4 Wokmek sat agkok siete apkenmexeykha kéxegke kélyáxeg xama ekhem, wokmek agkok siete apteme apkenagko kéxegke s'e: ‘Matnekxék sat cha'a kaxwo'’, kéméxchek megkólyakmagkásekxék aptahakxa.
Agkok nahan yahaxnók aptahakxa appeywa exchep, yáneyha xama énxet, apkánet esenhan, yakwayam enxoho kóllánekxak amya'a eñama apkelxeyenma apkánet énxet, apkántanxo esenhan, cham'a ektaha enxoho apkellegé ektahakxa kélláneykekxa kélpeywa.
Aptahak axta anhan appeywa Jesús se'e: —Sat nahan etnésesek kéxegke Táta apha nak néten xa, cham'a kélyakmagkáseykxo enxoho aptemésesakxa kélmók, cham'a eyéméxko nak eykhe kóltehek ekmámnaksoho megkólyakmagkáseykekxa aptemésesakxa.
Akke ektahak ko'o seláneya kéxegke s'e: Kólásekhoho m'a énxet'ák apkenmexeykencha'a nak kéxegke, kólmaxnéses nahan ma'a énxet'ák ektahakxa enxoho apmenxeneykha kéxegke.
Ná eyakmagkásekxa aksa aksok ekmaso nenlané nak negko'o, ekhawo nentémakxa nak negko'o magyakmagkáseykekxa cha'a sentemésesakxa ekmaso egmók.
Aptahak axta apkeltámeséyak apcháneya Wese' egegkok Jesús se'e: —Hegyánchesesagkoho negko'o nenteme magya'áseyam.
Temék nahan eknaktáxésamaxche s'e: “Meyk agkok enchakhak énxet apkenmexeykha nak xép, egkés apto, hem agkok nahan enchakhak, egkés yegmen; sat kañék apmegkagweykekxa pók eñama apteméseso exchep xa ektaha nak.”
