SAN LUCAS 7:2 - Lengua Sur (Enxet) Nuevo Testamento

² Apheyk axta xama sẽlpextétamo apkemha apmonye romano m'a. Yetneyk axta xama apkeláneykha apchásekhayókxa. Apháxamakpek axta, keto' axta anhan apketsapmakxa.

SAN LUCAS 7:2 交叉參考

SAN MATEO 27:54

Apwet'ak axta ektahakxa ekyawheykha xóp ma'a sẽlpextétamo apkemha apmonye tén han ma'a apkelxegexma'a axta, cham'a ektaha axta apkeláneykha apyexnakxa Jesús. Apkelakak axta nahan ma'a ekyókxoho ektahakxa axta. Aptahak axta apkelpakmeta s'e: —¡Nakso' neyke agkok aptaha Dios Apketche xa énxet nak.

SAN LUCAS 23:47

Xama axta apwet'a sẽlpextétamo apkemha apmonye ektahakxa, apkeltemésesek axta apcheymákpoho Dios. Aptahak axta s'e: —Nakso' nak axta eyke agkok aptaha meyke aptémakxa s'e énxet nak.

SAN LUCAS 7:1

Xama axta appenchesa Jesús apkeltennáseykha énxet'ák, apmeyákxeyk axta tegma apwányam Capernaum.

SAN LUCAS 7:3

Xama axta apleg'a amya'a apxénákpo Jesús ma'a sẽlpextétamo apkemha apmonye nak, apkeláphásek axta nápakha énxet'ák judíos apkelámha apmonye'e apchakneykekxexa, yakwayam enxoho yának ey'ammok apkeláneykha yakwayam etakmelchesók.

SAN LUCAS 8:42

Xama agko' axta apketche kelwána, doce yeyam agkok axta m'a, keto' axta étsapmakxa. Kélyegawók axta cha'a Jesús neyseksa apxega, hakte apxámok axta énxet ektaha axta apyetlo.

LOS HECHOS 10:1

Apheyk axta xama énxet apwesey Cornelio m'a tegma apwányam Cesarea, sẽlpextétamo apwese' axta m'a, aptaha axta apkeláneykha nápakha sẽlpextétamo kéltéma axta apkeleñama Italia.

LOS HECHOS 10:7

Xama axta aptakháwo Dios apchásenneykha, cham'a appakhetchesa axta Cornelio, apkelwóneyha axta Cornelio apkánet apkelásenneykha tén han xama sẽlpextétamo, cham'a aptaha axta apcháyo Dios, ektaha axta anhan apcháyókxa Cornelio.

LOS HECHOS 22:26

Xama axta apleg'a apkemha apmonye sẽlpextétamo xa, apkeltennásekxeyk axta sẽlpextétamo apwese'. Aptahak axta apcháneya s'e: —¿Háxko sat etnehek xép? Aphawo neyke énxet apkeleñama Roma m'a énxet nak.

LOS HECHOS 23:17

Apwóneyha axta Pablo xama apkemha apmonye sẽlpextétamo. Aptahak axta apcháneya s'e: —Entemekxa hana aphakxa sẽlpextétamo apwese' s'e wokma'ák nak, hakte yetneyk xama aksok yakwayam eltennaksek.

LOS HECHOS 27:1

Xama axta kélmoko hẽláphaksek negko'o m'a yókxexma Italia, Pablo tén han ma'a énxet'ák ektaha axta apkelmomap, ẽlnaklókek axta aphakxa xama sẽlpextétamo apwese' apwesey axta Julio, aptaha axta apkemha apmonye nepyeseksa wese' apwányam sẽlpextétamo apagkok.

LOS HECHOS 27:3

Mók ekhem axta entahak nelwákxo tegma apwányam apyetno nak neyáwa wátsam apwesey nak Sidón, tásek axta aptemésesakxa Julio aptaha axta sẽlpextétamo apwese' Pablo nelwokmo axta m'a, apcha'awók axta etnehek meyk'a énxet'ák ektaha axta apkelásekhayókxa Pablo, apkeltamhok axta nahan emok takha' xa énxet'ák nak.

LOS HECHOS 27:43

Wánxa agkok, axta eyke ya'awok ma'a apkemha apmonye sẽlpextétamo ektaha axta apmáheyo ewagkasek teyp Pablo, wánxa agkok, apkeltamhok axta elnextog apmonye'e m'a apkelmopwána nak elmok yegmen yakwayam enxoho elwakxak ma'a néten xóp,

COLOSENSES 3:22

Kéxegke kélteme nak kélmomaxche kéltemesáseykha aksa, kólyahakxoho cha'a kélwese'e kélagkok apheykha nak keso náxop, kóllanés cha'a aksok wese' kélagkok, háwe ekwánxa agkok ma'a apkelánencha'a enxoho, yakwayam enxoho yának katakmelak kéltamheykha, wánxa agkok, kóltemeykha yetlo ekmáheyo kélwáxok, eñama kélaye m'a Wese' egegkok.