1 Kolinto 13:8 - Amazwi Yakwe Leza 2013

⁸ Kutemwa ukwa pe. Malandwe ya usemo nga nu kulandila mu ndimi zitamanyika, vyonsi kwene vilasila. Kumanya nako kwene kwakwata impela yakweko.

1 Kolinto 13:8 交叉參考

1 Kolinto 13:13

Pa ndakai kuli vintu vii vitatu, utailo, upaalilo nga nu kutemwa. Lelo pali vyotatu kutemwa ukukulu kuluta vyonsi.

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

Milimo 2:4

Alino yonsi yazuziwa na Mupasi Wamuzilo nga cila muntu atandika kuvwanga mu lulimi lwa cilendo kulingana na vino Mupasi wamupeela maka yakuvwanga.

Ayebulai 8:13

Lino Leza akulanda pa upangano upya, wene akusenula ukuti upangano wankolelo wakota. Pano cino icakota ala cacucuka nupya cili nu kusila zuwa.

1 Kolinto 13:10

Lelo lino cifumaluke cilaloleka, icisi cifumaluke cilalowa.

1 Kolinto 12:10

Mupasi Wamuzilo akapeela muntu umwi maka akucita vinjelengwe. Kuli muze nawe amupeela uwila wakulanda ilandwe lyakwe Leza. Kuli muze nawe amupeela maka akulondolola kupusana kwaya pa mawila yano yafuma kuli Mupasi Wamuzilo nga na yano yatafuma kunoli. Kuli muze nawe akamupeela maka akulandila mu ndimi zyuze zitamanyika, nga na kuli muze nawe akamupeela maka akulondolola vikulandwa mu ndimi zitamanyika.

Milimo 19:6

Paulo aika makasa yakwe panoyali, na Mupasi Wamuzilo aikila panoyali, nao yavwangila mu ndimi zipusanepusane nu kukosola ilandwe lyakwe Leza.

Luka 22:32

Lelo nati nkupepela Simoni kuti utailo wako utatovoka. Na lino ulazenzuka, uce ukomelezye anyonko onsi.”

Yelemiya 49:7

Apa ina Edomu, Yawe Wamaka yonsi wavwanga wati, “Uzye amalango yasililikila umu Temani? Uzye na yampandamano yati yaulila kumwi? Uzye amalango yao yasuka yaola?

1 Kolinto 14:39

Caleka inane, lyene ikini myenzo inu mu kulanda ilandwe lyakwe Leza, lelo mutainda yauze kulandila mu ndimi zitamanyika.

Milimo 13:1

Mwi uvi lyaku Antioki mwali yakasema na yakasambilizya yaa: Banaba, Simeoni (uwamwangwa mutifi), Lukio (uwafumile ku Kuleni), Manaeni (uwakuzile pamwi nu mulasi Helodi), nga na Saulo.

1 Kolinto 8:2

Wino wensi akaelenganya vino wamanya cimwi, mucumi wene atamanya ndi vino alinzile kumanya.