1 Kolinto 4:5 - Amazwi Yakwe Leza 2013

⁵ Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

1 Kolinto 4:5 交叉參考

Yakobo 5:7

Inane, lyene tekini myenzo kufika lino Umwene aliiza. Lolini vino mulimi akateeka mwenzo lino acili akulolela kuti vilimwa vya mpomvu vice mu calo cakwe. Wene akalolela nu kuteeka mwenzo kuti vipokelele mvula ya pa miundo ni yamu koolo.

2 Kolinto 5:10

Pano swensi kwene tulimilila nkolelo yakwe Klistu, kuti atupingule. Cila muntu alapokelela viine ni milimo ino wacita muno nsi, iipe nanti isuma.

1 Kolinto 3:13

Lelo umpomvu wa mulimo wakwe cila muntu ulaloleka lino Wanda wakwe Klistu ulausokolola. Pano pa Wanda ulya umoto uno Leza alatuma ulezya mulimo uo nu kulanga umpomvu wakweo vino uli.

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

2 Kolinto 10:18

Pano asi muntu wino akaitasya umwisikulu angazumiliziwa, lelo suka wino Mwene watasya.

Loma 2:16

Acino kulingana ni Landwe Lisuma lino nkakosola, avino cilaya na pa Wanda uno Leza alapingula antu kupitila muli Klistu Yesu pa vya nkama vyamu myenzo yao.

Loma 2:1

We muntu we muno ukapingula auzo, utangaleuka mulandu. Pano ndu kupingula auzo lino nawe ukacita viipe ala nawe ukuivunuka wemwisikulu.

Umbwilo 20:12

Nga ndola afwe akulu na anono kwene, ala yaimi nkolelo ya cilimba ca wene. Alino mpapulo zikupulwa, nga lyene lupapulo na luze lukupulwa. Luu luli lupapulo lwa antu aumi. Afwe yapingulwa kulingana ni vintu vino yacisile ndi vino vyalembwa mu mpapulo.

Kasambilizya 12:14

Endi, Leza alatupingula pa vintu vyonsi vino tukacita, cisi cimwi viye ivisuma nanti iviipe, nanti ivintu ivyacitwa mu nkama.

1 Petulo 1:7

Mulimo wa kweziwa ukusininkizya cumi ca utailo winu. Wakwe vino zaabu, wino akaononeka, yakamwezya pa kumoca mu moto kuti yalole ndi umukome, avino nu utailo winu uno waluta pali zaabu ndi waposya mukweziwa, lyene mulatasiwa nu kupelwa lulumbi nu mucinzi pa wanda uno Yesu Klistu alasokololwa.

Loma 2:29

Lelo Muyuda inkonko umuntu uwaya Muyuda mu mwenzo wakwe, wino mwenzo wakwe wasilamulwa. Kuu, kuli kuomba kwakwe Mupasi Wamuzilo, asi kuomba kwa Masunde yano yalembwa. Umuntu wa musango uu, asi antu akamutasya, lelo Leza akamutasya.

2 Kolinto 4:2

Swemo tusyacita vintu vya nsonyi vino vikacitwa mu nkama. Caleka tusyacita vya usomvi nanti kupililika Ilandwe lyakwe Leza. Leza ali kambone witu ukuti vino tukulanda vyene ivya cumi. Caleka antu yauze muli yakampingu yao yangasininkizya ukuti sweswe yakutailwa.

Loma 14:4

Uzye wewe weni uwakupingula muomvi wa muntu umwi? Musambazi wakwe aliwe alinzile kulola ndi akuomba ningo nanti akuposiwa. Wene alaomba ningo, pano Mwene waya na maka akuti aleke aombe ningo.

Yoane 5:44

Uzye mungantaila uli, mwe muno mukacindikana mweisikulu, lelo mucinzi uno wafuma kuli Leza wenga, musyakuulonda?

Yakobo 4:11

Mutapelana milandu, inane. Wino wensi akapeela mwina Klistu muze mulandu nanti kumupingula, ala wene akusula masunde nu kwezya kuyapingula.

Luka 6:37

“Mutapingula auzo, nga Leza nawe atalamupingula. Mutavunuka auzo, Leza nawe atalamuvunuka. Mwaelela auzo, namwe Leza alamwelela.

Mateo 24:46

Walongo umuomvi wiyo wino mwene wakwe alazana akucita wakwe vii lino aliza.

Umbwilo 1:7

Lolini, wene akwiza mu makumbi! Antu yonsi yalamulola, pamwi na yao kwene amutosile mu mbazo. Antu yonsi pano nsi yalalosya pamulandu na aliwe. Vii avino cilaya.

1 Petulo 5:4

Lyene lino Klistu, Kacema mukalamba aliiza, mwemo mulapelwa ingala ya lulumbi ino italatala iponzye kuyemba kwakweyo.

1 Tesalonika 5:2

Mweisikulu mwamanya ningo ukuti Wanda lino Mwene aliza ulaya kwati kwiza kwa mwivi usiku.

Yoane 21:22

Yesu amwaasuka ati, “Ndi nkasi kuti alali kufika na lino ndiza, uzye cikupazi? Wemo ndondela.”

2 Petulo 3:4

nga nu kuuzya yati, “Uzye wene atalavile ukuti aliiza? Uzye ali kwi? Vikolwe vitu vyafwa mpiti, lelo vintu vyonsi vicili vili vimwi ndi vino vyali kufuma lino Leza waumvile insi!”

Mateo 25:23

Mwene wakwe nawe amunena ati, ‘Wacita ningo we muomvi musuma nupya uwakutailwa! Wali uwakutailwa pa vintu vinono. Caleka namakucita kangalila pa vintu vingi. Iza uzange pamwi nani!’

Malaki 3:18

Nupya kwene antu yane yalalola upusano uwaya pakasi ka antu akacita vyaololoke na yakaifya, pakasi ka antu akatumikila Yawe na yayo asimutumikila.”

Yuda 1:14

Enoki, cikolwe calenga cinimbali kufuma pali Adamu, awino apa mpiti wasowile pamulandu wao ati, “Cumi Mwene aliza pali pamwi na angeli yakwe amuzilo mazimbi na mazimbi.

2 Petulo 3:12

lino mucili lolela Wanda wa Mwene. Acino citini consi cino mungacita kuti wanda uwo wize zuwa. Lilyo alino mayulu yalononwa nu moto, nga ni vyaya mwenemo vilasunguluka nu moto.

1 Kolinto 15:23

Lelo cila muntu alazyukuka pa nsita yakwe. Klistu uwali uwankolelo kuzyukuka, nga antu yakwe nao yalazyukuka lino alawela.

1 Kolinto 11:26

Cii cikusenula ukuti lyonsi lino mwalya umukate uu nga nu kumwa mu lwako luu ala mukulanda imfwa ya Mwene kufika lino aliza.

1 Kolinto 1:7

cakuti kusi uwila nanti onga uwa mupasi uno mulilwa, lino mucili mukulolela Mwene witu Yesu Klistu kuti asokololwe.

Loma 2:7

Antu aya nu mute wakucita visuma, ayano Leza alapeela umi wape umwaya lulumbi nu mucinzi.

Mateo 24:30

Pa nsita ilya, cilangililo ca Mwana wa Muntu cilaloleka mwiyulu. Na antu amu nko zyonsi mu nsi yalalosya lino yalalola Mwana wa Muntu akwiza mu makumbi na maka nu lulumbi lukulu.

Kasambilizya 11:9

Mwe ance, mwailyokezya mu wance winu. Mwasansamuka apa nsita ino mucili mwemwe yance. Mwacita vino imyenzo inu ikulonda na vino amanso inu yakukumbwa. Lelo mwaiusya ukuti Leza alamupingula pali vyonsi vino mukucita.

1 Kolinto 3:8

Pasi kupusana pa muntu akata imbezu nga na wino akazikontelela manzi. Leza alalambula cila wenga uwa munotuli kulingana ni milimo ino waomba.

Mateo 25:21

Mwene wakwe nawe amunena ati, ‘Wacita ningo we muomvi musuma nupya uwakutailwa! Wali uwakutailwa pa vintu vinono. Caleka namakucita kangalila pa vintu vingi. Iza uzange pamwi nani!’

Yobo 12:22

Aliwe akasokolola apaswe ivicitwa vyamu mfinzi, nu kuleka umufitisye fii muswepe swee.

Yelemiya 16:17

Amanso yane yakaceceta vyonsi vino yakacita. Kusi nanti conga cino cafisama kunondi. Amaifyo yao yatange yutuke ku mulola wane.

Yelemiya 23:25

Yawe akuti, “Nuvwa mpiti vino yakasema yalya yakalanda, yayo akasemela mwi zina lyane. Cila wenga akati, ‘Nindota iciloto! Nindota iciloto!’

Oseya 8:13

Yene yakapela impolelwa zya nyama kunondi nga yazilya, lelo ne Yawe nsizangila muno zili. Ndayaswilizya umu uzya ku Eguputo.

Mateo 10:26

“Caleka mutaoopa antu. Kusi cimwi icafisama icitalasokololwa paswe, nanti cimwi cino icafiswa icitalaumbulwa.

Yoane 21:23

Caleka mpwelo isalangana konsi mu alondezi yakwe Yesu ukuti wii wene atalafwa. Lelo Yesu atavwanzile vino wii wene atalafwa. Wene wavwanzile ati, “Ndi nkasi kuti alali kufika na lino ndiza, uzye cikupazi?”

1 Kolinto 3:14

Ndi cico icakuzilwe pa mufula citalapya mu moto, ale lyene kakuula wakweco alapokelela cilambu.

1 Kolinto 11:16

Lelo ndu muntu ali wensi akulonda kupazyanya pamulandu wakwe cii, ale cino nemo ningalanda cakuti swemo nanti mauvi yakwe Leza tutakweti lutambi luze lwa mipepele.

Yakobo 5:9

Inane, mutailizyanya wenga pa muze pakuti Leza atace amupingule. Kapingula watapalama, nupya ali pipi nu kuloleka.

Mapinda 12:8

Umuntu yakamutaizya pamulandu na mano yakwe, lelo uwa mwenzo waciwelewele wene akazewana.

2 Kolinto 10:9

Nupya ntakumulembela makalata pakuti moofye.