1 Kolinto 11:5 - Amazwi Yakwe Leza 2013

⁵ Lelo mwanaci ali wensi wino akapepa nanti kusema mazwi yakwe Leza kwaula kuvimba cimwi ku mutwe wakwe ala wene akuzewanya umutwe wakwe. Wene atapusine nu mwanaci wino watapela lukuzu ku mutwe wakwe.

1 Kolinto 11:5 交叉參考

Malango 21:12

Senda umwanaci wiyo ukwako, kuno ali nu kupela inyele ku mutwe wakwe, nga aputule ni ngala zyakwe zyaku minwe,

Luka 2:36

Kwali kasema umwi umwanaci wi zina lyakwe Ana, mwana Faniweli uwamu luko lwakwe Aseli. Wene wali mukoloci cuze, nupya watenzi niya imyaka cinimbali kufuma ku kutwalwa kwakwe.

Milimo 2:17

‘Umu manda yampelelekezyo ndapongolwela Mupasi wane pa antu onsi. Ana inu aonsi na anaci yalasema, ana inu alumendo yalalola vilolwa, na ikolo yalalota viloto.

1 Kolinto 14:34

lino yali mu ukongano anaci yalinzile kwikala cele nu kuvwa, pano yene yatazumiliziwa kulanda. Cili ndi vino calembwa mu malembelo ukuti yene yalinzile kwikala cele nu kuvwa.

Milimo 21:9

Wakweti ana akazyana asimbe yani yao akosolanga Landwe lyakwe Leza.

Ezaya 47:2

Toola sile umwanansyo uwasya usu! Zuula icitambala cako ku mutwe. Pimpula ivyakuzwala vyako vifike umu mpamba, utandike nu kulamba sile inguzi.

1 Kolinto 11:4

Cii cikusenula ukuti monsi ali wensi wino akapepa nanti kusema mazwi yakwe Leza lino watavimba cimwi ku mutwe wakwe ala akuzewanya Klistu.

1 Kolinto 11:6

Mwanaci ndi asyavimba cimwi ku mutwe wakwe cingamuzipila kupela ni nyele zyakwe kwene. Ndi vino cili ca nsonyi ku mwanaci ndi wapela inyele zyakwe, wene cingamuzipila kuvimba cimwi ku mutwe wakwe.