1 Kolinto 4:12 - Amazwi Yakwe Leza 2013

¹² Tukavuneka ni milimo ikome kuti tuilisye. Lino antu yatutipwila, swemo tukalenga Leza kuti ayapolelele. Lino antu yatuzunya, swemo tukaposya.

1 Kolinto 4:12 交叉參考

1 Petulo 3:9

Mutawezezyanya viipe nanti ntipu. Lelo ndi umwi wamucitila ciipe, mwemo mumupolelele. Pano kupolelelwa akuno Leza wamulavile lino wamusolwile.

Mateo 5:11

“Alongo amwemwe ndi antu yamutuka, yamuzunya, nu kumutumpwila vintu vyonsi viipe pamulandu wane.

Loma 12:14

Pepini kuli Leza kuti apolelele yao akumuzunya. Endi, pepini kunoli kuti atayatipwila, lelo ayapolelele.

Loma 12:20

Lelo mu cifulo cakwe cico, ndi vino calembwa mu malembelo cati, “Mwanisi wako ndi uvwa inzala, mwimule. Ndi uvwa lusala, mupele manzi akumwa. Pano lino wacita vivyo ale wamulenga kuya ni nsonyi.”

Milimo 18:3

aya aikala nao yaombela pamwi pano imilimo yao yali ikolane na yakwe Paulo. Yene yali yakasuma ya mataalu.

Luka 6:28

Polelelini yano akumutipwila nupya pepelini yano akumucuzya.

1 Petulo 3:14

Lelo muli nu longo nanti mungacula pamulandu wakucita visuma! Mutoopa umuntu umwi, nupya mutasakamikwa.

1 Petulo 2:23

Na lino yamutusile, wene atavwanzile vya cilanduzi. Lelo wene wapaalilanga muli Leza, kapingula uwaula lufyengo.

Luka 23:34

Lyene Yesu avwanga ati, “Tata, uyelele, pano yatamanyile cino yakucita.” Lyene pakwankana vizwalo vyakwe yapendola.

Mateo 5:44

Lelo nemo namunena nati, temwini anisi inu, pepelini yano akamuzunya,

Milimo 7:60

Alino afukama pansi asazinka izwi likulu ati, “Mwene! Utayapeela mulandu pi ifyo lii.” Walanga wavwanga vii, afwa.

Yoane 15:20

Iusyini vino namunenyile inti, ‘Kusi muomvi alusile mwene wakwe.’ Ndi yanzunyizye, namwe kwene yalamuzunya. Ndi yayelanga mazwi yane, yalayela na mazwi inu kwene.

Yuda 1:9

Nanti Mikaeli kwene mungeli mukulu atacisile cii lino walemanile na Ciwa pa kulola wino angatola cala cakwe Mose. Mikaeli atavwanzile izwi nanti lyonga lya miponto. Wene wavwanzile sile ati, “Mwene akukalipile!”

1 Timoti 4:10

Acino swemo tukalwisya nu kuombesya, nu kwezya kucimvya pamulandu wakuti twika upaalilo witu muli Leza wa cumi. Wene ali Katuula wakwe onsi, maka maka yao yonsi ataila.

2 Tesalonika 3:8

Tutalyanga cakulya caula kukala kufuma ku muntu ali wensi. Lelo twaombanga cuze nupya twatwalilile kuomba musanya nu usiku kuti tutaya wa cisendo kuli wensi uwa munomuli.

1 Tesalonika 2:9

Mwe ina itu akundwe, cumi kwene mukwiusya ntazi zitu lino twaombanga munomuli. Mukwiusya vino twaomvile musanya nu usiku kulonda vyakutwazwa kuti tutaya wa cisendo kunomuli, lino tukukosola Ilandwe Lisuma kunomuli lyakufuma kuli Leza.

1 Kolinto 9:6

Uzye nene pamwi na Banaba tutangalya uwila suka tutale tuombe pa kuzana vino tukalonda?

Milimo 20:34

Mweisikulu mwamanya vino nemo naombanga na makasa yane apa kuzana vyonsi vino nene na anji twalondanga.

1 Petulo 4:19

Acino, yao akucula pamulandu wa kulonda kwakwe Leza, yene yalinzile kucita visuma nu kutaila Kaumba wino waya uwakutailwa.

Loma 8:35

Uzye lyene aweni angatupaatukanya ku kutemwa kwakwe Klistu? Uzye utazi, nanti ucuzi nanti ukuzunyiwa, nanti icipowe, nanti kuulizya? Uzye amazanzo nanti imfwa?

2 Kolinto 11:8

Cali ngati ukwiila mauvi yauze pa kuzumila kulipilwa nayo lino nkuombela mwemwe.

Efeso 4:28

Muntu wino wiyanga alinzile kuta kwiya, nga atandike kuomba kwaula usomvi kuti azanilemo uwikazi nga nu kwankanya kweneko apina.