7 Aptahak axta Jesús apkeláneya énxet'ák ektaha axta kélásenneykha s'e: —Kóllánesagkoho sat yegmen xa yátegwáxwa nak. Apkellánesagkok axta nahan.
Kelyamásexchek axta vino, entahak axta eyáneya egken Jesús se'e: —Kelyamásexchek hek vino.
Entahak axta nahan eláneya énxet'ák ektaha axta kélásenneykha s'e: —Kólyahakxoho sat aptahakxa enxoho apkeláneya Jesús
Aphágkek axta seis meteymog yátegwáxwa m'a apkelyetmeykegkoho axta cha'a yegmen énxet'ák judíos apmeykha yakwayam elyenyeksek apyempe'ék. Cincuenta litros yegmen axta cha'a xama meteymog yátegwáxwa, setenta litros axta anhan cha'a kawomho'.
Aptahak axta Jesús apkeláneya s'e: —Kólyáwa sat kaxwo' ketse', kólsakxes sat ma'a ektaha nak apkemha apmonye apkelané sẽlyamhopma. Apsákxések axta nahan xa énxet'ák nak.
