1 Kolinto 5:10 - Amazwi Yakwe Leza 2013

¹⁰ Lelo ntamunenyile kuntaya mu utandano na antu yonsi amuno nsi, yano akacita ulenzyo nanti lwiswa nanti aivi nanti yakapepa ya tuluwi. Kufumako ku antu yaa, suka mwafutata nu kufuma muno nsi.

1 Kolinto 5:10 交叉參考

1 Kolinto 10:27

Ndi cakuti umuntu umwi wino atataila watamwimula, wamwama ku kulya vyakulya nga namwe mwazumila kuya kweneko, lyene yangini mukalye vino watamwimula, kwaula kuuzya iuzyo nanti lyonga, pakuti mutasakamika imyenzo inu nupya pamulandu nu kukowela.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

1 Yoane 5:19

Twamanya ukuti sweswe yakwe Leza nanti angala insi yonsi ili pisika lya utesi wa Mwipe wilya.

1 Yoane 4:5

Yakasema yaufi yene yakalanda pa vintu vyamu nsi nga na antu amu nsi yakayuvwa pano yene amu nsi.

Filipi 2:15

pakuti muye akaele, ana yakwe Leza aswepe nupya afumaluke, yano akaikala mu nsi ikowele nupya pakasi kakwe yakaifya. Mulinzile kuyengesa munoyali wa ntanda zino zikupeela luswepo mupela mwiyulu,

Efeso 2:2

Mwemo mwalondelile misango iipe iya muno nsi. Mwayelanga wino akateeka insi, nupya wakwata maka pa muntu wensi wino asyayela Leza.

2 Kolinto 4:4

Yene yatataila, pano Satana wino ali leza uwa nsi ii, walesyanya kuti yatalola luswepo ululi Ilandwe Lisuma lya pali Klistu uwa lulumbi.

1 Kolinto 1:20

Caleka, uzye lyene yalikwi antu yamano? Nanti nkonkotela zyakwe yakasambilizya ya Masunde? Nanti yao akaitumika mu kwasuka mauzyo ya muno nsi? Leza walanga vino mano amuno nsi yene uwelewele!

Yoane 8:23

Alino Yesu ayanena ati, “Mwemo mwafuma muno nsi, lelo nemo nafuma kwiyulu kupela. Mwemo mwemwe antu amuno nsi, nemo nsi wamuno nsi.

1 Yoane 4:7

Mwe yacuza akundwe, lekini twatemwana pano ukutemwa kukafuma kuli Leza. Wino wensi akatemwa auze wene umwana wakwe Leza nupya wene wamanya Leza.

Yoane 17:9

“Nayapepela, nsyakupepela amu nsi, lelo nkupepela yao yano wampile, pano yene akwako.

Yoane 17:6

“Nati ndenga kuti antu yano wampile kufuma mu nsi yakumanye. Yene yali akwako, nga nawe wayampile. Yene yakayela mazwi yako,

Yoane 15:19

Ndi mwemo muya amu nsi, nga amu nsi yamutemwa wa antu yao. Lelo mwemo namusolwile kufuma mu nsi ii. Mwemo musi amu nsi, caleka amu nsi yamupata.

Luka 18:11

Mufaliseo aimilila apepa mu mwenzo wakwe ati, ‘Nakutaizya, we Leza, pano nemo ntakolana na antu yauze ali wa antu alwiswa, aucenjezi, akalongozya nanti yao ali wakwe kasonkisya kwene wii.

1 Kolinto 5:9

Muli kalata wino nalemvile kunomuli namunenyile kuntaya mu utandano na antu yano yakacita ulenzyo.

1 Kolinto 5:11

Nkusenula ukuti mutalinzile kuya mu utandano nu muntu akaitaka vino wene umwina winu, lino wene akacita ulenzyo, nanti uwa lwiswa, nanti akapepa tuluwi, nanti uwa ntumpu, nanti umukolesi, nanti umwivi. Mutaikala pansi nu kulya pamwi nu muntu wa musango uu.