2 Inane nemo nkumutasya pano mukanjiusya lyonsi nu kulondela masambilizyo yano napiile kunomuli.
Caleka, mwe ina itu, muzyansye nu kutwalilila kulondela vya cumi vino twamusambilizye, mu kukosola nu mu makalata itu kwene.
Uli mulandu uno nkutuma Timoti kunomuli. Nemo namutemwa wa mwana, nupya wene umuomvi mutailwe wa Mwene. Wene alamwiusya vintu vino nkacita mu kulondela Klistu, vino vitapusana kuli vino nkasambilizya mu mauvi yonsi.
Mwe ina itu, swemo tukumupeela ilamulo mwi zina lya Mwene witu Yesu Klistu kuti muleuke ku ina inu yonsi akasu nupya yano asyalondela utunguluzi uno twayapile.
Mulatuulwa ni Landwe Lisuma kwene lii ndi mukuyela mazwi yakwe Leza yano nakosozile kunomuli, ndi cisi vivyo ale mwazumila pa silesile.
Uzye mutakwata ku mwinu ku mang'anda kuno mungalya nu kumwa? Nanti uzye mukusula iuvi lyakwe Leza nu kucita antu aulizya insonyi? Uzye cani cino mwemo mukupaalila kuti munene pamulandu wakwe cii? Uzye namamutasya? Awe, ntange mutasye!
Caleka nupya pali umulandu uze uno ntange mutasye uwakuti kukongana kwinu ku mapepo kukaleta viipe kuluta visuma.
Nao oili yali aololoke pa manso yakwe Leza, nu kuya ni cuvwilo ku mazwi ya Mwene yonsi.
Ndakai Timoti wataweluluka, nupya watatunena vya pa utailo winu nu kutemwa kwinu. Wene watunenyile ukuti mwemo lyonsi mukatwelenganya ningo nga nu kuti mukalondesya kutulola, wakwe vino naswe tukalondesya kumulola.
Cila muntu alinzile kutwalilila kwikala muno Mwene wamusungila na muno Leza wamwamile. Lii, lili lamulo lino nkasambilizya mu mauvi yonsi.
Acino, lino mwazumile ilandwe, mwemo mwakolinye sweswe nu Mwene mu micitile. Mwacuzile, lelo Mupasi Wamuzilo wamusansamusyanga.
