1 Kolinto 4:4 - Amazwi Yakwe Leza 2013

⁴ Mumwenzo wane muli cumi, lelo cii cisyakusininkizya ukuti nene wakaele. Mwene aliwe akampingula.

1 Kolinto 4:4 交叉參考

Masamu 143:2

Utanjika ne muzya wako umu mezyo, pano kutaya nanti wenga apa apuma, uwakaele kunuli.

Masamu 130:3

We Yawe, ndi cakuti wasunzile ivyalembwa apa maifyo itu, we Mwene uzye lyene aweni angapusuka?

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

Mapinda 21:2

Nanti angala umuntu akuitunga ukulungamika lyonsi, lelo Yawe aliwe akalengulula ivili umu mwenzo wakwe.

Masamu 19:12

Kusi umwi angailolela ukuluvyanya kwakwe. Fwandi ungala umfule uyi wane uno wafisama!

2 Kolinto 5:10

Pano swensi kwene tulimilila nkolelo yakwe Klistu, kuti atupingule. Cila muntu alapokelela viine ni milimo ino wacita muno nsi, iipe nanti isuma.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

Loma 2:13

Pano kusi uku kuvwa sile Masunde ukukalenga kuti antu yaye aololoke pa manso yakwe Leza, lelo ukukucita vino Masunde yataka ukukalenga.

Yobo 40:4

“Amazwi yano natimvwanga, akuzaila sile we Leza. Uzye fwandi ivyani vino nemo ningavwanga? Nemo ningika sile ulupi lwane apa mulomo, ulupi lwane apa kanwa, casila.

Yobo 27:6

Ntalata ukulanda ukuti nemo nkacita vyaololoke, nu kuta intalatala inte ukucita vivyo, awe. Pasi pano kampingu wane asikunenola.’

Yobo 25:4

Uzye kwaya umuntu akacita vyaololoke pa manso yakwe Leza? Uzye umuntu uwavyalwa ku mwanaci angaya uli uwaula imifitalila?

Milimo 23:1

Paulo alolekesya amwi Tengo avwanga ati, “Inane, nemo na ndakai mu umi wane nati ntumikila Leza na kampingu musuma.”

Yoane 21:17

Yesu amuuzya iila lyakwe citatu ati, “We Simoni mwana wakwe Yoane, uzye wantemwa?” Petulo auvwa ulanda pano Yesu wamuzya iila lyakwe citatu ati, “Uzye wantemwa?” Alino Petulo amunena ati, “Mwene wamanya vintu vyonsi. Wamanya vino nakutemwa!” Alino Yesu amunena ati, “Uwalisya mfwele zyane.

Yobo 15:14

“Uzye kwene umuntu uwala wavyalwa uku mwanaci nawe waya umufumaluke? Uzye kungaya akacita vyaololoke lyonsi kuno ali?

Yobo 9:20

Nemo nanti sile ningaya uwakaele, lelo imivwangile yane kwene iliyo ingaya ikansinile ukuti indi nu mulandu. Nanti ningaya uwaula umulandu, imivwangile yane ingampela umulandu.

Loma 4:2

Abulaamu ndi wacisilwe kuya mololoke pa manso yakwe Leza pamulandu wa milimo ino wacitanga, ale angakwata cino angailumbilapo. Lelo atangailumba pa manso yakwe Leza.

Masamu 50:6

Amayulu yakalaizya ulungami wakwe Leza pano aliwe kwene, ali kapingula!

Masamu 26:12

Nene mucingililwe ku uzanzo onsi, nu mu ukongano wa antu yakwe namalumbanyanga Yawe.

Mapinda 29:26

Antu avule yakalonda sile ukutemwikwa kuli yakateeka. Lelo insambu zyakwe cila muntu zikafuma kuli Yawe.

1 Kolinto 4:3

Ndakai cisi cimwi ndi napingulwa namwe nanti cilye ca milandu. Nanti nemwisikulu nsyaipingula.