1 Kolinto 13:5 - Amazwi Yakwe Leza 2013

⁵ Kutemwa kutakwata kasa. Kutemwa kutaitemwa nupya kusyasepukilwa. Kutemwa kusyasunga viipe vino yauze yakacita.

1 Kolinto 13:5 交叉參考

1 Kolinto 10:24

Tulinzile kwelenganya pa vilondwa vya antu yauze, asi sile pa vilondwa vitu.

Yakobo 1:19

Mwe inane yakundwe, iusyini cii! Muntu wensi alinzile kuuvwa zuwa, lelo atekele kulanda nu kusoka.

Filipi 2:21

Cila muntu akasakamala pa vintu vyakwe umwisikulu, kwaula kusakamala mulimo wakwe Yesu Klistu.

Filipi 4:8

Mukumalila, inane lekini myenzo inu izulemo kwelengenya vintu visuma vilinzile kutasiwa, ivya cumi, ivya mpomvu, visanguluke, viyembe, nga ni vyakucindikwa.

Galatiya 5:13

Lelo mwemo inane, Leza wamwama kuti muye antungwa. Lelo mutaleka untungwa uu, uye ni nsambu yakuleka kuti mutekwe uzya ni vilondwa vinu vya mwili. Mu cifulo cakwe cico lekini kutemwa kumutungulule mu kutumikilana.

1 Kolinto 12:25

Wene wacisile cii pakuti alenge vilundwa vya mwili vyonsi vyaomba ningo kwaula kupaatukana, na cila cilundwa casakamala icuze.

2 Kolinto 5:19

Cino tukusenula cakuti Leza akupanga mutende pakasi kakwe na antu muli Klistu. Nupya wene watupela mulimo uwa kusalanganya ilandwe ilya kupanga mutende.

1 Kolinto 10:33

Mwacita sile ndi vino nani nkacita, kwezya kuzanzya antu yonsi muli vyonsi vino nkacita, kwaula kuyelenganyizizya visuma nemwisikulu, lelo visuma vya kwazwa yauze pakuti yangatuulwa.

1 Kolinto 11:18

Nkolelo, nanenwa ukuti mukweti maumba akucita kupaatukana mu kukongana kwinu. Nupya ninsininkizya ukuti vimwi vino nuvwa ivya cumi.

Mateo 5:22

Lelo nemo namunena nati wino wensi amasokela mwina wakwe alinzile atwalwe ku cilye. Na wino wensi amanena mwina wakwe ati, ‘Watumpa!’ Wene alinzile atwalwe kwi Tengo. Na wino wensi amavwanga ati, ‘Ciwelewele we,’ alaya mu uzanzo wakuya mu moto uwamu Gehena.

Luka 7:39

Lino Mufaliseo uwamwamile walola cii, aivwanzya umwisikulu ati, “Ndu muntu wii akasema, wange amanye umwanaci wii akumukumya. Wange amanye nu musango wa umi wa ukakasi uno waya nao, pano wene wali a cizelele.”

Mako 3:5

Yesu acelecensya pano yali nu ukali, lelo wakweti ulanda pa kuluvyanya kwao panoyali akome myenzo. Alino anena umuntu ati, “Ololola cizanza cako.” Nawe aololola, nga ciya icipuma nupya.

2 Tesalonika 3:7

Mweisikulu mumanyile ningo ukuti mulinzile kukolana naswe mu micitile. Swemo tutali akasu lino twali namwe.

1 Kolinto 7:36

Pamulandu wakwe lumbwe na mwali, yao yano yelenganya kuntatwalana, ndi cakuti umonsi walola ukuti mipitile yakwe ku mukazyana isi ningo, nga ndi cakuti akweti mbunu nupya wacizana ukuti cazipa yatwalane, lyene yalinzile kutwalana ndi vino akulonda. Musi iifyo mukucita cii.

Mateo 9:4

Lino Yesu wamanya vino yakwelenganya mu myenzo yao ayauzya ati, “Uzye pacani mukwelenganya viipe mu myenzo inu?

Ezaya 3:5

Antu yalacuzyanya, umwina nu mwina, umwinipamba wenga nu muze. Ana yanono yalakatukila aikolo. Iviwelewele vya antu vilasangukila yasimucindikwa.

2 Samueli 10:3

intunguluzi zya ina Amoni izinena Hanuni iziti, “Uzye ukwelenganya ukuti Davidi watatuma inkombe zii kunuli ku kwizalosya so pakuti alange umucinzi kuli aliwe nga nu ulanda kunuli? Awe cisi vivyo! Wene watayatuma kuno wa nengu ku kwizaendezya umusumba uu, pakuti angaucimvya!”

2 Timoti 2:10

Acino nemo nkaposya muli vyonsi pamulandu wa antu asololwe yakwe Leza. Nemo nkacita cii kuti nao kwene Klistu Yesu ayatuule nu kupokelela lulumbi lwa manda pe.

Yelemiya 11:19

Nemo natontelile wa kana ka mfwele kano yakutwala ku kufyula. Nemo ntamanyile ukuti anene yakupangila ukuncita cimwi ala yakuti, “Mwe, lekini tukome Yelemiya, tumusinde wa cimuti cino cafikila apa nsita ya kulemba. Katumukome pakuti kutaca kuye nanti umwi uwa kumwiusya nupya.”

Mapinda 14:17

Umuntu wa cipyu akacita ivya uwelewele, lelo wino akatala aelenganya akateeka umwenzo.

Yobo 21:27

“Fwandi mwe yayame nemo natimanya mpiti ivili umu myenzo inu. Natimanya iviipe vino mwatimupanga ukuncitila.

Mpendwa 16:15

Lyene Mose asoka cuze, nga anena Yawe ati, “Suula ivya wila wao. Ntatala nifya umwi panoyali nupya ntatala nayatolela nanti a punda wenga.”

Mpendwa 12:3

Lelo kwene Mose wali umuntu umwi mufuke cuze ukuluta antu yonsi amuno nsi.

2 Timoti 4:16

Kusi umuntu nanti umwi uwali ku mbali yane nkolelo lino naipokolwile mu cilye. Onsi kwene yamfutatile. Nkupepa kuti Leza ayelele!

Mpendwa 32:6

Mose aasuka ati, “Uzye mukunena ukuti anyonko ndi yaya ku nkondo mwemo mulasyala mutenzi kuno kwene?