1 Kolinto 1:10 - Amazwi Yakwe Leza 2013

¹⁰ Inane mwi zina lya Mwene witu Yesu Klistu nkumupapata mwensi, kuti, mwazumilizyanya muli vino mwalanda, pakuti kutaya kupaatukana munomuli. Muye alemane cuze a mwenzo onga na melenganyo ali yamwi.

1 Kolinto 1:10 交叉參考

1 Kolinto 12:25

Wene wacisile cii pakuti alenge vilundwa vya mwili vyonsi vyaomba ningo kwaula kupaatukana, na cila cilundwa casakamala icuze.

Loma 12:16

Mwasakamalana, mutaitumika lelo mwazumila ukuombela na antu yasilesile. Mutailola kuya a mano.

2 Kolinto 13:11

Ndakai, inane, nkuti tukateni! Mupikintike kuya afumaluke. Uvwini kupapata kwane. Ezyini kuzumilizyanya nga nu kwikala mu mutende pakasi kinu. Leza ali ntulo ya kutemwa nu mutende, aye namwe.

Masamu 133:1

Lolini vino cazipa navino cazanzya antu yakwe Leza, ukwikala pamwi wa cina nyina!

1 Kolinto 11:18

Nkolelo, nanenwa ukuti mukweti maumba akucita kupaatukana mu kukongana kwinu. Nupya ninsininkizya ukuti vimwi vino nuvwa ivya cumi.

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

Loma 16:17

Nkumupapata mwe inane, mucenjele kuli yao akapatukanya iuvi nu kuvulunganya utailo wa antu pa kuntacita vintu vino mwensi mwasambiliziwe. Fuminiko kunoyali, muyasoloke.

2 Kolinto 5:20

Twatumilwe kuya nkombe zyakwe Klistu, Leza umwisikulu akumupapata kuti mupange mutende pakasi kinu na aliwe.

1 Kolinto 4:16

Acino ndakai nkumulenga kuti mukolane nani mu micitile.

Milimo 4:32

Iumba lya antu azumile lyali nu mwenzo onga ni lango lyonga. Kutali wakuti ati vintu vii ivyakwane nenga sile, lelo yonsi yankananga vintu vyao vyonsi.

Yelemiya 32:39

Ndayapeela umwenzo uze upya, ni mipitile yuze iipya apakuti yace yangopa, nga lyonsi cice cayazipila alio kwene na ana yao aalalondelela pacisila cao.

Yoane 17:23

Nemo nao tuye wenga, nga wewe nani tuye wenga, kuti yaye afumaluke muli uwenga. Na kuti antu amu nsi yamanye vino wewe wantumile nga nu kuti wayatemwa ndi vino nani wantemwa.

1 Tesalonika 5:13

Kunoyali mwalanga mucinzi nga nu kutemwa kukulu kuluta pamulandu wa mulimo uno yakaomba. Mwaikala mutende pakasi kinu.

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Yoane 10:19

Antu nupya yapalukana pa mazwi yaa.

1 Petulo 2:11

Mwe yacuza yane, mwemwe enyi nupya mbutusi muno nsi. Acino nkumupapata kuti mutalondela nsuna zya mili, zino lyonsi zikalwisyanya nu mupasi winu.

2 Timoti 4:1

Pa manso yakwe Leza nga na Klistu Yesu, wino alapingula antu aumi na afwe, nga nu kwiza ku kuteeka, nkukupeela ilamulo nu kukupapata cuze,

Filipi 3:16

Nanti cingaya vivyo, lekini swemo twaya nkolelo kulingana nu utantiko uno twalondela kufika na ndakai.

2 Kolinto 10:1

Ne Paulo, nkumupapata, ne muno antu yakati nene cantete lino ndi namwe, lelo mupame lino nsi namwe. Kupitila mu ufuke nga nu luse lwakwe Klistu nkumupapata

Yoane 7:43

Acino kuya kupalukana mwi umba pamulandu wakwe.

Mako 2:21

“Kusi umuntu akakampika cikampa cipya pa nsalu yampiti, pano cikampa cipya cilakambatuka nu kulepula insalu yampiti, nu kukuzya icipongo penepo.

Mateo 9:16

Kusi umuntu akakampika cikampa cipya pa nsalu yampiti, pano cikampa cipya cilakambatuka ku nsalu yampiti nu kukuzya icipongo penepo.

1 Timoti 5:21

Pa manso yakwe Leza na Klistu Yesu, nga na angeli yamuzilo nkukonkomezya wewe kuti uyele vyonsi vino nakutungulula kwaula kuya ni vikanza nanti kuwila kuli umwi muli vyonsi vino ukucita.

2 Tesalonika 2:1

Pamulandu wa kwiza kwa Mwene witu Yesu Klistu nga nu kukongana kwitu swensi pamwi kuti tuye nawe, nkumupapata inane

Galatiya 4:12

Inane, nkumupapata kuti muye wakwe nene, ndi vino nani kwene ndi wakwe mwemwe. Mwemo mutancitile ciipe nanti cimwi lino nkolelo nakosozile kunomuli.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

Loma 15:30

Nkumupapata inane, mu Mwene witu Yesu Klistu nu mu kutemwa kuno Mupasi Wamuzilo akapela, ukuti muilundanye mu kupepa na maka pamwi nani kuli Leza pamulandu wane.

Yoane 9:16

Yamwi amu Afaliseo yavwanga yati, “Umuntu uwali wacita cii atafuma kuli Leza, pano asyayela isunde li Sabata.” Lelo yauze yati, “Uzye kaifya angacita uli vilangililo wakwe vii?” Alino mukasi kao yapalukana.

Loma 1:13

Mwe inane nkasi mumanye vino insita zingi nkapanga ukwiza mupempula. Lelo kuli cikandesya. Nkalonda kwiza zombola vizao vya ku Mupasi muli mwemwe wakwe vino nacita mu Akulukuwa yauze.

1 Kolinto 1:11

Pano antu yamwi kufuma ku amu ng'anda yakwe Koloe yatiyanena paswe ukuti pakasi kinu pali kulemanila.

1 Kolinto 3:3

pano micitile inu icili wa micitile ya antu amu nsi. Pakasi kinu mukuzuwilana nu kulemanila wenga nu muze. Uzye cii cisyakusininkizya vino mwemwe amu nsi, mukucita vintu kulingana ni miyele ya muno nsi?

2 Kolinto 13:9

Nanti angala tuli nu utonte, tuli ni nsansa pano mwemwe yakome, nupya tukupepa kuti muye afumaluke.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

Yoswa 22:15

Lino yiiza ku Gileadi kuli Lubeni, na Gadi nu ku mutundu pakasi wakwe Manase, iyayanena yati,

Mako 3:24

Antu amu wene ndi yakatukilana aisikulu nu kuilwisya, uwene uo ulapaatukana.