1 Petulo 1:1 - Amazwi Yakwe Leza 2013

¹ Kalata kufuma kuli ne Petulo mutumwa wakwe Klistu Yesu. Nkulembela antu asololwe yakwe Leza, yano asalangana wa mbutusi mu miputule yonsi yamu Ponto, Galatiya, Kapadokiya, Asiya, nga nu mu Bitiniya.

1 Petulo 1:1 交叉參考

Yakobo 1:1

Kalata kufuma kuli ne Yakobo, muomvi wakwe Leza nu wa Mwene Yesu Klistu. Nkulamuka antu yakwe Leza yonsi mitundu ikumi na ili asalangana konsi mu nsi.

Ayebulai 11:13

Mu utailo amuno yaa yonsi yafwilile. Yene yatapokelile vintu vino Leza wayalavile. Lelo yavilolile kutali nu kuvizengela. Nupya yazumile paswe vino yali wa enyi nupya ainamasi muno nsi.

Efeso 2:19

Caleka mwe Akulukuwa mutacili ainamasi nanti aenyi. Lelo mwemwe akaya pamwi na antu yakwe Leza onsi, nupya mwaya vilundwa vyamu n'ganda yakwe Leza.

Masamu 44:11

Watuleka lyene yatukomola wa mfwele, lyene twatitusalanganila nu mu mpanga zyuze.

Milimo 8:4

Alondezi asalangine yaile konsi ala yakukosola Ilandwe Lisuma.

Yoane 11:52

Asi pamulandu wakufwila sile Ayuda, lelo kuti akonganike na antu yakwe Leza yonsi yano asalangana konsi.

Mateo 24:22

Lelo Leza ndi atacefizye manda yalya, kusi nanti umwi angatuulwa. Na pamulandu wa asololwe yakwe, Leza alacefya manda yalya.

1 Petulo 2:11

Mwe yacuza yane, mwemwe enyi nupya mbutusi muno nsi. Acino nkumupapata kuti mutalondela nsuna zya mili, zino lyonsi zikalwisyanya nu mupasi winu.

Esita 3:8

Lyene Hamani anena umwene Aasuwelo ati, “Umu antu ni mitundu ino ukateeka, mwaya mwenemo umutundu onga uno wasasantika monsi monsi umu mpanga yako yonsi. Umutundu uo wene waipaatula nu kukana londela masunde yako yano ukupeela uku antu yako. Amasunde yao yene yapusana na masunde ya antu amu mpanga ino wemo ukateeka. Caleka fwandi musambazi, ntanzi ndi cakuti wemo ungayazumilizya.

Malango 28:64

“Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.

Malango 4:27

Yawe alamusalanganyizizya mu nko zyuze, kuko kuno yanono sile amunomuli yalapusuka.

2 Petulo 1:1

Kalata kufuma kuli ne Simoni Petulo, muomvi nupya mutumwa wakwe Yesu Klistu. Kuli yao yano uwololoke wakwe Leza nupya Katuula witu Yesu Klistu walenga kuti yene pamwi naswe tupelwe utailo ucindame.

Efeso 2:12

Mu nsita ilya mwemo mwali mutali mumanye vyapali Klistu. Mwemo mwali ainamasi pakasi ka ina Izlaeli, nupya mutali antu asololwe yakwe Leza. Mutakweti mbali imwi mu vipangano vino vimikwe pa malayo yakwe Leza ku antu yakwe. Nupya mwatenzi munonsi kwaula upaalilo nanti Leza.

2 Kolinto 1:8

Inane tukulonda kumwiusya pamulandu wa ntazi zino twakweti mu muputule wa mpanga ya Asia. Ucuzi ukulu cuze cakuti twasumvile nu upaalilo witu onsi uwakuya aumi.

Milimo 18:2

Kuku aya azanako Muyuda wino izina lyakwe a Akwila uwavyalilwe mu Ponto ala wacifuma ku Italya nu muci wakwe Pulisila. Yafumileko lino Kalaudio kateeka waku Loma umile imbila kuti Ayuda yonsi yafume mu Loma. Paulo apita ukuya yalola,

Ezekelo 6:8

“Yamwi ndaleka yakapusukepo, nu kusansantikila mu mitundu yuze.

Umbwilo 1:11

Lyene liti “Lemba vino walola nu kutuma lupapulo ku mauvi amu misumba cinimbali, ku Efeso, ku Similina, ku Pegamu, ku Tiatila, ku Sadisi, ku Filadefia, nu ku Lodesiya.”

2 Timoti 1:15

Wamanya ukuti cila muntu mu muputule wa mpanga ya Asiya wansoloka, maka maka Figelo na Hemogenesi.

Galatiya 1:2

Aina itu yonsi ali kuno yatuma ulau wao ku mauvi amu Galatiya.

1 Kolinto 16:19

Mauvi amu muputule wa mpanga ya Asia yamulamuka. Akwila na Pulisila pamwi na amwi uvi lino likakongana pamwi nao mu ng'anda yao nao kwene yamulamuka mwi zina lya Mwene.

Milimo 19:10

Wacitanga vikwene kufika na pa myaka iili, na antu yonsi atenzi mu muputule wa mpanga ya Asiya, Ayuda na Akulukuwa kwene, yuvwile izwi lya Mwene.

Milimo 18:23

Pacisila ca kwikala kweneko pa nsita imwi, afumako, aya ku mpanga ya Galatiya nga na Fulugiya. Ala akukomelezya yonsi ataile.

Milimo 6:9

Lelo antu yamwi yamukatukila, yali amu Ng'anda yamapepo ino yatangi ya antu akululwa. Antu yaa yafumile ku Kuleni nu ku Alekizandilya. Yene pamwi na Ayuda yauze afumile ku Kilikya nu ku Asiya yatandike kupazyanya na Sitivini.

Yoane 7:35

Alino intunguluzi zya Ciyuda izyuzyanya ziti, “Uzye umuntu wii alaya kwi, kuno tutalamuzana? Uzye alaya ku misumba yaku Akulukuwa kuno antu itu yamwi yakaikala, kuti akasambilizye Akulukuwa?

Mateo 10:2

Yaa, ali mazina ya atumwa ikumi na yaili: Wakwe conga, Simoni, (wino izina lyakwe a Petulo), na Andeleya mwina wakwe. Yakobo mwana Zebedi na Yoane mwina wakwe.

Mateo 4:18

Lino Yesu wapitanga mu nkumba yakwe yemba wa Galile, alola aina yaili, Simoni wino yatangi Petulo, na Andeleya mwina wakwe ala yali ni sumbo yakuvuwa muli yemba, pano yali alondo.

Aina Levi 26:33

Ndalenga inkondo ukuya panomuli kuti musalangane mu mpanga zya inamasi. Mpanga inu ilasyala iyaulamo antu, nupya imisumba inu ilasyala matongwa.

Malango 32:26

Yonsi pyu ngani nayalovya, pakuti kutakaye nanti umwi uwa kuiusya.

Luka 18:7

Uzye Leza atangaputwila asololwe yakwe milandu ningo, yano akamulilila umusanya nu usiku? Uzye wene alayatazyela?