6 Ntakupeela ilamulo kunomuli lino nkumunena cii, lelo nkumuzumilizya sile.
Nemo nsyakupeela ilamulo lili lyonsi. Lelo apa kumulanga vino antu yauze yakalondesya kwazwa, nkwezya kumanya kutemwa kuno mwakwata ndu kwa cumi.
Pali vino mwalemvile pamulandu wa antu atatwala, nemo ntakweti lamulo kufuma ku Mwene. Lelo nkupeela langulusi lyane wakwe umwi wino angatailwa pano Mwene waya na mizu kunondi.
Yauze nao nkuyanena vii (Nemwisikulu, asi Mwene awe), ndi cakuti umwina Klistu umonsi wakwata muci atataila, nga muci nawe wazumila kwikala nawe, wene atalinzile kumuta.
Vino nkuvwanga asi vino Mwene angatemwa kuti mvwange, lelo mu vintu vino nkuitumika nkuvwanga wa muntu mutumpe.
Ku antu atwalana nkweti lamulo lyakuyapa. Asi lamulo lyane, lelo lyafuma ku Mwene lyakuti muci atalinzile kutaana niya wakwe.
Nanti cingaya vivyo, mwanaci wiyo angaya ni nsansa kuluta ndi cakuti wikala kwaula kutwalwa. Lii, lili langulusi lyane, nupya nani kwene nkwelenganya vino nkweti Mupasi Wamuzilo.
