1 Petulo 1:8 - Amazwi Yakwe Leza 2013

⁸ Mwamutemwa nanti angala mutamulola, nupya ndakai musyamulola lelo mwamutaila. Lyene mukazanga, nga kusi mazwi angalondolola luzango lwinu lwa kutuulwa,

1 Petulo 1:8 交叉參考

Yoane 20:29

Yesu amunena ati, “Uzye wataila pano wandola? Alongo ayao akataila na lino yataweni.”

2 Kolinto 5:7

Lelo tukaikala umi wakutaila, usi uwa pali vino tukalola.

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Ayebulai 11:1

Utailo ukapeela maka akuntatwisika vintu vino tukupaalila, nupya ukasininkizya vintu vino tusyalola.

Yoane 16:22

Vii avino cili kunomuli. Ndakai muli nu ulanda, lelo ndiza mulole nupya, nga ni myenzo inu ilazulamo ni nsansa zino pasi umuntu nanti umwi angazisisya kufuma kunomuli.

2 Kolinto 4:18

Uli mulandu uno swemo tukaika mano pa vintu vino vikaloleka asi pa vintu vino visyaloleka. Vintu vino vikaloleka vyene visyaikalilila lelo vintu vino visyaloleka vyene ivya manda pe.

1 Petulo 1:6

Sansamukini pali cii, nanti angala ndakai cingalondekwa kuti muvwe ulanda pamulandu wa mezyo aingi yano mukuculamo.

Ayebulai 11:27

Utailo uwalenzile kuti Mose afume mu Eguputo kwaula koopa ukali wakwe kateeka. Wene wakanyile kuswilila pano cali kwati waweni Leza wino asyaloleka.

1 Petulo 2:7

Iwe lii ilyamutengo cuze kuli mwe muno mwataila. Lelo kuli yao atataila, kunoyali cili ndi vino malembelo yauze yakati, “Iwe lino yakakuula yakanyile, lyene lyacisilwe iwe lya pitungi lya nganda.”

Filipi 4:4

Mwazanga mu Mwene. Nupya kwene nkuti mwazanga!

1 Petulo 5:4

Lyene lino Klistu, Kacema mukalamba aliiza, mwemo mulapelwa ingala ya lulumbi ino italatala iponzye kuyemba kwakweyo.

Efeso 6:24

Cikuku cakwe Leza ciye na antu yonsi yano atemwa Mwene witu Yesu Klistu nu kutemwa kwa pe.

Filipi 1:25

Nkusininkizya cii nupya manyile ukuti namaikala. Namaikala pamwi namwe kuti nungilizye kumwazwa kukula nu kuya ni nsansa mu utailo winu.

Loma 14:17

Mu Wene wakwe Leza cintu cikulu asi kulya nanti kumwa, lelo kucita vyawololoke, mutende nu luzango, vino vikapelwa na Mupasi Wamuzilo.

Yoane 14:24

Wino wensi atantemwa wene asyayela mazwi yane. Na mazwi yano muvwa yene yatafuma kunondi, lelo yafuma kuli Tata, wino uwantuma.

Yoane 8:42

Yesu ayanena ati, “Leza ndi a So mu cumi, nga mwantemwa, pano nemo nafuma kuli Leza. Nupya ndakai ndi pano. Ntaizile nenga, lelo aliwe uwantuma.

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

2 Kolinto 12:4

Kuku akuno uvwile vintu vino vitangalondololwa, vintu vino muntu atangazumiliziwa kulanda.

2 Kolinto 9:15

Lekini tutaizye Leza pa wila wakwe uwakuzunguka uno mazwi yatangalondolola!

2 Kolinto 1:22

nu kwika Mupasi wakwe mu myenzo itu kuti alangilile vino sweswe akwakwe.

Milimo 16:34

Pacisila cakwe vii ayatwala ukwakwe nga ayapeela vyakulya. Aliwe pamwi na amu ng'anda yakwe yali nu luzango, pano ndakai yataila muli Leza.

Yoane 14:21

“Wino wensi akapokelela masunde yane nu kuyayela, ala wene uwantemwa. Na wino wensi uwantemwa, wene alatemwikwa na Tata. Nani kwene ndamutemwa nu kuisokolola kunoli.”

Yoane 14:15

“Ndi mwantemwa mwayela masunde yane.

Mateo 10:37

Wino wensi uwatemwa isi na nyina kuluta nene wene ataine kuya mulondezi wane. Na wino wensi uwatemwa umwana umonsi nanti kaci kuluta nene, wene ataine kuya mulondezi wane.

Lwimbo lwakwe Solomoni 5:16

Imilomo yakwe ilyompe wene umusuma muli vyonsi. Vikwene avino umukundwe wane waya, cuza wane, mwe anaci amu Yelusalemu.

1 Kolinto 16:22

Muntu umwi ndi asyatemwa Mwene, Atipwe! Malanata! Mwene witu, iza!

Lwimbo lwakwe Solomoni 5:9

We, wemuno wayemba ukuluta anaci onsi, uzye pacani umukundwe wako waluta auze yonsi? We, wemuno wayemba ukuluta anaci yonsi, uzye pacani wemo watupeela ilamulo vivyo?

Lwimbo lwakwe Solomoni 1:7

Nena, we mukundwe wane. Uzye aukwi kuno umatungulula ufyo wako ku kucema? Uzye aukwi kuno ufyo wako umatulila umusanya pakasi? Uzye icani cino ningakulondela mu maufyo yakwe yakacema yauze?

Efeso 3:19

Endi! Nkupepa kuti mwensi mumanye kutemwa kwakwe Klistu nanti angala kwene kwayembesya cakuti kutangapimwa. Lyene umi winu ulazuziwa ni miyele yakwe Leza.