1 Kolinto 10:4 - Amazwi Yakwe Leza 2013

⁴ nga nu kumwa cakumwa cili cimwi ca umupasi, cino yamwanga kufuma mu mulunda wa umupasi uno wapitanga nayo. Nu mulunda uo wali a Klistu umwisikulu.

1 Kolinto 10:4 交叉參考

Kufuma 17:6

Ulanzana njimi pa ciliwe pa Mwamba wa Holebu. Ukuume intuwa pa ciliwe, alino amanzi yalafuma mu ciliwe kuti antu yamwe.” Mose acita wakwe vino Yawe wamunenyile, pa manso ya ntunguluzi zya ina Izlaeli.

Yoane 7:37

Pa wanda wa kumalila kuzevya kwa cimulo nupya uli wanda ukulu, Yesu aimilila, asanzika izwi ati, “Wino wensi ali nu lusala alinzile kwiza kunondi kuti amwe manzi!

Ezaya 48:21

Lino Yawe wapisyanga antu yakwe umu lwanga, umukaye see uku cipuki, nupya umuume ndi, antu yakwe yataculanga ku lusala awe. Wene walenzile ukuti amanzi yafukoka umu ciliwe. Yawe walepwile iciliwe na manzi yapongwela.

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Masamu 105:41

Walepwile iciliwe na manzi yafuma mwenemo, yakonkolokela nu mu lwanga wa luzi.

Masamu 78:20

Ukuya kwene wene uumile apa ciliwe, imufuma akaluzi. Uzye kwene ni cakulya naco angatupeela, atupeele ni cifwa, swe antu yakwe?”

Masamu 78:15

Walepwile amawe umu lwanga, apakuyatonsya uku myenzo na manzi aingi ungati amwi tenga.

Mpendwa 20:11

Alino Mose azunzula ikasa lyakwe, auma na pa ciliwe ni ntuwa amaila yaili. Awe amanzi iyatandika nu kufuma nyanya sile. Ni iuvi lyonsi ilimwa kumwi ni viteekwa vyao.

Yoane 4:10

Yesu nawe amwaasuka ati, “Ndi wamanyile uwila wakwe Leza, na wino akukulenga manzi ya kumwa, nawe wange umulenge, nga wene wange akupeele manzi akapeela umi.”

Ezaya 43:20

Ni nyama zya mpanga nazyo kwene zimantaizyanga. Yankusa yamancindikanga kumwi ni mbuni, apamulandu wakuti namaleta amanzi umu lwanga ni nguzi mu mpanga iyumalale, kuti mpeele amanzi ku antu yane asololwe.

Kolose 2:17

Vintu vii vyonsi ivisontelelo vya vintu ivyali nu kwiza. Lelo ucumi wakwevyo a Klistu.

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.

Ayebulai 10:1

Masunde yakwe Mose yalanga umusango uzimantukile uwa vintu visuma vikwiza. Yene yali sile unkolanya wa vintu vikwiza. Acino nanti mpolelwa zyapeelwanga cila wanda na cila mwaka, lelo Masunde yakwe Mose yaposiwa ku maka ya mpolelwa kulenga antu yaye afumaluke.

Malango 9:21

Natoozile ni cintu cicya iciipe, unkolanya wa mwana wa ng'ombe wino mwapanzile ni cela, nga imoca mu moto. Alino lyene imuvungola nu kumusyuta mpaka aya ulukungu nga nsumba lukungu lulo mu kaluzi akapongolokanga kwisika lya mwamba.

Galatiya 4:25

Haga, wino akwimilila Mwamba wa Sinai mu Alabya, wene icikope ca musumba Yelusalemu ulipo ndakai, uno uli mu uzya pamwi na antu yonsi aikala mwenemo.

Danieli 2:38

Wene wika antu ni vinyama vya mpanga ni vyunyi vya mulwelele mu makasa yako. Konsi kuno vikaikala wewe uli kateeka wakwevyo vyonsi. Wewe uli mutwe ulya wakwe zaabu.

Utandiko 41:26

Ing'ombe ziine cinimbali, imyaka cinimbali. Ni misakinta ya ngano cinimbali, ikulu nupya ice, nayo kwene imyaka cinimbali. Viloto vyako vyoili vikusenula icintu conga.

Utandiko 40:12

Lyene Yosefu amunena ati, “Ciloto cikusenula vii: misambo itatu ya muti amanda yatatu.

Danieli 7:17

Anena ati, “Ivinyama vii vini a mawene yano yalakatuka umu nsi.