SAN JUAN 6:9 - Lengua Sur (Enxet) Nuevo Testamento

⁹ —Yetneyk xama sakcha'a apyetna nak cinco pan se'e, tén han ánet kelasma, megkawakxók eyke apyókxoho énxet xa.

SAN JUAN 6:9 交叉參考

SAN MATEO 14:17

Aptahak axta apkelátegmowágko apkeltámeséyak se'e: —Wánxa aksa negko'o apyetna cinco pan keñe ánet kelasma.

SAN MATEO 16:9

¿Yagkólya'ásegkok makham? ¿Kelwagkámegkeya anhan selmeyásegko axta ko'o cinco pan cinco mil énxet'ák? ¿Kelwagkámegkeya anhan ekwánxa axta ekwokmo elláneykegkoho kélxata kélmákxo axta kéxegke?

SAN MARCOS 6:38

Aptahak axta apkelmaxneyeyncha'a Jesús se'e: —¿Háxko apwánxa apyetna kéxegke pan? Kóllano hana. Xama axta apkelya'ásegwokmo apwánxa, aptahak axta apcháneya s'e: —Cinco apyókxoho pan, keñe ánet kelasma.

SAN MARCOS 8:19

selmeyásegko axta ko'o cinco mil énxet'ák cinco pan? ¿Háxko axta ekwánxa ekwokmo kélxata m'a apkeleymomap axta? Aptahak axta apkelátegmowágko s'e: —Doce axta wokmok.

SAN LUCAS 9:13

Aptahak axta apkeláneya Jesús se'e: —Kólmés kéxegke aptéyak. Aptahak axta apkeltámeséyak apkelátegmowágko s'e: Cinco pan akke aksa apyetna negko'o keñe ánet kelasma, apkeltamhok enxeykel'a antegyásekxak negko'o aptéyak apyókxoho xa énxet'ák nak.

SAN JUAN 11:21

Entahak axta Marta eyáneya Jesús se'e: —Wese', apheyk axta agkok xép se'e megyetsepek axta ko'o eyepma.

SAN JUAN 11:32

Xama axta ekwokmo María aphakxa Jesús, keltekxekwokmek axta atapnák xóp aphakxa. Entahak axta eyáneya s'e: —Wese', apheyk axta agkok xép se'e, megyetsepek axta eyepma ko'o.

SAN JUAN 21:10

Aptahak axta apkeláneya Jesús se'e: —Kólsanta nekha kelasma kaxwé kélnapma exchek.

SAN JUAN 21:13

Apyepetchegwokmók axta Jesús apkeltámeséyak, apmeyk axta pan, keñe axta apkelmeyásegko apkeltámeséyak; hawók axta anhan aptemésesakxa m'a kelasma.

SAN JUAN 21:9

Xama axta apkelántepa yókxexma, apwet'ak axta kélwatno táxa yetlo kélpekkenma kelasma nátex, apwet'ak axta anhan xama pan apyetna m'a.

SAN JUAN 6:11

Apkelmeyk axta Jesús pan, keñe axta apmésa ekxeyenma apwáxok Dios, apkelmeyásegkek axta anhan énxet'ák ektaha axta apheykha m'a. Hawók axta anhan aptemésesakxa kelasma, apkelmeyásegkek axta ekwánxa enxoho apmopmenyého.

SAN JUAN 6:7

Aptahak axta apchátegmowágko Felipe s'e: —Megkawakxók nahan doscientos ekhem nak nentamheykha antegyek nento, yakwayam enxoho kawakxohok cha'a ketsék pók xa apyókxoho nak.

2 CORINTIOS 8:9

Hakte kélya'ásegkok kéxegke Wese' egegkok Jesucristo, aptemesásamákpo axta meyke aksok apagkok kéxegke eñamakxa, xámok axta eykhe aksok apagkok ma'a néten, yakwayam enxoho kóltehek kéxegke ekxákma aksok kélagkok eleñama nak néten, eñama m'a aptemesásamap axta Cristo meyke aksok apagkok, eñama nahan ma'a ektémakxa nak segásekhayo.

APOCALIPSIS 6:6

Ekleg'ak axta ko'o kélpeywa nepyeseksa xa hawók nápakha énxet apkeleñama nak néten. Entahak axta amya'a s'e: “Xama kelyetsáteyak hótahap aksa kaxwo' ekyanmaga xama ekhem nak kéltamheykha, keñe antanxo kelyetsáteyak ma'a ekhó nak hótahap wánxa xama ekhem ekyanmaga nak kéltamheykha; neytwasha aksa pexmok égmenek nak, tén han ma'a anmen yámet égmenek nak.”