1 Kolinto 4:1 - Amazwi Yakwe Leza 2013

¹ Mwatulola wa yaomvi yakwe Klistu yano apelwa mulimo wakwangalila vya nkama vyakwe Leza.

1 Kolinto 4:1 交叉參考

1 Petulo 4:10

Cila muntu akangalila wa wila pa mawila apusane kufuma kuli Leza. Acino umwangalizi musuma alinzile kuomvya uwila uiyele mu kwazwa antu yauze.

Tito 1:7

Wikolo wino akatungulula iuvi wene akaangalila mulimo wakwe Leza. Caleka wene atalinzile kuya uwa mpwelo mbi. Wene atalinzile kuya akaitumika nanti musepukilwe, nanti mukolesi nanti uwalwete nanti uwalwiswa lwa mpiya.

1 Timoti 3:9

Yene yalinzile kukwata mano asuma nga nu kwemelela kuli vino Leza watusokolwela vya pa utailo witu.

2 Kolinto 4:5

Kukosola kwitu kusi kwa pali sweswe, lelo tukakosola Ilandwe ukuti Klistu u Mwene. Naswe sweswe yaomvi inu sile pamulandu wakwe Klistu Yesu.

Efeso 6:19

Nani kwene mwampepelako kuti Leza ampeele Landwe navwanga nu kupama apa kuleka kuti nkama i Landwe Lisuma imanyikwe.

Kolose 2:2

Nkucita cii kuti nkomelezye myenzo yao yalundana pamwi mu kutemwa, yene yalapolelelwa pa kupelwa kumanyikisya. Alino yalamanya Klistu ningo.

Loma 16:25

Ka twalumbanya Leza! Wene ali na maka yakumukomya mu utailo winu kulingana ni Landwe Lisuma lino nkakosola pamulandu wakwe Yesu Klistu nga nu kulingana nu kusokoloka kwa nkama ya cumi icali icifiswe kufuma ku mikulo yampiti na mpiti.

Kolose 4:3

Pa nsita ili imwi kwene naswe kwene mwatupepelako, pakuti Leza atupeele kasita kasuma aka kukosola ilandwe lyakwe ilya nkama yakwe Klistu. Pano uli mulandu uno nemo ndakai nayalilwa mu ng'anda yaminyololo.

Efeso 1:9

nga kupitila muli vino Klistu wacita, Leza watulanga mapange yakwe ankama.

2 Kolinto 12:6

Ndi nalondanga kuitumika, ntangaya mutumpe, pano ale nemo nkulanda cumi. Lelo nemo ntalezya kuitumika, pano ntakulonda muntu nanti umwi anjelenganya kuluta pa cipimo ca vintu vino mwalola nkucita nu kuvwanga.

2 Kolinto 11:23

Uzye yene aomvi yakwe Klistu? Nemo nkuvwanga wakwe cipena, lelo nemo nene muomvi wino alusile yaya. Naombesya kuluta alio, nupya nayalilwe mu ng'anda ya minyololo maila aingi kuluta alio. Nanyambozilwe maila aingi kuluta alio nga lyonsi nali mu uzanzo wa kufwa.

Luka 12:42

Mwene nawe amwaasuka ati, “Uzye lyene, muomvi mutailwe nu wamano aweni? Awiyo wino mwene alamucita kangalila, uwakulolela ing'anda nu kupeela aomvi yauze vyakulya vyao pa nsita ilinge.

Mateo 24:45

“Uzye lyene, muomvi mutailwe nu wamano aweni? Awiyo wino mwene wakwe wamucita kangalila uwakulolela aomvi amu ng'anda yakwe, nu kuyapela vyakulya vyao pa nsita ilinge.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

1 Timoti 3:6

Wene alinzile kuya umuntu uwalengela mu utailo, pakuti ataitumika aye ni cilumba nu kuvunukwa ndi vino cacitikile Ciwa.

2 Kolinto 6:4

Lelo mu vintu vyonsi vino tukacita tukalanga ukuti mu cumi sweswe aomvi yakwe Leza. Lyonsi tukateeka myenzo nu kuzizimizya nanti tukweti intazi zingi, ucuzi nga nu kutitikiziwa.

1 Kolinto 4:13

Lino antu yatutuka, swemo tukaasuka na mazwi ya mutembo. Ndakai antu yakatulola wa vikona vyamu nsi, nga nu kuti sweswe yaipe cuze mu antu yonsi amu nsi!

1 Kolinto 3:5

Uzye Apolo aweni? Uzye Paulo aweni? Sweswe aomvi sile yakwe Leza, yao amwazwilizye kuti mutaile. Cila wenga uwa munotuli akaomba mulimo uno Leza wamupile kuti acita.

1 Kolinto 2:7

Mano yano nkukosola ankama ya mano yakwe Leza, yano afiswa ku mitundu ya antu onsi. Lino Leza atali aumbe insi ii, wene wateinye mano kwene yaa kuti yaye akutupela lulumbi.

Mako 4:11

Yesu nawe ayanena ati, “Mwemo mwapelwa amano ya kumanya nkama zya Wene wakwe Leza. Lelo yano asyala yene yakauvwila mu milumbe,

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

Luka 8:10

Yesu nawe ayanena ati, “Mwemo mwapelwa amano ya kumanya nkama zya Wene wakwe Leza. Lelo yano asyala yene yakauvwila mu milumbe, pakuti, yangalola lelo yatangailuke nu kuvwa yanguvwa lelo yatangamanya ningo.

Luka 1:2

Antu yaa yalemba vino tuvwile kuli yakambone aviweni kufuma ku utandiko, yano ali yakakosola.

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

1 Kolinto 4:2

Cintu conga cino cikalondekwa ku muomvi cakuti alinzile kuya uwakutailwa kuli wino akatumikila.