1 Kolinto 1:2 - Amazwi Yakwe Leza 2013

² Kwi uvi lyakwe Leza ilili mu Kolinto, na kuli yonsi yano aamwa kuti yaye antu yakwe Leza amuzilo, ali akwakwe mu kutaila kwao muli Klistu Yesu, pali pamwi na antu yonsi konsikonsi yano akapepa Mwene witu Yesu Klistu, Mwene witu nupya wakwao.

1 Kolinto 1:2 交叉參考

Utandiko 12:8

Nga Abulamu afumapo alungama ku kaeya ka Betele ku mpanga ya myamba, aya aimika itaalu pakasi, Betele ku uwondaka na Ai nawe ku ufumondaka. Kuku akuno akuulila Yawe kavuwa nga amupepa.

Utandiko 4:26

Seti nawe kwene yamuvyalile umwana umonsi, nga amutemela izina ati Enosi. Pa nsita kwene iya alino antu yatandike kupepa Yawe.

Masamu 45:11

Ukuyemba kwako uku malekanga ukuti umwene akulonda. Ali cino wemo fwandi, ulinzile uku muyela pano wene ali musambazi wako.

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

Milimo 15:9

Atapusinye pakasi kakwe sweswe na alio, lelo wasangulwile myenzo yao pano yataile.

Milimo 18:1

Pacisila ca vintu vii, Paulo afuma ku Atena aya ku Kolinto.

Milimo 22:16

Uzye lyene, ndakai ukulengela uli? Katuka uwatiziwe uswefiwe ku maifyo yako apakwama pi zina lyakwe.’

Milimo 26:18

Uli nu kuyayula amanso, kuti yafume mu kanda iize ku luswepo, na kuti yafume mu maka yakwe Ciwa iize kuli Leza, na kuti maifyo yao yelelwe kupitila mu utailo wao munondi, nga yapokelele cifulo pamwi na antu yano Leza wasola ukuti yaye akwakwe.’

Milimo 9:13

Ananiya aasuka ati, “Mwene, antu aingi yati yanena vya pa muntu wii, nga na pa vintu vipisye vino wacita pa antu yako mu Yelusalemu.

Milimo 9:14

Wataiza kuno na maka kufuma kuli yasimapepo akalamba ukwiza lema yonsi akapepa mwi zina lyako.”

Milimo 9:21

Antu yonsi amuvwanga yazunguka yauzyanya yati, “Uzye wii asi muntu wino akakoma yano akataka izina lii mu Yelusalemu? Uzye atizile kuno pamulandu uli umwi kwene uwakulema antu yao nu kuyasenda kuli yasimapepo akalamba?”

Loma 1:7

Caleka nalemba kalata kuli mwemwe mwensi mwe yakundwe yakwe Leza amu Loma, mwe muno mwaamwa kuti namwe kwene muye antu yakwe amuzilo. Leza Tata nu Mwene witu Yesu Klistu amupeele cikuku nu mutende.

Loma 10:12

Pano pasi kasoozi pa Muyuda nu Mukulukuwa. Pano Leza wene Mwene wa antu onsi, nupya akapolelela antu yonsi yao akamulenga kuti ayazwe.

Loma 3:22

Leza akacita antu kuya aololoke pa manso yakwe kupitila mu utailo wao muli Yesu Klistu. Leza akacita vivyo ku muntu wensi wataila muli Yesu Klistu, pano Leza ataya na kasoozi.

Loma 8:28

Nupya twamanya ukuti mu vintu vyonsi Leza akaomba kuti vizipile yao amutemwa. Yao ali yano Leza waama pano lyali lili pange lyakwe.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

1 Kolinto 10:32

Ikalini mu musango uno utangaleta intazi ku Ayuda nanti Akulukuwa nanti kwi uvi lyakwe Leza.

1 Kolinto 12:27

Mwensi kwene mwemwe mwili wakwe Klistu, nupya cila muntu munomuli wene cilundwa cauko.

1 Kolinto 8:6

lelo swemo twakwata Leza wenga sile. Wene ali Tata nga aliwe kwene ali kaumba wa vintu vyonsi, nupya swemo tukamutumikila. Yesu Klistu sile ali Mwene witu. Vintu vyonsi vyaumvilwe na aliwe, nga munoli swemo twapelwa umi.

2 Kolinto 1:1

Kalata kufuma kuli Paulo, mutumwa wakwe Klistu Yesu kupitila mu kulonda kwakwe Leza, pamwi na Timoti mwina witu. Kwi uvi lyakwe Leza lino lili mu Kolinto, nga nu ku antu yakwe Leza yonsi ali mu mpanga yonsi yamu Akaya.

2 Kolinto 4:5

Kukosola kwitu kusi kwa pali sweswe, lelo tukakosola Ilandwe ukuti Klistu u Mwene. Naswe sweswe yaomvi inu sile pamulandu wakwe Klistu Yesu.

Galatiya 1:2

Aina itu yonsi ali kuno yatuma ulau wao ku mauvi amu Galatiya.

Efeso 5:26

Wene wacisile iuvi kuya ilyamuzilo kupitila mu kuliswefya na manzi nga na mazwi yakwe.

1 Tesalonika 1:1

Kalata kufuma kuli ne Paulo na Siluvano na Timoti. Ku antu amwi uvi lyaku Tesalonika, antu yakwe Leza Tata nu Mwene Yesu Klistu. Cikuku cakwe Leza nu mutende viye kunomuli.

1 Tesalonika 4:7

Leza atatwama kuti twacita vya winyi, lelo watwama kuti tuye amuzilo.

2 Tesalonika 1:1

Kalata kufuma kuli ne Paulo, na Siluvano, nga na Timoti. Ku antu amwi uvi lyaku Tesalonika, antu yakwe Leza Tata nu Mwene Yesu Klistu.

1 Timoti 2:8

Mu kutumikila mwi uvi lyonsi nkulonda kuti aonsi aipeelesya kuli Leza yapepa, yala yakukatusya makasa yao kwaula kusoka nanti vikanza.

1 Timoti 3:15

Lelo ndi cakuti ningacelwa kwiza, ale mazwi amuli kalata wii yalakumanyisya vino micitile itu mwi uvi ilinzile kuya. Antu amu ng'anda yakwe Leza lili uvi lyakwe Leza wa umi kwene, nupya yene yakoline wa lupanda mu kutungilila iuvi.

2 Timoti 1:9

Wene watutuula nupya watwama kuti tuye antu yakwe, asi pamulandu wa vintu vino twacita. Lelo apamulandu wi pange ni cikuku cakwe. Wene wali ni cikuku kwene cii kunotuli muli Klistu Yesu lino kutali kuye kutandika kwa nsita.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

2 Timoti 2:22

Fumako ku matunko yano ance yakaponelamo, nupya uwalwisya kucita vyawololoke, kuya nu utailo, kutemwa, nga nu mutende. Wacita cii pamwi na yao aswepa myenzo, nupya yano akalenga Mwene kuti ayazwe.

Ayebulai 10:10

Pamulandu wakuti Yesu Klistu wacisile vino Leza walondanga kuti wene acite, swemo swensi kwene twaswefiwa kupitila mu mpolelwa ino umwisikulu waipile lyonga nupya calimwi.

Ayebulai 13:12

Pamulandu kwene uu, Yesu nawe kwene wafwilile kunzi ya musumba ukulu, kuti aswefye antu nu wazi wakwekufuma ku maifyo yao.

Ayebulai 2:11

Wene akaswefya antu ku maifyo yao, nga aliwe pamwi na yao aswefiwa yonsi kwene Isi a wenga mpo. Uli mulandu uno Yesu asi ni nsonyi zya kuyama ukuti aina yakwe.

Yuda 1:1

Kalata kufuma kuli ne Yuda, muomvi wakwe Yesu Klistu, nupya umwina wakwe Yakobo, kuli yano aamwa, akundwe yakwe Leza Tata nupya acingililwa na Yesu Klistu.

Umbwilo 19:16

Pa mwingila wakwe na pa lupamba lwakwe palemvilwe zina lino likati, “Kateeka wakwe yakateeka nu Mwene wakwe yamwene.”