa, lyene mutaitumika pa mano inu nanti kufisa cumi mu kutumpoka kwinu.

1 Tesalonika 2:3

Kupapata kwitu kunomuli kusi pa kuluvyanya kumwi nanti melenganyo ya ukakasi, nanti kwezya kusomba umuntu ali wensi.

1 Kolinto 5:8

Caleka mutazevya Cimulo cii lino mukucita viipe nu ukakasi. Cii cikoline wa kupelwa kwa mukate usi ni citutumusi, uno ukaswefya mwenzo nupya uwa cumi.

Yoane 1:47

Lino Yesu walola Natanaeli akwiza kunoli, avwanga pamulandu wakwe ati, “Lolini wii ali mwina Izlaeli wa cumi, nupya munoli musi usomvi.”

Luka 11:44

Kalanda kunomuli! Mwakolana na malindi asi ni vimanyililo yano antu yakapita papela kwaula kumanya.”

Ezaya 30:22

Utuluwi twinu tuno yapomela na siluva, na tuno yapomelela na zaabu mulatutoola nu kutusumba ungati avino yakasumba usaali, ala mukuti, “Yangini ukutali mwe vintu vya ciwelewele mwe!”

Mapinda 24:19

Antu aipe utayakwatila uluzazwe foo, nanti ukuyazuwila.

Mapinda 14:30

Umwenzo utambalale uli umi wa mwili. Uzuwa wene uli ulwale ukalya amafupa.

Yobo 36:13

“Lelo antu asi yapefi yakaikala asoke, Nalino Leza wayanyepa umu myando, awe cumi yene yasi nu kumupapata foo.

Luka 12:1

Lino antu mazimbi na mazimbi yakongana pali pamwi, cakuti yalyatana, Yesu anena alondezi yakwe ati, “Cenjelini nu kutaluka ku citutumusi ca Afaliseo, kuli kuti usomvi wao.

Mako 12:15

Lelo Yesu amanya usomvi uwamu myenzo yao, ayanena ati, “Uzye pacani mukungezya? Letini lupiya longa kuno ndulole.”

Mateo 24:51

Wene alamuvunuka cuze nupya alamusumbila ukunzi ku cifulo ca asomvi kuko kuno alalila nu kulumanya ncecete.

Mateo 15:7

Mwe yasomvi mwe! Ezaya wali ningo lino wasemile pali mwemwe, ati,

Ezaya 2:20

Umu wanda ulya antu yalavwintila utuluwi twao, twakwe siluva na zaabu kuli yatunko nu tususu, utuluwi tuno yaipangile ni minwe yao ukuti yangatufukamila.

Masamu 73:3

apa kuvwa uzuwa apa kulola kuno aipe nayo yakwata ulongo.