1 Kolinto 14:2 - Amazwi Yakwe Leza 2013

² Umuntu wino akalandila mu ndimi zitamanyika wene asyalanda ku antu yauze, lelo akalanda kuli Leza pano kusi umwi akamanya vino wene akalanda. Wene akalanda inkama zino Mupasi Wamuzilo sile angamanya.

1 Kolinto 14:2 交叉參考

Mako 16:17

Alino vilangililo vii vilaya na yano ataila. Mwi zina lyane yalafumya mipasi yankota, yalavwanga mu ndimi zyuze,

Milimo 19:6

Paulo aika makasa yakwe panoyali, na Mupasi Wamuzilo aikila panoyali, nao yavwangila mu ndimi zipusanepusane nu kukosola ilandwe lyakwe Leza.

Milimo 10:46

Pano yuvwa yakuvwangila mu ndimi zya misango yuze ala yakulumbanya ukulu wakwe Leza. Petulo avwanga ati,

1 Kolinto 13:2

Ningakwata uwila wa kusema, ningakwata kumanya konsi nga nu kumanyikisya nkama zyonsi. Ningakwata utailo ukulu ukalondekwa pakuti nsezye myamba. Lelo ndi ntakweti kutemwa, ale pasi vino indi.

1 Kolinto 2:10

Lelo Leza wasokolola nkama yakwe kunotuli kupitila muli Mupasi Wamuzilo. Mupasi Wamuzilo wamanya vyonsi, vizike vya mapange yakwe Leza.

Umbwilo 10:7

Lelo lino mungeli uwalenga cinimbali alalizya ntandala yakwe, lyene Leza alafikilizya kuteyanya kwakwe ukwa nkama, ndi vino walavile kuli yakasema aomvi yakwe.”

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

1 Timoti 3:9

Yene yalinzile kukwata mano asuma nga nu kwemelela kuli vino Leza watusokolwela vya pa utailo witu.

Kolose 2:2

Nkucita cii kuti nkomelezye myenzo yao yalundana pamwi mu kutemwa, yene yalapolelelwa pa kupelwa kumanyikisya. Alino yalamanya Klistu ningo.

Efeso 6:19

Nani kwene mwampepelako kuti Leza ampeele Landwe navwanga nu kupama apa kuleka kuti nkama i Landwe Lisuma imanyikwe.

1 Kolinto 15:51

Uvwini nkama ino nati namulondolwela. Asi swensi swe muno tulafwa. Lelo lino ntandala yakusyalikizya ilalila, swemo tulasenulwa.

1 Kolinto 2:7

Mano yano nkukosola ankama ya mano yakwe Leza, yano afiswa ku mitundu ya antu onsi. Lino Leza atali aumbe insi ii, wene wateinye mano kwene yaa kuti yaye akutupela lulumbi.

Loma 16:25

Ka twalumbanya Leza! Wene ali na maka yakumukomya mu utailo winu kulingana ni Landwe Lisuma lino nkakosola pamulandu wakwe Yesu Klistu nga nu kulingana nu kusokoloka kwa nkama ya cumi icali icifiswe kufuma ku mikulo yampiti na mpiti.

Milimo 22:9

Antu yano twali nao yaweni luswepo, lelo yatuvwile izwi lyakwe wino uwavwanganga kunondi.

Mako 4:11

Yesu nawe ayanena ati, “Mwemo mwapelwa amano ya kumanya nkama zya Wene wakwe Leza. Lelo yano asyala yene yakauvwila mu milumbe,

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

Masamu 78:2

Nemo namamunena kuno ivyampiti vyalola, nu kumulondolwela intazi ino vyakwata,

Malango 28:49

Yawe alamuletela antu amu luko luze ulwa ku mpela ya nsi ukwiza muzanza, uluko luno icilimi cao mutacimanya. Yene yaliza yamuvwelule ungati a cipungu.

Utandiko 42:23

Yosefu uvwanga vino yakulanda, lelo yene yatamanyile cii pano wavwanganga kunoyali kupitila muli kasenula wa mazwi.

Utandiko 11:7

Leka tuye pansi tukavulunganye ululimi lwao kuti yatauvwana.”

1 Kolinto 14:16

Lino mukutaizya Leza mu myenzo inu sile, uzye umuntu wino muli nawe mu ukongano wa mapepo angavwanga uli ati, “Ameni” kwi pepo linu lya kutaizya,

2 Yamwene 18:26

Alino Eliakimu kangalila wakwisano, umwana wakwe Hilikiya na Syebina nga na Yowa, iyanena umukalamba wa vita vyao iyati, “Si nena antu yako umu lulimi lwa Cialamu, luno naswe kwene tukauvwa. Utaavwanga umu Ciyebulai pano limwi antu akwezile apapela yi linga yanguvwa kweneko.”

1 Kolinto 12:10

Mupasi Wamuzilo akapeela muntu umwi maka akucita vinjelengwe. Kuli muze nawe amupeela uwila wakulanda ilandwe lyakwe Leza. Kuli muze nawe amupeela maka akulondolola kupusana kwaya pa mawila yano yafuma kuli Mupasi Wamuzilo nga na yano yatafuma kunoli. Kuli muze nawe akamupeela maka akulandila mu ndimi zyuze zitamanyika, nga na kuli muze nawe akamupeela maka akulondolola vikulandwa mu ndimi zitamanyika.

1 Kolinto 12:28

Mwi uvi Leza wika antu yaa, nkolelo atumwa, yakwe ciili akasema, nga yakwe citatu akasambilizya. Alino wika na yao akacita vinjelengwe, nga palondelela yao apelwa maka akupozya nanti kwazwa yauze nanti kuyatungulula nanti kulandila mu ndimi zyuze zitamanyika.

1 Kolinto 13:1

Ningakwata maka akulandila mu ndimi zya antu nga ni zya angeli kwene. Lelo ndi ntakweti kutemwa, ale kulanda kwane kuli wa kulila kwa cela nanti wa nsawa.

1 Kolinto 14:26

Inane, lino mwakongana ku kupepa, vii avino cilinzile kuya, umuntu umwi akwimba umwi asambilizya, umwi aumbula vino Leza wamunena, umwi alanda mu ndimi zitamanyika umwi nawe alondolola vino mazwi amu cilimi cico yakusenula.