1 Petulo 1:17 - Amazwi Yakwe Leza 2013

¹⁷ Lino mukupepa mukaama Leza muti, “Tata.” Wene ataya na kasoozi. Lelo akapingula antu yonsi kulingana na vino cila muntu wacita. Acino lyene mwacindika Leza lino mucikweti umi muno nsi.

1 Petulo 1:17 交叉參考

2 Milandu 19:7

Acino muye antu ya coopo kuli Yawe. Mwasakamala imilimo inu pasi pano Yawe Leza witu asizumilizya ulufyengo nanti akasoozi nanti amafukakanwa.”

Mateo 6:9

Acino mwemo mwapepa mukuti, ‘Tata witu uwa mwiyulu, Izina lyako licindikwe,

Filipi 2:12

Caleka, mwe yakundwe yane, ndi vino mwayelanga nene lino nali pamwi namwe, lyene calondekwa ukuti ndakai lino nsi namwe mwayela kuluta. Twalililini kuomba mu coopo nu kuzakaza kuti mufikilizye ufyusi winu,

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

Ayebulai 12:28

Lekini tutaizye Leza ndakai, pano twapokelela uwene uno utangatensiwa. Lekini twataizya nu kupepa Leza umu nzila ino ingamuzanzya nu mucinzi ni coopo kunoli.

Efeso 1:17

nu kuuzya Leza wa Mwene witu Yesu Klistu, Tata uwa lulumbi, kuti amupeele Mupasi Wamuzilo. Wiyo alalenga kuti mwemo muye na mano nupya alasokolola Leza kunomuli, pakuti namwe mungamumanyikisya.

Galatiya 2:6

Lelo yao alolekanga kwati intunguluzi, nkulanda cii kunoyali pano kunondi ntasakamile vino yali. Leza asyapingula umuntu ku milolekele ya kunzi. Intunguluzi zizyo zitalunda cimwi cipya kwi Landwe.

Loma 11:20

Cii ica cumi. Yene yaputwilwe pano yatataile. Lelo mwemo muli mu cifulo caiko pano mwataila. Acino mutaitumika pali cii. Lelo muye ni ntete.

Mateo 22:16

Yatuma alondezi yao nga na antu yakwe Helodi kuli Yesu yamuzya yati, “Kasambilizya twamanya vino ukavwanga icumi. Lelo ukasambilizya Masunde yano Leza akalonda kuti antu yayela. Wemo usioopa umuntu nupya utaya na kasoozi.

Yelemiya 3:19

“Nene nenga ne Yawe nelenganya vino ningakwingizya mu lupwa lwa ana yane, nu kukupeela impanga ya luzango. Cico icisuma ukuluta ni mpanga zyonsi izyaya panonsi. Nelenginye ukuti uwangama wakwe so, nu kumfutatila utalamfutatila, utalata nu kundondela.

1 Petulo 2:11

Mwe yacuza yane, mwemwe enyi nupya mbutusi muno nsi. Acino nkumupapata kuti mutalondela nsuna zya mili, zino lyonsi zikalwisyanya nu mupasi winu.

Ayebulai 4:1

Ulayo wakwe Leza wakuti tulingila mu kupuza ucilipo. Lekini tucenjele kuti kutaya nanti umwi wino alaposiwa kwingila mu kupuza kuno Leza watulaya.

Kolose 3:25

Muntu wensi wino akacita viipe alavunukwa kulingana pa viipe vyakwe, pano Leza atakwata kasoozi.

Efeso 6:9

Namwe mwe asambazi, mwacita cili conga ku azya inu. Mutaezya kuyoofya. Iusyini ukuti mwemo na azya inu kwene, mwemwe antu ya Mwene ali umwi uwa mwiyulu, wino ataya na kasoozi pa kupingula umuntu.

Efeso 3:14

Caleka pali cii, mwi pepo nkafukama nkolelo yakwe Leza.

Mapinda 28:14

Wiyo akaopa Yawe insita zyonsi uwa longo. Lelo wiyo akaumalala umwenzo, alaponela umu ntazi.

Yobo 34:19

Wene nu kuntunguluzi kwene atakwata akasoozi, asipaatulula pakasi ka akama na apina, pano yonsi kwene, iviumbwa vya kumakasa yakwe.

1 Petulo 3:15

Lelo mukwatile Klistu coopo mu myenzo inu, nupya mwamucindika wa Mwene. Muye aiteyanya lyonsi pa kwasuka umuntu umwi uwamuzya pali vino mukapaalila.

2 Kolinto 5:6

Acino lyonsi twaya akomeleke! Lyonsi lino tuli mu mili ii, ala tuli kutali nu Mwene.

2 Kolinto 1:2

Leza Tata nu Mwene witu Yesu Klistu amupeele cikuku nu mutende.

Zefaniya 3:9

“Lyene ndasangulula amazwi ya antu amu mitundu yonsi, nga lyene yalapepa kuli ne Yawe nenga mpo nupya yatalapepa tuleza tuze lelo yalanjela.

Mapinda 14:16

Umuntu wa mano akaopa Yawe nu kufuntuka uku uyi, lelo iciwelewele cene cazenzemba nupya caitazyela.

Masamu 39:12

“We Yawe, uvwa ukwi pepo lyane, unguvwe nakuli vino nkukupapata, utasula sile lino nkukulaizya! Nemo nene mwenyi apa nsita sile inono ndi vino ni vikolwe vyane vyonsi vyali.

1 Milandu 29:15

We Yawe, umanyile ukuti mu umi witu tuli wa enyi na inamasi, ndi vino ivikolwe vitu vyali. Amanda itu akwikala pano nsi yali wa cinzingwa icikupita, nupya tutangutuka imfwa.

Malango 10:17

Acino lyene mumanye ndi vino Leza winu ali Leza uwaluta yaleza yonsi. Wene umukulu nupya uwamaka nu wakoofya, wino ataya na kasoozi nupya asizumila kutoola amafukakanwa.

Utandiko 47:9

Yakobo aasuka ati, “Indi ni myaka umwanda onga na makumi yatatu mu umi wa kululumba kwane. Imyaka yane ili inono nupya iya ucuzi, ino itangakolana ni myaka ya kululumba kwa vikolwe vyane.”

2 Kolinto 7:11

Mulole vino Leza wacita pa ulanda kwene uu, wamulenga kuya amukozya, nu kulenga musininkizye ukuti mwemwe yakaele, wamulenga kusoka, wamulenga kuvwa intete nu kulondesya kundola, wamulenga kuti muvunuke muntu pa kuluvyanya kwakwe. Vii vyonsi vikulanga paswe kuti mwemwe yakaele.

Masamu 89:26

Amangamanga ati, ‘Wewe uli Tata, nupya wewe uli Leza wane, Ciliwe icikantuula.’

Mateo 16:27

Pano Mwana wa Muntu aliiza pali pamwi na angeli yakwe mu lulumbi lwakwe Isi. Lyene alalambula nanti kuvunuka cila muntu kulingana ni vicitwa vyakwe.