SAN JUAN 2:12 - Lengua Sur (Enxet) Nuevo Testamento

¹² Apmeyákxeyk axta Jesús tegma apwányam Capernaum natámen xa. Egken axta apxegexma, tén han apkelyáxeg, tén han apkeltámeséyak; apháha axta yakwatakxoho m'a.

SAN JUAN 2:12 交叉參考

SAN MATEO 11:23

Kéxegke kélheykha nak tegma apwányam Capernaum, ¿kélaneykeya kóltemésesek kéxegke meyke ekhémo? Kólchexak sat kéxegke ekweykmoho kaño' agko' máxek sẽlmaséseykenxa nak. Tegma apwányam Sodoma axta agkok keláneyxchek aksok sempelakkaso nak agweta', elánéxko axta kélnepyeseksa kéxegke, étek axta makham ma'a tegma apwányam nak ekwokmoho keso negwánxa nak.

SAN MATEO 12:46

Apkeltennáha axta makham Jesús nepyeseksa énxet'ák, cham'a ekyo'ókmo axta egken, tén han ma'a apkelyáxeg, mokók axta kapakhetchesek. Yókxexma axta chaknáha,

SAN MATEO 4:13

Apyeyk'ak axta tegma apwányam Nazaret, axta eyke aphákxak ma'a tegma apwányam Capernaum, cham'a apyetnama nak neyáwa wátsam ekpayhegwayam, yókxexma apheykegkaxa axta Zabulón énxet'ák apagkok, tén han ma'a Neftalí.

SAN MARCOS 6:3

¿Háweya yántéseksek apkelanél'a xa, María étchel'a, Santiago apepmal'a, tén han ma'a José, Judas, tén han ma'a Simón? ¿Enxoho anhan kaxneykha apkelyáxeg so negyeseksa nak negko'o? Axta keñamak megkólhaxno apkeltenneykha Jesús xa.

SAN JUAN 2:2

Apcháneyakpek axta anhan Jesús yetlo apkeltámeséyak epásegwók xa sẽlyamhopma nak.

SAN JUAN 4:46

Apwákxeyk axta makham Jesús ma'a nátegma Caná yókxexma Galilea, cham'a aptemesáseykxexa axta yegmen vino. Apheyk axta anhan xama apkemha apmonye wese' apwányam apchásenneykha m'a, apyetna axta apketche apháxamap ma'a tegma apwányam Capernaum.

SAN JUAN 6:17

apkelchenátwekxeyk axta yántakpayhe apkelmeyákxo neyp wátsam ekpayhegwayam yakwayam elwakxak ma'a Capernaum. Yáktések axta exma, axta eyke ewákxak makham Jesús aphágkaxa.

1 CORINTIOS 9:5

Payhawók eykhe nahan negko'o xa annaklawha egnakteyegka'a megkalya'áseyam nak Wese' egegkok, ekha enxoho, ekhawo aptamheykegkaxal'a pók seykha amya'a nak, ekhawo aptamheykegkaxal'a nahan ma'a Wese' egegkok apkelyáxeg apancha'awo nak, tén han ma'a Cefas.

GÁLATAS 1:19

Axta eyke alwet'ak nápakha seykha amya'a, Santiago axta aksa ekwet'ak aptaha nak Wese' egegkok apyáxeg.